Pok ଆମର ଥିଲା ଏବଂ ଆଗକୁ ରହିବ ମଧ୍ୟ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ

Updated: Thursday, April 11, 2024, 13:46 [IST]

Rajnath Singh On China: ଦେଶରେ ବର୍ତ୍ତମାନ ନିର୍ବାଚନ ମାହୋଲ ରହିଛି । ଏହାରି ମଧ୍ୟରେ ପଡୋଶୀ ଦେଶ ଚୀନ୍ ଏବଂ ପାକିସ୍ଥାନ ଉପରେ ବର୍ଷିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ସେ ଦୁଇ ଦେଶକୁ ଟାର୍ଗେଟ୍ କରି କହିଛନ୍ତି ଯେ, ଯେଉଁମାନେ ଭାରତ ଉପରେ ଖରାପ ନଜର ରଖିଛନ୍ତି ସେମାନଙ୍କୁ ଉଚିତ୍ ଯବାବ ଦିଆଯିବ । ଚୀନ୍‌କୁ ଏକ କଡ଼ା ବାର୍ତ୍ତା ଦେଇ ରାଜନାଥ ସିଂ କହିଛନ୍ତି, ପ୍ରଧାନମନ୍ତ୍ରୀ ମୋଦୀ କ୍ଷମତାରେ ଥିବା ପର୍ଯ୍ୟନ୍ତ ଦେଶର ଏକ ଇଞ୍ଚ ମଧ୍ୟ କେହି ନେଇ ପାରିବେ ନାହିଁ ।

ପ୍ରତିରକ୍ଷା ମନ୍ତ୍ରୀ କହିଛନ୍ତି, "ଜୀବନରେ ବନ୍ଧୁ ପରିବର୍ତ୍ତନ କରିହେବ' ହେଲେ ପଡୋଶୀ ନୁହେଁ" । POK ଆମର ଥିବା ଆଗକୁ ଆମର ହିଁ ରହିବ । ଯଦି ପାକିସ୍ତାନ ଆତଙ୍କବାଦକୁ ନିୟନ୍ତ୍ରଣ କରିବାରେ ଅସମର୍ଥ, ତେବେ ଭାରତ ସହଯୋଗ କରିବାକୁ ପ୍ରସ୍ତୁତ ଅଛି। ଆତଙ୍କବାଦକୁ ବନ୍ଦ କର। ପାକିସ୍ତାନକୁ ଆତଙ୍କବାଦର ଶିକାର ହେବାକୁ ପଡ଼ିବ। "

ଏହାପୂର୍ବରୁ ବୁଧବାର (ଏପ୍ରିଲ 10) ରାଜନାଥ ସିଂ ସମ୍ବଲରେ ଏକ ସାଧାରଣ ସଭାରେ ସମ୍ବୋଧିତ କରି କହିଥିଲେ ଯେ, ବର୍ତ୍ତମାନ ଦେଶ ସୁରକ୍ଷିତ ହାତରେ ଅଛି ଏବଂ ଦେଶର ଲୋକମାନେ ଚିନ୍ତା କରିବାର ଆବଶ୍ୟକତା ନାହିଁ । ବିଜେପି ସରକାର ଯେତେବେଳେ ଜାମ୍ମୁ କାଶ୍ମୀରରୁ ଧାରା 370 କୁ ହଟାଇଥିଲା ସେତେବେଳେ ନା କେଉଁଠି ପଥର ମାଡ଼ ହୋଇଥିଲା ନା କିଛି ଅଘଟଣ ଘଟିଥିଲା । କାଶ୍ମୀର ଶାନ୍ତିରେ ଅଛି।

ଚୀନ୍ ଅରୁଣାଚଳ ପ୍ରଦେଶର ଅନେକ ସ୍ଥାନର ନାମ ପରିବର୍ତ୍ତନନ କରିଛି । ଏ ସମ୍ପର୍କରେ ରାଜନାଥ ସିଂ କହିଛନ୍ତି ଯେ, କୌଣସି ସ୍ଥାନର ନାଁ ପରିବର୍ତ୍ତନ କଲେ ସେହି ଜିନିଷର ଅଧିକାର ପରିବର୍ତ୍ତନ ହୋଇପାରିବ ନାହିଁ। ଆଶ୍ଚର୍ଯ୍ୟ ପ୍ରକଟ କରି ସେ କହିଛନ୍ତି ଯେ, ଯଦି ଭାରତ ଚୀନ୍ ସ୍ଥାନଗୁଡିକର ନାମ ପରିବର୍ତ୍ତନ କରେ ତେବେ ସେହି ସ୍ଥାନଗୁଡ଼ିକ ଭାରତର ହେବ କି? ସେ କହିଛନ୍ତି ଯେ ଚୀନ୍‌ର ଏଭଳି ପଦକ୍ଷେପ ଗ୍ରାଉଣ୍ଡ ବାସ୍ତବତାକୁ ପରିବର୍ତ୍ତନ କରିପାରିବ ନାହିଁ।