ପୁଣି ଥରେ ସିସୋଦିଆଙ୍କୁ କୋର୍ଟରୁ ଲାଗିଲା ଝଟକା

ନୂଆଦିଲ୍ଲୀ : ପୁଣିଥରେ ନିରାଶ ହେଲେ ମନୀଷ ସିସୋଦିଆ । ଦିଲ୍ଲୀର ମଦ ନୀତି ଦୁର୍ନିତ ଦୁର୍ନୀତି ମାମଲାରେ ଦିଲ୍ଲୀର ପୂର୍ବତନ ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ କୋର୍ଟରୁ ପୁଣିଥରେ ଲାଗିଛି ଝଟକା । ମଦ ଦୁର୍ନୀତି ମାମଲାରେ ଜଡ଼ିତ ସିବିଆଇର ମାମଲାରେ ରାଉଜ ଆଭେନ୍ୟୁ କୋର୍ଟ ମନୀଷ ସିସୋଦିଆଙ୍କ ନ୍ୟାୟିକ ହେପାଜତ ଅବଧିକୁ ୨୬ ଜୁଲାଇ ପର୍ଯ୍ୟନ୍ତ ବଢ଼ାଇ ଦେଇଛନ୍ତି ।

ଆସନ୍ତା ସୋମବାର ତାଙ୍କୁ ଭିଡିଓ କନ୍‌ଫରେନ୍ସିଂ ଜରିଆରେ କୋର୍ଟରେ ହାଜର କରାଯିବ ବୋଲି ଜଣାପଡ଼ିଛି । ଅନ୍ୟପଟେ ସିବିଆଇ ମାମଲାରେ ବିଆରଏସ ନେତା କେ କବିତାଙ୍କ ବିରୋଧରେ ଦାଖଲ ହୋଇଥିବା ଚାର୍ଜସିଟ୍ ରାଉସ ଆଭେନ୍ୟୁ କୋର୍ଟ ଗ୍ରହଣ କରିଛନ୍ତି । ରାଉସ ଆଭେନ୍ୟୁ କୋର୍ଟ ଭିଡିଓ କନଫରେନ୍ସିଂ ଜରିଆରେ କବିତାଙ୍କୁ ଜୁଲାଇ ୨୬ ଅପରାହ୍ନ ୨ ଟାରେ କୋର୍ଟରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି । ମଦ ଦୁର୍ନୀତି ସହ ଜଡିତ ସିବିଆଇ ମାମଲାରେ କୋର୍ଟ କବିତାଙ୍କ ନ୍ୟାୟିକ ହେପାଜତକୁ ଜୁଲାଇ ୨୬ ପର୍ଯ୍ୟନ୍ତ ବୃଦ୍ଧି କରିଥିବା ଜଣାପଡ଼ିଛି ।