ଟେନସନ୍ ଦେଲାଣି କରୋନା: ଗତ 24 ଘଣ୍ଟାରେ 12 ହଜାର ପାର୍ ହେଲା ଦୈନିକ କରୋନା ମାମଲା

Published: Saturday, April 22, 2023, 11:49 [IST]

ନୂଆଦିଲ୍ଲୀ: ଅଣାୟତ କରୋନା ମାମଲା । ଦୈନିକ ମାମଲାରେ ଅହେତୁକ ବୃଦ୍ଧି । ଗତ କିଛି ଦିନ ହେବ କରୋନା ଦୈନିକ ମାମଲାରେ ଅହେତୁକ ବୃଦ୍ଧି ହେବାରେ ଲାଗିଛି । ଗତକାଲି ଏଥିରେ ଆହୁରି ବୃଦ୍ଧି ପରିଲକ୍ଷିତ ହୋଇଛି । ଗତ 24 ଘଣ୍ଟାରେ ଦୈନିକ ମାମଲା 12 ହଜାର ପାର୍ କରିଛି । ଏପରିକି କରୋନାଜନିତ ମୃତ୍ୟୁ ସଂଖ୍ୟାରେ ଅହେତୁକ ବୃଦ୍ଧି ହୋଇଛି ।

ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁସାରେ ଗତ 24 ଘଣ୍ଟାରେ ସାରା ଦେଶରେ ମୋଟ 12 ହଜାର 193 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହା ପରେ ଦେଶରେ ସକ୍ରିୟ ମାମଲା 67 ହଜାର 556 ରେ ପହଞ୍ଚିଛି । ଏହି ସମୟରେ 42 ଜଣ କରୋନା ଆକ୍ରାନ୍ତଙ୍କ ଦେହାନ୍ତ ହୋଇଛି ।

ଗତ 24 ଘଣ୍ଟାରେ ଚିହ୍ନଟ ହୋଇଥିବା କରୋନା ରୋଗୀଙ୍କୁ ମିଶାଇ ଦେଶରେ ବର୍ତ୍ତମାନ ମୋଟ 4 କୋଟି 48 ଲକ୍ଷ 81 ହଜାର 887 ରୋଗୀ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ମୋଟ 4 କୋଟି 42 ଲକ୍ଷ 83 ହଜାର 021 ଜଣ କରୋନା ରୋଗୀ ସୁସ୍ଥ ହୋଇସାରିଛନ୍ତି । ଏହା ସହିତ କରୋନା କାରଣରୁ ମୋଟ 5 ଲକ୍ଷ 31 ହଜାର 300 ରୋଗୀ ପ୍ରାଣ ହରାଇଛନ୍ତି ।

Published On April 22, 2023