ପଶ୍ଚିମବଙ୍ଗରେ ବିଜେପି ସାଂସଦ ଓ ବିଧାୟକଙ୍କ ଉପରେ ମରଣାନ୍ତକ ଆକ୍ରମଣ
ପଶ୍ଚିମବଙ୍ଗର ଜଲପାଇଗୁଡ଼ିରେ ବିଜେପି ସାଂସଦ ଖଗେନ ମୁର୍ମୁଙ୍କ ଉପରେ ଆକ୍ରମଣ। ଏହି ଆକ୍ରମଣରେ ବିଜେପି ନେତା ଗୁରୁତର ଆହତ ହୋଇଛନ୍ତି। ତାଙ୍କ ମୁଣ୍ଡରେ ଗମ୍ଭୀର ଆଘାତ ଲାଗିଛି। ପ୍ରବଳ ରକ୍ତସ୍ରାବ ହେଉଛି। ଏହି ଘଟଣା ଉତ୍ତର ବଙ୍ଗର ମାଲଦାର ନାଗରକାଟାରେ ଘଟିଛି। ବିଜେପି ସାଂସଦ ଖଗେନ ମୁର୍ମୁଙ୍କ କାଫଲା ସେହି ବାଟ ଦେଇ ଯାଉଥିବା ବେଳେ ଗଣ୍ଡଗୋଳ ହୋଇଥିଲା। ତାଙ୍କ ଉପରେ ପଥର, ଚପଲ, ଜୋତା ସହ ବାଡ଼ିରେ ମାଡ଼ ଆରମ୍ଭ କରିଦେଇଥିଲା। ଖଗେନଙ୍କ ମୁଣ୍ଡରେ ଆଘାତ ଲାଗିଛି କିନ୍ତୁ ବିଧାୟକ ଶଙ୍କର ଘୋଷ ଅଳ୍ପକେ ବର୍ତ୍ତିଯାଇଛନ୍ତି। ବିଜେପି ବିଧାୟକ ଶଙ୍କର ଘୋଷ ଏହି ଆକ୍ରମଣ ପାଇଁ ମମତା ବାନାର୍ଜୀଙ୍କ ଦଳ ଟିଏମସିକୁ ଦାୟୀ କରିଛନ୍ତି। ଶଙ୍କର ଘୋଷ କହିଛନ୍ତି ଯେ ଏହି ଆକ୍ରମଣ ଟିଏମସି ଦ୍ୱାରା ଏକ ସୁଚିନ୍ତିତ ଷଡଯନ୍ତ୍ର ଥିଲା। ଏପରି ଆକ୍ରମଣ ବିଜେପିର ସମାଜସେବା କାର୍ଯ୍ୟକୁ ରୋକିପାରିବ ନାହିଁ।
ଆହତ ବିଜେପି ସାଂସଦ ଖଗେନ ମୁର୍ମୁଙ୍କୁ ଚିକିତ୍ସା ପାଇଁ ହସ୍ପିଟାଲ ନିଆଯାଇଛି। ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି। ବିଜେପି ନେତା ଅମିତ ମାଲବ୍ୟ ମଧ୍ୟ ଟିଏମସିକୁ ଟାର୍ଗେଟ କରି ଘଟଣାର ଏକ ଭିଡିଓ ସେୟାର କରିଛନ୍ତି। ଅମିତ ମାଲବ୍ୟ ଇନଷ୍ଟାଗ୍ରାମରେ ଲେଖିଛନ୍ତି, "ଟିଏମସି ବଙ୍ଗଳାରେ ଜଙ୍ଗଲ ରାଜ ଚଳାଇଛି। ଉତ୍ତର ମାଲଦାରୁ ଦୁଇଥର ସାଂସଦ ଥିବା ବିଜେପି ସାଂସଦ ଖଗେନ ମୁର୍ମୁଙ୍କ ଉପରେ ଟିଏମସି ଗୁଣ୍ଡାମାନେ ଆକ୍ରମଣ କରିଛନ୍ତି।"
ସାଂସଦ ମୁର୍ମୁ ଏବଂ ଅନ୍ୟ ବିଜେପି ନେତାମାନେ ବନ୍ୟା ପ୍ରଭାବିତ ଅଞ୍ଚଳ ଗସ୍ତରେ ଥିଲେ। ସେମାନେ ବନ୍ୟା ପ୍ରଭାବିତ ଲୋକଙ୍କୁ ରିଲିଫ୍ ସାମଗ୍ରୀ ବଣ୍ଟନ କରି ଫେରୁଥିବା ବେଳେ ରାସ୍ତାରେ ସେମାନଙ୍କ କାଫଲା ଉପରେ ଆକ୍ରମଣ ହୋଇଥିଲା। ଏହି ଘଟଣା ରାଜ୍ୟରେ ରାଜନୈତିକ ହଇଚଇ ସୃଷ୍ଟି କରିଛି। ଆସନ୍ତା ବର୍ଷ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବାକୁ ଯାଉଛି, ଯାହା ଫଳରେ ଦୁଇ ପ୍ରମୁଖ ଦଳ, ବିଜେପି ଏବଂ ଟିଏମସି ମଧ୍ୟରେ କଡ଼ା ପ୍ରତିଯୋଗିତା ହେବ।
Click it and Unblock the Notifications
Sign in with Google