"ଲୋକଙ୍କର କୌଣସି କ୍ଷତି ହେଲେ କୋଭାସିଲ୍ଡ ଓ କୋଭାକ୍ସିନ୍ ଦେବେ କ୍ଷତିପୂରଣ"
କୋଭାସିଲ୍ଡ ଓ କୋଭାକ୍ସିନ୍ ଟିକାକୁ ଦେବା ଦ୍ୱାରା ଯଦି କୌଣସି କ୍ଷତି ପହଞ୍ଚେ ତାହାଲେ ସରକାର ଏଥିପାଇଁ କୌଣସି କ୍ଷତିପୂରଣ ଦେବେ ନାହିଁ ।
Coronavirus vaccine update : କୋଭାସିଲ୍ଡ ଓ କୋଭାକ୍ସିନ୍ ଟିକାକୁ ଦେବା ଦ୍ୱାରା ଯଦି କୌଣସି କ୍ଷତି ପହଞ୍ଚେ ତାହାଲେ ସରକାର ଏଥିପାଇଁ କୌଣସି କ୍ଷତିପୂରଣ ଦେବେ ନାହିଁ । ଏପରି ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ମତ ରଖିଛନ୍ତି କେନ୍ଦ୍ର ସରକାର । ଆହୁରି ମଧ୍ୟ କେନ୍ଦ୍ର ସରକାର କହିଛନ୍ତି ଏହି ଦୁଇଟି ଟିକାକୁ ବିକଶିତ କରୁଥିବା ସଂସ୍ଥା ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ( Serum Institute of India ) ଏବଂ ଭାରତ ବାୟୋଟେକ୍ (Bharat Biotech International Limited ) କୌଣସି ବି ପାର୍ଶ୍ୱ ପ୍ରତିକ୍ରିୟା ପାଇଁ ଦାୟୀ ରହିବେ । ସରକାର ସେଥିପାଇଁ କୌଣସି କ୍ଷତିପୂରଣ ଦେବେ ନାହିଁ ।
ଆମେରିକାରେ ଫାଇଜର୍ ଟିକାର କୌଣସି ପାର୍ଶ୍ୱପ୍ରତିକ୍ରିୟା ଦେଖାଗଲେ ଏହାର କ୍ଷତିପୂରଣ ସରକାର ଦେବେ । ଫାଇଜର ଟିକା ଅନୁରୂପ ଭାବରେ ଏହା ଭାରତ ଠାରୁ ଚାହୁଁଥିଲା । ସେହିପରି ସିରମ୍ ଇନଷ୍ଟିଚ୍ୟୁଟର ସିଇଓ ଅଦାର୍ ପୁନଓ୍ୱାଲା ମଧ୍ୟ କହିଛନ୍ତି ଟିକା ନିର୍ମାତା କମ୍ପାନୀମାନେ ସମସ୍ତ ପ୍ରକାର ଆଇଗତ କ୍ଷତିପୂରଣ ସରକାରଙ୍କ ଠାରୁ ମିଳିବା ଆବଶ୍ୟକ । ତାଙ୍କ ଅନୁସାରେ ଟିକାକୁ ନେଇ ଅନେକ ମିଛ ଆଶ୍ୱାସନା ମିଳିବ, ଯାହାକୁ ସମ୍ଭାଳିବା କଷ୍ଟକର ହୋଇ ପଡିବ । ଫଳରେ ଟିକାକୁ ତିଆରି କରୁଥିବା ବ୍ୟକ୍ତିମାନଙ୍କର ବିଶ୍ୱାସ ଭାଙ୍ଗିବ ଏବଂ ଲୋକଙ୍କର ମଧ୍ୟ ବିଶ୍ୱାସ ପ୍ରବାଭିତ ହେବ । ହେଲେ ଏହି ସମସ୍ତ ଯୁକ୍ତିକୁ ଶୁଣିବା ପରେ ଭାରତ ସରକାର ଏହି ନିଷ୍ପତ୍ତି ନେଇଥିବା ଜାତୀୟ ଗଣମାଧ୍ୟମ ତା ରିପୋର୍ଟରେ କହିଛି ।