ଫ୍ୟାମିଲି କୋର୍ଟରେ ଚହଲ-ଧନଶ୍ରୀ, ଟ୍ରୋଲ ହେଲେ କ୍ରିକେଟର୍

ଆଜି ଫ୍ୟାମିଲି କୋର୍ଟରେ ୟୁଜଭେନ୍ଦ୍ର ଚହଲ ଏବଂ ଧନଶ୍ରୀ ବର୍ମାଙ୍କ ଛାଡପତ୍ର ଉପରେ ନିଷ୍ପତ୍ତି ଦେବାକୁ ଯାଉଛି। ବୁଧବାର ଦିନ ଚହଲଙ୍କ ଆବେଦନର ଶୁଣାଣି କରି କୋର୍ଟ ମାର୍ଚ୍ଚ 20 ରେ ରାୟ ଘୋଷଣା କରିବାକୁ ନିର୍ଦ୍ଦେଶ ଦେଇଥିଲେ। ଛାଡପତ୍ର ଶୁଣାଣି ପାଇଁ ଉଭୟ କୋର୍ଟରେ ପହଞ୍ଚିଛନ୍ତି । ଚହଲଙ୍କ କୋର୍ଟରେ ପ୍ରବେଶ ସମୟରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ସେ ତାଙ୍କ ମୁହଁରେ ମାସ୍କ ପିନ୍ଧିଥିବାର ନଜର ଆସୁଛନ୍ତି ।

ୟୁଜଭେନ୍ଦ୍ର ତାଙ୍କ ଓକିଲଙ୍କ ସହିତ କୋର୍ଟରେ ପହଞ୍ଚିଲେ। ଉକ୍ତ ସମୟରେ ସେ ମୁହଁରେ ମାସ୍କ ପିନ୍ଧିଥିବାର ଦେଖିବା ପାଇଁ ମିଳିଥିଲା ଏବଂ ସେ ମୁହଁ ତଳକୁ କରି ଚାଲୁଥିବାର ଦେଖିବା ପାଇଁ ମିଳିଥିଲା । ଯାହାକୁ ନେଇ ବର୍ତ୍ତମାନ ତାଙ୍କୁ ସୋସିଆଲ ମିଡିଆରେ ଟ୍ରୋଲ କରାଯାଉଛି । ଜଣେ ସୋସିଆଲ ମିଡିଆ ୟୁଜର୍ସ ଲେଖିଛନ୍ତି, ମାସ୍କ କାହିଁକି ପିନ୍ଧିଛନ୍ତି, ସେ ଏପରି ମୁହଁ ଲୁଚାଇଛନ୍ତି ଯେପରେ କିଛି ଅପରାଧ କରିଛନ୍ତି, ଏ କାହିଁକି ଜଣେ ଅପରାଧୀ ପରି ବ୍ୟବହାର କରୁଛନ୍ତି ।

ଛାଡପତ୍ର ଶୁଣାଣି ପାଇଁ କୋରିଓଗ୍ରାଫର ଧନଶ୍ରୀ ବର୍ମା ମଧ୍ୟ କୋର୍ଟରେ ପହଞ୍ଚିଛନ୍ତି। ବାର ଏବଂ ବେଞ୍ଚର ରିପୋର୍ଟ ଅନୁଯାୟୀ, ଭରଣପୋଷଣ ସମ୍ପର୍କରେ ମଧ୍ୟ ସମାଧାନ କରାଯାଇଛି। ୪.୭୫ କୋଟି ଟଙ୍କାର ସମାଧାନ ହୋଇଛି, ଯାହା ମଧ୍ୟରୁ ଚହଲ ଧନଶ୍ରୀଙ୍କୁ ୨ କୋଟି ୩୫ ଲକ୍ଷ ଟଙ୍କା ଦେଇସାରିଛନ୍ତି।

#WATCH | Mumbai | Cricketer Yuzvendra Chahal arrives at Bandra Family Court for hearing in his divorce proceedings pic.twitter.com/tltfYsd3hM

— ANI (@ANI) March 20, 2025

ଆପଣଙ୍କୁ କହି ରଖୁଛୁ ଯେ ୟୁଜଭେନ୍ଦ୍ର ଚହଲ ଏବଂ ଧନଶ୍ରୀ ୨୦୨୦ ମସିହାରେ ବିବାହ କରିଥିଲେ। ସେମାନଙ୍କର ବିବାହ ମହା ଆଡମ୍ବର ସହ ହୋଇଥିଲା। ରିପୋର୍ଟ ଅନୁସାରେ, ଦୁହେଁ ଗୋଟିଏ ବର୍ଷ ହେଲା ଅଲଗା ରହୁଥିଲେ। କିଛି ସମୟ ପୂର୍ବରୁ ଧନଶ୍ରୀ ତାଙ୍କ ଇନଷ୍ଟାଗ୍ରାମରୁ ୟୁଜଭେନ୍ଦ୍ରଙ୍କ ସହ ଫଟୋଗୁଡ଼ିକୁ ହଟାଇ ଦେଇଥିଲେ କିନ୍ତୁ ଏବେ ସେ ସେଗୁଡ଼ିକୁ ପୁଣି ଥରେ ଅନଆର୍କାଇଭ୍ କରିଛନ୍ତି।