ଦେଶରେ ବଢିଲା କରୋନା ସଂକ୍ରମିତଙ୍କ ସଂଖ୍ୟା, ୨୬୭୦ ସକ୍ରିୟ ମାମଲା ରହିଛି

ଦେଶରେ ବଢିଲା କରୋନା ସଂକ୍ରମିତଙ୍କ ସଂଖ୍ୟା

Updated: Monday, January 2, 2023, 13:02 [IST]

ନୂଆଦିଲ୍ଲୀ: ଭାରତରେ ବୃଦ୍ଧି ପାଇଲା କରୋନା ସଂକ୍ରମିତଙ୍କ ସଂଖ୍ୟା । ଦେଶରେ କରୋନାର ୨୬୭୦ ସକ୍ରିୟ ମାମଲା ରହିଛି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ପକ୍ଷରୁ ସୋମବାର ସକାଳେ ଅପଡେଟ୍ ହୋଇଥିବା ତଥ୍ୟ ଅନୁଯାୟୀ ଦେଶରେ ସଂକ୍ରମଣ ମାମଲା ବର୍ତ୍ତମାନ 4,46,78,822 କୁ ବୃଦ୍ଧି ପାଇଛି। ଏହା ସହିତ ସଂକ୍ରମଣରୁ

ସୁସ୍ଥ ହୋଇଥିବା ଲୋକଙ୍କ ସଂଖ୍ୟା 4,41,45,445 କୁ ବୃଦ୍ଧି ପାଇଛି । ସେହିପରି କରୋନାରେ ଦେଶରେ ୩ ଜଣଙ୍କର ମୃତ୍ୟୁ ହୋଇଛି । କେରଳରୁ ୨ ଜଣ ଏବଂ କର୍ଣ୍ଣାଟକରେ ଜଣଙ୍କର ମୃତ୍ୟୁ ହୋଇଛି ।

ବର୍ତ୍ତମାନ ଦେଶରେ ୨୬୭୦ ସକ୍ରିୟ ମାମଲା ରହିଛି । ଅଧିକାଂଶ ସକ୍ରିୟ ମାମଲା କେରଳ ଏବଂ କର୍ଣ୍ଣାଟକରେ ରହିଛି । କେରଳରୁ ସର୍ବାଧିକ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହା ପରେ କର୍ଣ୍ଣାଟକ ଏବଂ ମହାରାଷ୍ଟ୍ରରୁ ସର୍ବାଧିକ ସଂକ୍ରମିତ ଚିହ୍ନଟ ହୋଇଛନ୍ତି । କେରଳରେ ୧,୪୪୪ ଜଣ ପଜିଟିଭ୍, କର୍ଣ୍ଣାଟକରେ ୩୨୬ ଜଣ ଏବଂ ମହାରାଷ୍ଟ୍ରରେ ୧୬୧, ତାମିଲନାଡୁରେ ୮୬ ଟି ସକ୍ରିୟ ମାମଲା ରହିଛି।

ଦେଶରେ ଚୀନ୍ ଭଳି ପରିସ୍ଥିତି ନ ଉପୁଜିବ ପାଇଁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଏବଂ ରାଜ୍ୟ ସରକାରଙ୍କ ପକ୍ଷରୁ କଠୋର ପଦକ୍ଷେପ ନିଆଯାଉଛି । ଦେଶର ରାଜଧାନୀ ଦିଲ୍ଲୀ ସମେତ ଅନେକ ବିମାନବନ୍ଦରରେ ଯାତ୍ରୀଙ୍କ କରୋନା ଟେଷ୍ଟ କରାଯାଉଛି ।