52 ବର୍ଷ ପରେ ପୁଣି ମିଶିଲା ମନ, ଏକାଠି ରହିଲେ ଦମ୍ପତ୍ତି

କର୍ଣ୍ଣାଟକର ଧରୱାଦରେ ଦେଖିବାକୁ ଏକ ଭିନ୍ନ ଘଟଣା । ବିବାହ ବିଚ୍ଛେଦର 52 ବର୍ଷ ପରେ ପୁଣି ଏକାଠି ହୋଇଛନ୍ତି ଦମ୍ପତି। ବର୍ତ୍ତମାନ ବାସପ୍ପା ଅଗାଡି ନାମ 85 ବର୍ଷୀୟ ବୃଦ୍ଧ ଜଣକ ପତ୍ନୀ କାଲ୍ଲାଭା ଅଗାଡିଙ୍କ ସହ ପୁଣି ଏକାଠି ରହିବାର ନିଷ୍ପତ୍ତି ନେଇଛନ୍ତି।

Published: Tuesday, June 28, 2022, 13:06 [IST]

ବେଙ୍ଗାଲୁରୁ: ବର୍ତ୍ତମାନ ବୈବାହିକ ଜୀବନରେ ବିଚ୍ଛେଦ ସାଧାରଣ କଥା । ବିବାହ ବେଦୀରେ ସାତଜନ୍ମର ସାଥି ହେବା ପ୍ରତିଶ୍ରୁତି କାର୍ଯ୍ୟକାରୀ ହେଉନାହିଁ । କେଉଁ ବି ଛୋଟ କଥା ପାଇଁ ଦମ୍ପତ୍ତିଙ୍କର ହେଉଛି ମନମାଳିନ୍ୟ । ଆଉ ସଂପର୍କରେ ସୃଷ୍ଟି ହେଉଛି ଫାଟ। ଆଉ ଅଲଗା ରହିବାର ନିଷ୍ପତ୍ତି ନେଉଛନ୍ତି ଦୁହେଁ । କେବେ ଜୀବନରେ ପରସ୍ପରର ମୁହଁ ଦେଖିବାକୁ ମଧ୍ୟ ପସନ୍ଦ କରୁ ନାହାଁନ୍ତି ।

କିନ୍ତୁ କର୍ଣ୍ଣାଟକର ଧରୱାଦରେ ଦେଖିବାକୁ ଏକ ଭିନ୍ନ ଘଟଣା । ବିବାହ ବିଚ୍ଛେଦର 52 ବର୍ଷ ପରେ ପୁଣି ଏକାଠି ହୋଇଛନ୍ତି ଦମ୍ପତି। ବର୍ତ୍ତମାନ ବାସପ୍ପା ଅଗାଡି ନାମ 85 ବର୍ଷୀୟ ବୃଦ୍ଧ ଜଣକ ପତ୍ନୀ କାଲ୍ଲାଭା ଅଗାଡିଙ୍କ ସହ ପୁଣି ଏକାଠି ରହିବାର ନିଷ୍ପତ୍ତି ନେଇଛନ୍ତି। ଜିନୁର ଗାଁର ବାସପ୍ପା ଅଗାଡି ଓ କାଲ୍ଲାଭା ଅଗାଡି 52 ବର୍ଷ ପୂର୍ବେ ପରସ୍ପରଠୁ ଅଲଗା ହୋଇଥିଲେ । ବାସପ୍ପା ଅଗାଡି ପତ୍ନୀ କାଲ୍ଲାଭା ଅଗାଡିଙ୍କୁ ପ୍ରତିମାସରେ ଭରଣପୋଷଣ ଦେବାକୁ କୋର୍ଟ ନିର୍ଦ୍ଦେଶ ଦେଇଥିଲେ । କିଛି ମାସ ହେବ ବାସପ୍ପା ଅଗାଡି ସ୍ତ୍ରୀଙ୍କୁ ଭରଣପୋଷଣ ଦେବାକୁ ଅସମର୍ଥ ହୋଇଥିଲେ । ଯାହାକୁ ନେଇ ପୁଣି କୋର୍ଟଙ୍କ ଦ୍ବାରସ୍ଥ ହୋଇଥିଲେ କାଲ୍ଲାଭା ।

ଦିୱାନୀ ଅଦାଲତ ଏହି ଘଟଣାକୁ ଗୁରୁତର ସହ ନେଇ ବାସପ୍ପାଙ୍କୁ ମଧ୍ୟ କୋର୍ଟ ହାଜିର ପାଇଁ ନିର୍ଦ୍ଦେଶ ହୋଇଥିଲା । ବୃଦ୍ଧ ଦମ୍ପତ୍ତିଙ୍କୁ କୋର୍ଟରେ ଦେଖି ବିଚାରପତି ଆଶ୍ଚର୍ଯ୍ୟ ହୋଇଯାଇଥିଲେ । ଦମ୍ପତ୍ତିକୁ ଆପଷୋ ବୁଝାମାଣା କରିବାକୁ କହିଥିଲେ ଜଜ ଜିଆର ସେଟର । ଅନେକ ବୁଝାସୁଝା ପରେ ଭଭୟଙ୍କ ମନ ମିଶିଥିଲା । ସ୍ବାମୀ-ସ୍ତ୍ରୀଙ୍କ ଭାଙ୍ଗିଥିବା ସମ୍ପର୍କକୁ ଯୋଡିବାରେ ସଫଳ ହୋଇଥିଲେ କୋର୍ଟ।

Published On June 28, 2022