ଏହି ସ୍ଥାନରେ ଲ୍ୟାଣ୍ତଫଲ୍ କରିବ ବାତ୍ୟା ବିପର୍ଯ୍ୟୟ

ନୂଆଦିଲ୍ଲୀ: ଆରବ ମହାସାଗରରେ ସୃଷ୍ଟି ହୋଇଥିବା ବାତ୍ୟା ବିପର୍ଯ୍ୟୟ ବର୍ତ୍ତମାନ ସ୍ଥଳ ଭାଗ ମୁହାଁ । ଆଗାମୀ ୨୪ ଘଣ୍ଚା ମଧ୍ୟରେ ଏହା ଆହୁରି ଘନିଭୂତ ହୋଇ ଅତି ଭୀଷଣ ବାତ୍ୟାର ରୂପ ନେବ । ସୂଚନା ଅନୁସାର ଏହି ବାତ୍ୟା ଉତ୍ତର-ଉତ୍ତରପୂର୍ବ ଦିଗରେ ବର୍ତ୍ତମାନ ଗତି କରୁଛି ।

ତେବେ ଏହା କେଉଁ ସ୍ଥାନରେ ଲ୍ୟାଣ୍ତଫଲ୍ କରିବ ସେ ନେଇ ପାଣିପାଗ ବିଭାଗ ପକ୍ଷରୁ ବର୍ତ୍ତମାନ ପର୍ଯ୍ୟନ୍ତ କୌଣସି ସୂଚନା ମିଳିପାରି ନାହିଁ । ହେଲେ ଏହି ବାତ୍ୟା ଗୁଜରାଟର କଚ୍ଚ କିମ୍ବା ପାକିସ୍ତାନର କରାଚିରେ ସ୍ଥଳ ଭାଗ ଛୁଇଁପାରେ ବୋଲି ଆଶଙ୍କା କରାଯାଉଛି ।

ଭାରତୀୟ ପାଣିପାଗ ବିଭାଗ ସୂଚନା ଅନୁସାରେ, ବାତ୍ୟା ବିପର୍ଯ୍ୟୟ ପୂର୍ବ-କେନ୍ଦ୍ରୀୟ ଆରବ ସାଗର ଉପରେ ରହିଛି । ଏହା ଆସନ୍ତା ୨୪ ଘଣ୍ଟା ମଧ୍ୟରେ ଅଧିକ ଘନିଭୂତ ହୋଇ ଉତ୍ତର-ପୂର୍ବ ଦିଗରେ ଗତି କରିବ । ଏହା ଗୋଆଠାରୁ ୭୦୦ କିମି, ମୁମ୍ବାଇଠାରୁ ୬୨୦, ପୋରବନ୍ଦର ଠାରୁ ୫୪୦ ଏବଂ ପାକିସ୍ତାନ କରାଚିରୁ ୯୦୦ କିମି ଦୂରରେ ରହିଛି ।

VSCS BIPARJOY lay centered at 1130IST of today, near latitude 16.8N and longitude 67.4E, about 700 km WNW of Goa, 620 km WSW of Mumbai, 590 km SSW of Porbandar and 900 km S of Karachi. To intensify further and move NNE-wards during next 24 hours. @WMO @DDNewslive @airnewsalerts pic.twitter.com/xOjnR7by6a

— India Meteorological Department (@Indiametdept) June 10, 2023

ତେବେ ଆରବ ମହାସାଗରରେ ସୃଷ୍ଟି ହୋଇଥିବା ବାତ୍ୟା ବିପର୍ଯ୍ୟୟ ପାଇଁ ଗୁଜରାଟ, କେରଳ, କର୍ଣ୍ଣାଟକ ଓ ଲକ୍ଷ୍ୟଦ୍ୱୀପ ସଲଗ୍ନ ସମୁଦ୍ର ମଧ୍ୟକୁ ଯିବା ପାଇଁ ପର୍ଯ୍ୟଟକ ଏବଂ ମତ୍ସ୍ୟଜୀବିଙ୍କୁ ବାରଣ କରାଯାଇଛି । ଭାରତୀୟ ପାଣିପାଗ ବିଭାଗ ପକ୍ଷରୁ ୮ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।

English summary

Cyclone Biparjoy:Cyclone biporjoy landfall time and place.