ଉତ୍ତରାଖଣ୍ଡ: ପୁଣି ମଦ ନେଲା 5ଜଣଙ୍କ ପ୍ରାଣ

ଉତ୍ତରାଖଣ୍ଡ ହରିଦ୍ବାର ଜିଲ୍ଲା ଶିବଗଡ ଗାଁ ରେ ବିଷାକ୍ତ ମଦ ପିଇ 5 ଜଣଙ୍କ ମୃତ୍ୟୁ ହୋଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଛି । ପୋଲିସ ଏ ଦିଗରେ ତଦନ୍ତ ଆରମ୍ଭ କରିଛି ।

ଡେରାଡୁନ: ଦେଶରେ ବଢୁଛି ମଦ ମୃତ୍ୟୁ । ଏଭଳି ମାମଲା ପୁଣି ସାମ୍ନାକୁ ଆସିଛି । ଉତ୍ତରାଖଣ୍ଡ ହରିଦ୍ବାର ଜିଲ୍ଲା ଶିବଗଡ ଗାଁ ରେ ବିଷାକ୍ତ ମଦ ପିଇ 5 ଜଣଙ୍କ ମୃତ୍ୟୁ ହୋଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଛି । ପୋଲିସ ଏ ଦିଗରେ ତଦନ୍ତ ଆରମ୍ଭ କରିଛି । ନିର୍ବାଚନକୁ ଆଖିରେ ରଖି ମଦ ଲୋକଙ୍କୁ ବଣ୍ଟନ କରିଥିବା କୁହାଯାଉଛି ।

ଦୁଇ ବର୍ଷ ପୂର୍ବେ ବିଷାକ୍ତ ମଦ ପିଇ ହରିଦ୍ବାର ରୁଡକୀରେ 40ରୁ ଊର୍ଦ୍ଧ୍ବ ଲୋକଙ୍କ ପ୍ରାଣହାନୀ ହୋଇଥିଲା । ଏହି ଘଟଣାରେ ପୋଲିସ ଅନେକ ଲୋକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରିଥିଲା । କିନ୍ତୁ ଏବେ ବି ମଦ ମୃତ୍ୟୁ ନେଇ ସଚେତନ ନୁହନ୍ତି ଲୋକେ । ବାରମ୍ବାର ସେଇ ସମାନ ଜିନିଷ ଦେଖିବାକୁ ମିଳୁଛି। ବର୍ତ୍ତମାନର ଘଟଣା ପରେ ବି ତତ୍ପର ହୋଇଛି ସ୍ଥାନୀୟ ପ୍ରଶାସନ ଏବଂ ପୋଲିସ ।

ଡେରାଡୁନରେ ମଧ୍ୟ ଏଭଳି ମଦ ମୃତ୍ୟୁ ଘଟିଥିଲା । ବିଷାକ୍ତ ମଦ ପାନ ଯୋଗୁଁ 6ଜଣ ପ୍ରାଣ ହରାଇଥିଲେ । ଏହା ପରେ ଏହି ଅଞ୍ଚଳ ରେ ଥିବା ମଦ ଦୋକାନ ଆଦି ଉପରେ ଚଢ଼ାଉ ହେବା ସହିତ ବନ୍ଦ କରାଯାଇଥିଲା। ମଦ ପିଇବା ଉପରେ ରୋକ୍ ଲଗା ଯାଇଥିଲା । ଏହା ପରେ ବି ଲୋକେ କିପରି ମଦ ପିଉଛନ୍ତି। ତାହା ଚିନ୍ତାର ବିଷୟ ପାଲଟିଛି ।

English summary

Dead After Consuming Poisonous Liquor in Dehradun, Probe Underway