ଛୁଟି ନ ମିଳିବାରୁ ଜୀବନ ହାରିଲେ ସିଆରପିଏଫ ଯବାନ

ରାଜସ୍ଥାନ ଯୋଧପୁର ସହରରେ ଅବସ୍ଥିତ CRPF ର ତାଲିମ କେନ୍ଦ୍ରରେ ଅଘଟଣ । ପ୍ରାୟ 17 ଘଣ୍ଟା ଧରି ନିଜକୁ, ଝିଅ ଓ ପତ୍ନୀଙ୍କୁ ରୁମରେ ବନ୍ଦ ରଖିବା ପରେ ନିଜେ ଗୁଳି କରି ଆତ୍ମହତ୍ୟା କରିଛନ୍ତି ସିଆରପିଏଫ ଯବାନ । ପାଖାପାଖି 8 ରାଉଣ୍ଡ ଗୁଳି ସେ ନିଜ ଉପରକୁ ଚଳାଇଥିବା ଜଣା

Published: Monday, July 11, 2022, 21:10 [IST]

ଜୟପୁର: ରାଜସ୍ଥାନ ଯୋଧପୁର ସହରରେ ଅବସ୍ଥିତ CRPF ର ତାଲିମ କେନ୍ଦ୍ରରେ ଅଘଟଣ । ପ୍ରାୟ 17 ଘଣ୍ଟା ଧରି ନିଜକୁ, ଝିଅ ଓ ପତ୍ନୀଙ୍କୁ ରୁମରେ ବନ୍ଦ ରଖିବା ପରେ ନିଜେ ଗୁଳି କରି ଆତ୍ମହତ୍ୟା କରିଛନ୍ତି ସିଆରପିଏଫ ଯବାନ । ପାଖାପାଖି 8 ରାଉଣ୍ଡ ଗୁଳି ସେ ନିଜ ଉପରକୁ ଚଳାଇଥିବା ଜଣାପଡିଛି ।

ରବିବାର ଏଭଳି ଜଘନ୍ୟ କାଣ୍ଡ ଭିଆଇଛନ୍ତି ଏହି ସିଆରପିଏଫ ଯବାନ ନରେଶ ଜାଟ । ନରେଶ କାର୍ଯ୍ୟାଳୟରେ ଛୁଟି ଆବେଦନ କରିଥିଲେ । କିନ୍ତୁ ତାଙ୍କ ଉପରିସ୍ଥ ଅଧିକାରୀ ଛୁଟି ପାଇଁ ମନା କରିଥିଲେ । ଏହାପରେ ରାଗି ଯାଇଥିଲେ ନରେଶ । ଏହାପରେ ଘରେ ପହଞ୍ଚି ନିଜ ପରିବାର ସହ ନିଜକୁ ଘରେ ବନ୍ଦ କରିଦେଇଥିଲେ। ସାଥୀ କର୍ମୀ ତାଙ୍କ ଘରେ ପହଞ୍ଚିବା ପୂର୍ବରୁ ସେ ଜୀବନ ହାରି ଦେଇଥିଲେ ।

ମୃତଦେହ ଉଦ୍ଧାର କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି । ଏହାପରେ ପରିବାର ଲୋକଙ୍କୁ ହସ୍ଥାନ୍ତର କରାଯିବ । ବର୍ତ୍ତମାନ ନରେଶଙ୍କ ପତ୍ନୀ ଏବଂ ଝିଅ ସୁରକ୍ଷିତ ଥିବା ସିଆରପିଏଫ କହିଛି । ଏବେ ଘଟଣାର ତଦନ୍ତ କରୁଛି ପୋଲିସ।

Published On July 11, 2022