ମେକ ଇଣ୍ଡିଆ ନଂ ୧’ କାର୍ଯ୍ୟକ୍ରମର ଶୁଭାରମ୍ଭ କଲେ ଅରବିନ୍ଦ କେଜ୍ରିୱାଲ
New Delhi :Delhi CM Arvind Kejriwal Launches "Make India Number 1" Pitch ମେକ ଇଣ୍ଡିଆ ନଂ ୧’ କାର୍ଯ୍ୟକ୍ରମର ଶୁଭାରମ୍ଭ କଲେ ଅରବିନ୍ଦ କେଜ୍ରିୱାଲ
ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦ୍ମୀ ପାର୍ଟିର ଜାତୀୟ ଆବାହକ ଅରବିନ୍ଦ କେଜ୍ରିୱାଲ ଆଜି ମେକ ଇଣ୍ଡିଆ ନଂ ୧' କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି । ଏହି କାର୍ଯ୍ୟକ୍ରମରେ ସାମିଲ ହେବା ପାଇଁ ସେ ପ୍ରତ୍ୟକ ଭାରତୀୟଙ୍କୁ ଆହ୍ୱାନ ଦେଇଛନ୍ତି । ଏପରିକି ମେକ ଇଣ୍ଡିଆ ନଂ ୧' ବା ଭାରତକୁ ନମ୍ବର ୱାନ୍ କରିବା ପାଇଁ କେଜ୍ରିୱାଲ ବିଜେପି ଓ କଂଗ୍ରେସ ଭଳି ରାଜନୀତିକ ଦଳକୁ ତାଙ୍କର ଏହି କାର୍ଯ୍ୟକ୍ରମରେ ଯୋଗ ଦେବା ପାଇଁ ନିମନ୍ତ୍ରଣ କରିଛନ୍ତି । ଯାହା ନେଇ ଆଜି ଚର୍ଚ୍ଚା ଜୋରଧରିଛି । ଅନ୍ୟପଟ ଏହି କାର୍ଯ୍ୟକ୍ରମରେ ସେ ଦୁଇ ରାଜନୀତି ଦଳକୁ ସମାଲୋଚନା ମଧ୍ୟ କରିଛନ୍ତି । କିଏ ପରିବାର ପ୍ରିୟ ତ କିଏ ବନ୍ଧୁ ପ୍ରିୟ ହେଲେ ଆମେ ଦେଶ ପାଇଁ ଚିନ୍ତିତ ବୋଲି କହି ବିଜେପି ଓ କଂଗ୍ରେସକୁ ଟାର୍ଗେଟ୍ କରିଛନ୍ତି କେଜ୍ରିୱାଲ୍ । ତେବେ ଆଗକୁ ୨୦୨୪ ନିର୍ବାଚନ ପାଇଁ ଏହା କେଜ୍ରିୱାଲଙ୍କର ପ୍ରସ୍ତୁତି ବୋଲି ମଧ୍ୟ କୁହାଯାଉଛି ।
ଆଜି ଏହି କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲ । ମାଗଣାରେ ସମସ୍ତଙ୍କୁ ଶିକ୍ଷା ଓ ସ୍ୱାସ୍ଥ୍ୟ ସେବା ଯୋଗାଇ ଦେବା ,ଯୁବବର୍ଗଙ୍କୁ ଚାକିରି ଓ ମହିଳାଙ୍କୁ ସମାନ ଅଧିକାର ଓ ସମ୍ମାନ ଏବଂ ଚାଷୀଙ୍କୁ ସେମାନଙ୍କ ଉତ୍ପାଦ ପାଇଁ ଉପଯୁକ୍ତ ମୂଲ୍ୟ ଯୋଗାଇ ଦେବା ହିଁ ମେକ ଇଣ୍ଡିଆ ନଂ ୧' କାର୍ଯ୍ୟକ୍ରମର ମୂଳଲକ୍ଷ ।