Cyclone Biparjoy: ୧୫ରେ ଏଇଠି ଲ୍ୟାଣ୍ଡଫଲ୍ କରିବ ‘ବିପର୍ଯ୍ୟୟ’, ସ୍ପଷ୍ଟ ହେଲା ଗତିପଥ

Cyclone Biparjoy: ଆରବ ସାଗରରେ ଅତ୍ୟନ୍ତ ଭୀଷଣ ବାତ୍ୟାର ରୂପ ନେଲା 'ବିପର୍ଯ୍ୟୟ' । ସମୁଦ୍ର ଭିତରେ ବଳଗୋଟାଇ ଏହି ସାମୁଦ୍ରିକ ଝଡ ଗତ ୬ ଘଣ୍ଟା ହେଲା ୮ କିମି ବେଗରେ ଗତି କରୁଛି ।

ପୂର୍ବ କେନ୍ଦ୍ରୀୟ ଆରବସାଗରରୁ ବିପର୍ଯ୍ୟୟ ଭୟଙ୍କର ରୂପ ଧାରଣ କରି ଉତ୍ତର ଓ ଉତ୍ତର-ପୂର୍ବ ଦିଗରେ ଉପକୂଳ ମୁହାଁ ହେଉଛି । ଏବେ ଅତ୍ୟନ୍ତ ଭୀଷଣ ବାତ୍ୟା ବିପର୍ଯ୍ୟୟ ମୁମ୍ବାଇ ଠାରୁ ୫୬୦, ପୋରବନ୍ଦର ଠାରୁ ୪୬୦ କିମି ଦୂରରେ କେନ୍ଦ୍ରୀଭୂତ ରହିଛି ।

ସ୍ପଷ୍ଟ ହେଲା ଗତିପଥ

ପାଣିପାଗ ବିଭାଗର ଆକଳନ ଅନୁସାରେ ବାତ୍ୟା 'ବିପର୍ଯ୍ୟୟ' ଆସନ୍ତା ୧୫ ତାରିଖ ଗୁରବାର ଦିନ ଗୁଜରାଟରେ ଲ୍ୟାଣ୍ଡଫଲ କରିବ । ଗୁଜରାଟର କୁଚ୍ ଓ ପାକିସ୍ତାନର କରାଚି ମଧ୍ୟରେ ସ୍ଥଳଭାଗ ଛୁଇଁବ ବୋଲି ପୂର୍ବାନୁମାନ କରାଯାଇଛି । ଏଥି ପାଇଁ ସୌରାଷ୍ଟ୍ର ଓ କୁଚ୍ ବନ୍ଦର ପାଇଁ ୱାର୍ଣ୍ଣିଂ ଜାରି କରିଛି ଭାରତୀୟ ପାଣିପାଗ ବିଭାଗ । ସମୁଦ୍ରରୁ ଫେରି ଆସିବାକୁ ମତ୍ସଜୀବୀଙ୍କୁ କୁହାଯାଇଛି । ଏହାଛଡ଼ା, ବାତ୍ୟା ଯୋଗୁଁ ପ୍ରବଳ ବର୍ଷା ହେବାର ସମ୍ଭାବନା ଥିବାରୁ ସତର୍କତାମୂଳକ ପଦକ୍ଷେପ ଭାବେ କେରଳର ୮ଟି ଜିଲ୍ଲାରେ ୟେଲୋ ୱାର୍ଣ୍ଣିଂ ଏବଂ ମୁମ୍ବାଇ, ରାଇଗଡ଼, ରତ୍ନଗିରି ସମେତ ମହାରାଷ୍ଟ୍ରର ଉପକୂଳବର୍ତ୍ତୀ ଅଞ୍ଚଳରେ ମଧ୍ୟ ସତର୍କ ସୂଚନା ଜାରି କରାଯାଇଛି ।

Cyclone Alert for Saurashtra and Kutch Coast: Yellow Message. ESCS BIPARJOY lay over eastcentral Arabian Sea at 0830 IST today,460 km SSW of Porbandar,510 km SSW of Dwarka,600 km SSW of Naliya. To cross Saurashtra and Kutch and adj Pakistan coasts around noon of 15 June as VSCS. pic.twitter.com/vh2Sipxf84

— India Meteorological Department (@Indiametdept) June 11, 2023

ଏବେ ଅତ୍ୟନ୍ତ ଭୀଷଣ ବାତ୍ୟାର ରୂପ ନେଇଥିବା ବିପର୍ଯ୍ୟୟ ୧୫ ତାରିଖ ବେଳରୁ ଅତି ଭୀଷଣ ବାତ୍ୟା ଭାବରେ ଲ୍ୟାଣ୍ଡଫଲ କରିବ ବୋଲି ଆକଳନ କରିଛି ପାଣିପାଗ ବିଭାଗ । ଉପକୂଳ ଛୁଇଁବା ବେଳକୁ ପବନର ବେଗ ଘଣ୍ଟାପ୍ରତି ବେଗ ୧୨୫ରୁ ୧୩୫ କିଲୋମିଟର ରହିବ । ସମୟ ସମୟରେ ଏହାର ବେଗ ୧୫୦ କିଲୋମିଟର ରହିବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି ।

English summary

Cyclone Biparjoy likely to Landfall between Gujarat's Kutch and Pakistan's Karachi