ଶାହା ଜାରି କଲେ ଦିଲ୍ଲୀ ପାଇଁ ବିଜେପିର ସଂକଳ୍ପ ପତ୍ର

ଦିଲ୍ଲୀ ନିର୍ବାଚନକୁ ଆଉ କିଛି ଦିନ ବାକି ରହିଛି । କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଆଜି ଦିଲ୍ଲୀ ବିଧାନସଭା ନିର୍ବାଚନ ପାଇଁ ବିଜେପିର ସଂକଳ୍ପ ପତ୍ରର ତୃତୀୟ ଭାଗ ପ୍ରକାଶ କରିଛନ୍ତି । ଆମେ ଯାହା ପ୍ରତିଜ୍ଞା କରୁ, ଆମେ ତାହା ପୂରଣ କରୁ, ଆମେ କେବଳ ଅନ୍ୟମାନଙ୍କ ପରି ପ୍ରତିଜ୍ଞା କରୁନାହୁଁ ବୋଲି ଅମିତ ଶାହ କହିଛନ୍ତି । ସଂକଳ୍ପ ପତ୍ର ଜାରି କରୁଥିବା ସମୟରେ ଆପର ସଂଯୋଜକ ଅରବିନ୍ଦ କେଜ୍ରିୱାଲଙ୍କୁ ଟାର୍ଗେଟ କରିଛନ୍ତି ଅମିତ ଶାହ ।

ଏହି ସମୟରେ ଅମିତ ଶାହା କହିଛନ୍ତି, "ଆଜି ମୁଁ ଦିଲ୍ଲୀ ନିର୍ବାଚନ ପାଇଁ ବିଜେପିର ସଂକଳ୍ପର ଶେଷ ଭାଗ ଉପସ୍ଥାପନ କରୁଛି। ମୁଁ ଅନ୍ୟ ଦଳର ନାମ ନେବି ନାହିଁ। ଆମ ଦଳ ଯାହା ପ୍ରତିଶ୍ରୁତି ଦେଇଥାଏ ତାହା ପୂରଣ କରେ। ଆମେ କେବଳ କାହାକୁ ପ୍ରତିଶୃତି ଦେଇନଥାଉ ବରଂ ତାହାକୁ ପୂରଣ କରିଥାଉ । ଆମେ ଅନେକ ପ୍ରତିଶ୍ରୁତି ଦେଇଛୁ। "

ଲୋକଙ୍କ ଠାରୁ ପରାମର୍ଶ ମାଗିବା ପରେ ଏହା ପ୍ରସ୍ତୁତ କରାଯାଇଛି। କେଜ୍ରିୱାଲ ଜୀ ଦିଲ୍ଲୀର ଲୋକଙ୍କୁ ପ୍ରତିଶୃତି ଦେଇଛନ୍ତି ଏବଂ ପରେ ଏକ ନିରୀହ ଚେହେରା ନେଇ ଫେରି ଆସନ୍ତି। କେଜ୍ରିୱାଲ କହୁଥିଲେ ଯେ ମନ୍ତ୍ରୀ ବଙ୍ଗଳା ନେବେ ନାହିଁ। ଆଜି ଦେଖନ୍ତୁ ସେ ଶିଶ ମହଲ ନିର୍ମାଣ କରିଛନ୍ତି | ତୁମେ ମନ୍ଦିରକୁ ରକ୍ଷା କରି ନାହଁ। ଆମ ବିଦ୍ୟାଳୟଗୁଡ଼ିକୁ ଛାଡି ନାହାଁନ୍ତି | ମଦ ଦୁର୍ନୀତି ହୋଇଛି | କେଜ୍ରିୱାଲ ଜୀ, ଯମୁନାରେ ବୁଡ଼ ପକାନ୍ତୁ, ନଚେତ୍ କୁମ୍ଭକୁ ଯାଇ ଗଙ୍ଗାରେ ବୁଡ଼ ପକାନ୍ତୁ |

୫୦୦ ଟଙ୍କାରେ ସିଲିଣ୍ଡର, ଦୁଇଟି ମାଗଣା

ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା କହିଛନ୍ତି ଯେ ଗରିବ ପରିବାରଙ୍କୁ ଏଲପିଜି ସିଲିଣ୍ଡର ଉପରେ ରହାତି ଦିଆଯିବ । ୫୦୦ ଟଙ୍କାରେ ସିଲିଣ୍ଡର ଦିଆଯିବ । ହୋଲି ଏବଂ ଦୀପାବଳିରେ ବର୍ଷକୁ ଦୁଇଟି ସିଲିଣ୍ଡର ମାଗଣାରେ ଦିଆଯିବ ।

ଗର୍ଭବତୀଙ୍କୁ ୨୧ ହଜାର ଟଙ୍କା ସହାୟତା

ଜେପି ନଡ୍ଡା କହିଛନ୍ତି ଯେ ମାତୃ ସୁରକ୍ଷା ଯୋଜନାକୁ ଅଧିକ ମଜଭୁତ କରିବା ପାଇଁ ଅଛଟି ପୁଷ୍ଟିକର କିଟ୍ ଦିଆଯିବ । ସବୁ ଗର୍ଭବତୀଙ୍କୁ ୨୧ ହଜାର ଟଙ୍କାର ଦିଆଯିବ ।

ଆୟୁଷ୍ମାନ ଯୋଜନା ଲାଗୁ ହେବ, ୧୦ ଲକ୍ଷ ଟଙ୍କାର ବୀମା

ବିଜେପି ଅଧ୍ୟକ୍ଷ କହିଛନ୍ତି ଯେ ଦିଲ୍ଲୀରେ ବିଜେପି ସରକାର ଗଠନ ହେବା ପରେ କେନ୍ଦ୍ର ସରକାରଙ୍କ ଆୟୁଷ୍ମାନ ଯୋଜନାକୁ ଲାଗୁ କରାଯିବ । ଆୟୁଷ୍ମାନ ଯୋଜନାକୁ ପ୍ରଥମ କ୍ୟାବିନେଟ୍ ବୈଠକରେ ହିଁ ଲାଗୁ କରାଯିବ । ଏଥିରେ ଦିଲ୍ଲୀ ସରକାରଙ୍କ ପକ୍ଷରୁ ୫ ଲକ୍ଷ ଟଙ୍କାର ଅତିରିକ୍ତ କଭର୍ ଦିଆଯିବ । ଯାହାର ଲାଭ ୫୧ ଲକ୍ଷ ଲୋକଙ୍କୁ ମିଳିବ । ୭୦ ବର୍ଷରୁ ଅଧିକ ବୟସର ବରିଷ୍ଠ ନାଗରିକଙ୍କୁ ୧୦ ଲକ୍ଷ ଟଙ୍କାର ସ୍ୱାସ୍ଥ୍ୟ ବୀମା ଦିଆଯିବ ।

ପେନସନ୍ ଟଙ୍କା ବଢିବ

ଜେପି ନଡ୍ଡା ଘୋଷଣା କରିଛନ୍ତି ଯେ ୬୦-୭୦ ବର୍ଷ ବୟସର ବରିଷ୍ଠ ନାଗରିକଙ୍କୁ ୨୫୦୦ ଟଙ୍କା ପେନ୍‌ସନ୍ ଦିଆଯିବ । ୭୦ ବର୍ଷରୁ ଅଧିକ ବୟସ୍କଙ୍କୁ ୩୦୦୦ ଟଙ୍କା ପେନ୍‌ସନ୍ ଦିଆଯିବ । ସେହିପରି ବସ୍ତିରେ ରହୁଥିବା ଲୋକଙ୍କୁ ୫ ଟଙ୍କାରେ ପେଟପୁରା ଖାଦ୍ୟ ଦେବା ପାଇଁ ଅଟଳ କ୍ୟାଣ୍ଟିନ୍ ଯୋଜନା ଆରମ୍ଭ କରାଯିବ ।

୧.୮୦ ଲକ୍ଷ ଲୋକଙ୍କ ଫିଡ୍‌ବ୍ୟାକ୍ ଆଧାରରେ ସଂକଳ୍ପ ପତ୍ର ପ୍ରସ୍ତୁତ

ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା କହିଛନ୍ତି ଯେ ମହିଳା, ଯୁବ ପିଢି, ବସ୍ତିରେ ରହୁଥିବା ଲୋକ, ଅଣସଂଗଠିତ ଶ୍ରମିକ, ମଧ୍ୟମ ବର୍ଗ, ବ୍ୟବସାୟୀ ବର୍ଗଙ୍କ ସହ ବିଚାରବିମର୍ଶ କରାଯାଇଛି । ପ୍ରାୟ ୧.୮୦ ଲକ୍ଷ ଫିଡ୍‌ବ୍ୟାକ୍ ମିଳିଛି । ପ୍ରାୟ ୬୨ ଗୋଷ୍ଠୀ ସହ ସିଧା ଚର୍ଚ୍ଚା ହୋଇଛି । ୧୨ ହଜାର ଛୋଟ ବଡ଼ ସଭା କରାଯାଇଛି । ୪୧ ଏଲ୍‌ଇଡି ଭ୍ୟାନ୍ ମାଧ୍ୟମରେ ନେତାମାନେ ସମସ୍ତଙ୍କ ସହ ଚର୍ଚ୍ଚା କରିଛନ୍ତି ।