ମଦ ଦୁର୍ନୀତି ମାମଲା: ଆଜି ଇଡିରେ ହାଜର ହେବେ ନାହିଁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ

Updated: Thursday, November 2, 2023, 14:29 [IST]

Arvind Kejriwal On ED: ଦିଲ୍ଲୀ ମଦ ଦୁର୍ନୀତି ମାମଲା । ଆଜି ଇଡିରେ ହାଜର ହେବେ ନାହିଁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଆଜି ଦିନ ୧୧ଟାରେ ହାଜର ହୋଇ ନିଜ ବିବୃତ୍ତି ରଖିବା ନେଇ ଇଡି ପକ୍ଷରୁ ସମନ ପଠାଯାଇଥିଲା । ହେଲେ କେଜ୍ରିୱାଲ କହିଛନ୍ତି ଯେ ପଚରାଉଚରା ପାଇଁ ପଠାଯାଇଥିବା ବିଜ୍ଞପ୍ତି ବେଆଇନ ଏବଂ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ। ସେ କହିଛନ୍ତି ଯେ ବିଜେପିର ନିର୍ଦ୍ଦେଶରେ ଏହି ନୋଟିସ ପଠାଯାଇଛି। ତୁରନ୍ତ ନୋଟିସ ପ୍ରତ୍ୟାହାର କରାଯିବା ଉଚିତ୍।

ଦିଲ୍ଲୀ ମଦ ଦୁର୍ନିତି ମାମଲା ସ୍କାମରେ ଫେବୃଆରୀରୁ ଆପ୍ ନେତା ତଥା ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ଜେଲରେ ଅଛନ୍ତି। ସିସୋଦିଆଙ୍କ ବ୍ୟତୀତ ଇଡି ନିକଟରେ ଆମ୍ ଆଦମୀ ପାର୍ଟି ରାଜ୍ୟସଭା ସାଂସଦ ସଞ୍ଜୟ ସିଂଙ୍କୁ ମଧ୍ୟ ଗିରଫ କରିଥିଲା। ଦିଲ୍ଲୀର ମଦ ଦୁର୍ନୀତିକୁ ନେଇ ଇଡି ଧୀରେ ଧୀରେ ଅନେକ AAP ନେତାଙ୍କୁ ଗିରଫ କରୁଛି ।

ସେପଟେ ଜେରା ପାଇଁ କେଜ୍ରିୱାଲଙ୍କୁ ସମନ ପଠାଯିବା ପରେ ଆପ୍ କର୍ମୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି । ତେବେ କେଜ୍ରିୱାଲଙ୍କୁ କେତେ ସମୟ ଜେରା କରାଯିବ ଏବଂ କ'ଣ ପ୍ରଶ୍ମ ପଚରାଯିବା ସେନେଇ ବର୍ତ୍ତମାନ ପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ ।

ସୂଚନାଥାଉ ଯେ, ଏହାପୂର୍ବରୁ ଏପ୍ରିଲ 16 ରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଅବକାରୀ ନୀତି ଘୋଟାଲା ମାମଲାରେ ଅରବିନ୍ଦ କେଜ୍ରିୱାଲଙ୍କୁ ନଅ ଘଣ୍ଟା ପଚରାଉଚରା କରିଥିଲା। ଏହି ଘଟଣାରେ ତଦନ୍ତକାରୀ ସଂସ୍ଥା ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କୁ ଗିରଫ କରିସାରିଛି।

ନଅ ଘଣ୍ଟା ସିବିଆଇ ପଚରାଉଚରା ପରେ କେଜ୍ରିୱାଲ କହିଥିଲେ ଯେ AAP ଏକ ସଚ୍ଚୋଟ ଦଳ। ଏହା ପରେ CM କହିଥିଲେ ଯେ ସେମାନେ (କେନ୍ଦ୍ର) AAP କୁ ନଷ୍ଟ କରିବାକୁ ଚାହୁଁଛନ୍ତି । କିନ୍ତୁ ଦେଶର ଲୋକମାନେ ଆମ ସହିତ ଅଛନ୍ତି ।