ମଦ ଦୁର୍ନୀତି ମାମଲା: ସୁପ୍ରିମକୋର୍ଟ ଗଲେ ସିସୋଦିଆ, CJI କହିଲେ - ହାଇକୋର୍ଟ ଯାଆନ୍ତୁ
CBIର ଗିରଫଦାରୀ ଏବଂ ଯାଞ୍ଚକୁ ବିରୋଧ କରି ସିସୋଦିଆ ସୁପ୍ରିମକୋର୍ଟର ଦ୍ୱାରସ୍ଥ ହୋଇଛନ୍ତି । ସୂଚନା ଅନୁସାରେ, ଅଭିଷେକ ମନୁ ସିଙ୍ଘଲି ମନୀଷ ସିସୋଦିଆଙ୍କ କେସ୍ ଲଢିବେ ।
ଅବକାରୀ ନୀତିରେ ଦୁର୍ନୀତି ଅଭିଯୋଗରେ ମନୀଷ ସିସୋଦିଆଙ୍କୁ ରବିବାର ଦୀର୍ଘ ୮ ଘଣ୍ଟା ଜେରା କରିବା ପରେ ଗିରଫ କରାଯାଇଥିଲା । ସୋମବାର ତାଙ୍କୁ ଦିଲ୍ଲୀର ଏକ ସ୍ୱତନ୍ତ୍ର କୋର୍ଟରେ ହାଜର କରାଯିବା ପରେ ୫ ଦିନିଆ ସିବିଆଇ ପିମାଣ୍ତରେ ନିଆଯାଇଛି । ମାର୍ଚ୍ଚ ୪ ଯାଏଁ ତାଙ୍କୁ ଜେରା କରିବ ସିବିଆଇ । ଗତକାଲି ସିବିଆଇ ସିସୋଦିଆଙ୍କୁ ରିମାଣ୍ତରେ ନେଇ ଜେରା କରିବା ପାଇଁ କୋର୍ଟରେ ଆବେଦନ କରିଥିଲା ।
ସୂଚନାଥାଉ ଯେ, ସିସୋଦିଆଙ୍କୁ ପ୍ରମାଣ ନଷ୍ଟ କରିବା ଅଭିଯୋଗରେ ସିବିଆଇ ଗିରଫ କରିଛି । CBI ସୂଚନା ଅନୁସାରେ, ୨୦୨୧-୨୨ ବର୍ଷ ପାଇଁ ପ୍ରସ୍ତୁତ ଅବକାରୀ ନୀତିରେ ଅନିୟମିତତା ମାମଲା ମୁମ୍ବାଇ ସ୍ଥିତ ଏକ ଘରୋଇ କମ୍ପାନୀରେ ତତ୍କାଳୀନ ସିଇଓ ଏବଂ ଅନ୍ୟ ୬ ଜଣଙ୍କ ବିରୋଧରେ ଡିସେମ୍ବର ୨୫ରେ ଚାର୍ଜସିଟ୍ ଦାଖଲ କରାଯାଇଥିଲା । ଏହି ମାମଲାରେ ସିସୋଦିଆଙ୍କୁ ପ୍ରଥମ ଥର ଗତ ବର୍ଷ ଅକ୍ଟୋବର ୧୭ରେ ଜେରା କରାଯାଇଥିଲା ।
ଅନ୍ୟପକ୍ଷରେ ମନୀଷ ସିସୋଦିଆଙ୍କୁ ସିବିଆଇ ପକ୍ଷରୁ ପଚରାଉଚରା ଆରମ୍ଭ ହୋଇଯାଇଛି । ସିସୋଦିଆଙ୍କ ପାଇଁ ପ୍ରଶ୍ନର ଏକ ଲମ୍ବା ତାଲିକା ପ୍ରସ୍ତୁତ କରାଯାଇଥିବା ନେଇ ସୂଚନା ରହିଛି । ଗିରଫ ପରେ ଆଜି ଦିଲ୍ଲୀ ଉପମୁଖ୍ୟମନ୍ତ୍ରୀଙ୍କୁ ପ୍ରଥମ ଥର ଜେରା କରିଛି ସିବିଆଇ । ସୂଚନାନୁସାରେ, ସିବିଆଇ ପୁଣି ଏକ ନୂତନ ତଦନ୍ତ ଆରମ୍ଭ କରିପାରେ ।
Click it and Unblock the Notifications
Sign in with Google