ଦେଶରେ ବଢୁଛି କରୋନା , ଗୋଟାଏ ସପ୍ତାହରେ ନେଲାଣି ୭ ଜୀବନ
ଦେଶରେ କୋଭିଡ-୧୯ ମାମଲା ଲଗାତାର ବଢିବାରେ ଲାଗିଛି । ଖାସ୍ କରି ମହାନଗରରେ କରୋନା ଭାଇରସ ମାମଲା ବଢିବାରେ ଲାଗିଛି । ଦିଲ୍ଲୀ, ମୁମ୍ବାଇ, ବେଙ୍ଗାଲୁରୁ, ତିରୁଅନନ୍ତପୁରମ ଭଳି କରୋନା ମାମଲା ଦେଖିବାକୁ ମିଳିଛି । ଦକ୍ଷିଣ ଭାରତୀୟ ରାଜ୍ୟ କେରଳ, ତାମିଲନାଡୁ, କର୍ଣ୍ଣାଟକ, ମହାରାଷ୍ଟ୍ର, ଦିଲ୍ଲୀରେ କରୋନା ଚିନ୍ତା ବଢାଇ ଦେଇଛି ।
INSACOG ଅନୁସାରେ, ନୂଆ ଭାରିଆଣ୍ଟର ଲକ୍ଷଣ ମାରାତ୍ମକ ନୁହେଁ । ଅଧିକାଂଶ ରୋଗୀ ଘରେ ଆଇସୋଲେସନରେ ରହି ସୁସ୍ଥ ହେଉଛନ୍ତି । ତେବେ ଗତ ସପ୍ତାହେ ମଧ୍ୟରେ କରୋନାରେ ୬ ଜଣଙ୍କ ଜୀବନ ମୃତ୍ୟୁ ହୋଇଛି । ଏଥିରେ କେରଳରେ ୨, ମହାରାଷ୍ଟ୍ରରେ ୪ ଜଣ ରହିଛନ୍ତି ।
କରୋନା ଏବେ ଦେଶରେ ୨୦ଟି ରାଜ୍ୟରେ ବଢିଚାଲିଛି । ଦେଶରେ କୋଭିଡ ଆକ୍ଟିଭ କେସ୍ ୧୦୧୦ ରହିଛି । ସପ୍ତାହରେ ଦିଲ୍ଲୀରେ ସାମନାକୁ ଆସିଛି ୯୯ଟି ନୂଆ ମାମଲା । ଏକ ହଜାର ୯ ଜଣ ସଂକ୍ରମିତ ହୋଇଥିବା ଜଣାପଡିଛି । ୨୦ ରାଜ୍ୟରୁ ପଜିଟିଭ ଚିହ୍ନଟ ହୋଇଛନ୍ତି ।
ଭାରତରେ କୋଭିଡ ଭାରିଆଣ୍ଟର NB.1.8.1ର ଗୋଟିଏ ଏବଂ LF.7 ଭାରିଆଣ୍ଟ ମାଡ଼ି ଚାଲିଛି । ପରିସ୍ଥିତିକୁ ନଜରରେ ରଖି ଆଇସିୟୁ ବେଡ, ଅକ୍ସିଜେନ ସିଲିଣ୍ଡର ଓ ଅନ୍ୟ ଜରୁରୀ ଉପକରଣ ମହଜୁଦ ରଖିବାକୁ ସମସ୍ତ ହସ୍ପିଟାଲକୁ ପରାମର୍ଶ ଦିଆଯାଇଛି । କୋଭିଡକୁ ନେଇ ଏଯାଏ କୌଣସି ଆଡଭାଇଜରି ଜାରି କରିନାହାଁନ୍ତି କେନ୍ଦ୍ର ସରକାର । ଏହା ଓମିକ୍ରନର ଏକ ଉପ-ଭାରିଆଣ୍ଟ ମୁଖ୍ୟ ଭୂମିକା ଗ୍ରହଣ କରୁଥିବା ବୋଲି ବିଶେଷଜ୍ଞମାନେ କହିଛନ୍ତି । ତେବେ, ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚଓ) ଏହି ଭାରିଆଣ୍ଟକୁ ଏପର୍ଯ୍ୟନ୍ତ 'ଚିନ୍ତାଜନକ ଭାରିଆଣ୍ଟ ଭାବେ ବୋଲି କୁହାଯାଇନାହିଁ । ଏହାର ଲକ୍ଷଣ ସାଧାରଣତଃ ହାଲୁକା ରହିଛି, ଯେପରିକି ଜ୍ୱର, ନାକ ବହିବା, ଗଳା ଯନ୍ତ୍ରଣା, ମୁଣ୍ଡବିନ୍ଧା, ଥକ୍କା ଏବଂ ଅବସାଦ। ଅଧିକାଂଶ ସଂକ୍ରମିତ ବ୍ୟକ୍ତି ଚାରି ଦିନ ମଧ୍ୟରେ ସୁସ୍ଥ ହୋଇଉଠୁଛନ୍ତି।
Click it and Unblock the Notifications
Sign in with Google