ଆରମ୍ଭ ହେଲା କଂଗ୍ରେସର ‘ଦେଶ ପାଇଁ ଦାନ' ଅଭିଯାନ

Donate For Desh: ଆରମ୍ଭ ହେଲା କଂଗ୍ରେସର 'ଦେଶ ପାଇଁ ଦାନ' ଅଭିଯାନ । ଦେଶର ସର୍ବପୁରାତନ ରାଜନୀତିକ ଦଳ କଂଗ୍ରେସ ଆଜିଠୁ ବିଧିବଦ୍ଧ ଭାବେ ପାଣ୍ଠି ସଂଗ୍ରହ କରିବା ଆରମ୍ଭ କରିଛି । ଏହି ଅଭିଯାନ ମାଧ୍ୟମରେ କଂଗ୍ରେସ ଲୋକଙ୍କଠାରୁ ଟଙ୍କା ସଂଗ୍ରହ କରିବ । କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଏହି କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି ।

ଖଡଗେ କହିଛନ୍ତି , ପ୍ରଥମଥର ଦେଶ ପାଇଁ କଂଗ୍ରେସ ଲୋକଙ୍କୁ ଦାନ କରିବା ପାଇଁ କହୁଛି । ଯଦି ଆପଣ କେବଳ ଧନୀ ଲୋକଙ୍କ ଉପରେ ନିର୍ଭର କରିବେ ତେବେ ସେମାନଙ୍କ କଥାରେ ଆପଣଙ୍କୁ ନୀତି ପ୍ରଣୟନ କରିବା ପାଇଁ ପଡିବ । ସ୍ୱାଧୀନତା ସଂଗ୍ରାମ ବେଳେ ମହାତ୍ମା ଗାନ୍ଧି ମଧ୍ୟ ସାଧାରଣ ଲୋତଙ୍କ ଠାରୁ ଦାନ ନେଉଥିଲେ ।

Congress President Shri @Kharge inaugurates '𝐃𝐨𝐧𝐚𝐭𝐞 𝐟𝐨𝐫 𝐃𝐞𝐬𝐡' – Indian National Congress' Online Crowdfunding Initiative.

Beyond a campaign, it's a commitment to champion the rights of marginalized communities, bridge disparities, and stand as a formidable… pic.twitter.com/ArxD9fLwQl

— Congress (@INCIndia) December 18, 2023

ସେହିପରି କଂଗ୍ରେସ ଏକ୍ସରେ ଏକ ପୋଷ୍ଟ ସେୟାର କରି ଲେଖିଛି, ଦେଶ ପାଇଁ ଦାନ ଅଭିଯାନ ଅବହେଳିତଙ୍କ ଅଧିକାର ପାଇଁ ଲଢେଇ । ଏକ ସଶକ୍ତ ବିରୋଧୀ ପାଇଁ ଏହି କାର୍ଯ୍ୟକ୍ରମର ଆରମ୍ଭ ହୋଇଛି । କଂଗ୍ରେସ ୧୩୮ ବର୍ଷ ପୂରଣ କରିବା ସହ ଆଜି ଦଳ ପକ୍ଷରୁ ଦିଲ୍ଲୀରେ ଦେଶ ପାଇଁ ଏହି ଅଭିଯାନର ଆରମ୍ଭ ହୋଇଛି ।

#WATCH | On the launch of 'Donate for Desh' crowdfunding campaign, Congress President Mallikarjun Kharge says, "It's the first time that Congress is asking people for donations for the nation....If you work only by depending on the rich people, then you have to follow their… pic.twitter.com/YgLZUs5HL9

— ANI (@ANI) December 18, 2023

ସୂଚନାଥାଉ ଯେ, କଂଗ୍ରେସ ୱେବସାଇଟରେ ଦିଆଯାଇଥିବା ଲିଙ୍କରେ ଯାଇ ଲୋକମାନେ, ୧୩୮, ୧୩୮୦ କିମ୍ବା ୧୩,୮୦୦ ଟଙ୍କା ଦାନ କରିପାରିବେ । ଏହାଛଡା ଅଧିକ କିମ୍ବା କମ୍ ଟଙ୍କା ମଧ୍ୟ ଲୋକେ ଦାନ କରିପାରିବେ । ଏହି କାର୍ଯ୍ୟକ୍ରମକୁ ନେଇ ରାହୁଲ ଗାନ୍ଧି କହିଛନ୍ତି, ଉତ୍ତମ ଭାରତ ପାଇଁ ଦେଶବାସୀଙ୍କୁ ଦାନ କରିବା ପାଇଁ ମୁଁ ଅନୁରୋଧ କରୁଛି । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, କଂଗ୍ରେସ ୨୦୧୮ରେ କ୍ରାଉଡ ଫଣ୍ତିଂ ଅଭିଯାନ ଆରମ୍ଭ କରିଥିଲା ।

English summary

Congress to launch 'Donate For Desh'.