କଂଗ୍ରେସ ଆଉ ଏକ ପ୍ରାର୍ଥୀ ତାଲିକା କରିଲା ପ୍ରକାଶ, ମହାରାଷ୍ଟ୍ରର ଏହି ଆସନରେ ଦଳ ଦେଲା ପ୍ରାର୍ଥୀ
ନୂଆଦିଲ୍ଲୀ: ମହାରାଷ୍ଟ୍ରରେ ଆଉ ଦୁଇଟି ଆସନ ପାଇଁ କଂଗ୍ରେସ ନିଜର ପ୍ରାର୍ଥୀ ଘୋଷଣା କରିଛି । ଶୋଭା ଦୀନେଶଙ୍କୁ ଧୁଲେ ଆସନରୁ ଏବଂ ଜଲନା ସିଟରୁ କଲ୍ୟାଣ କାଲେଙ୍କୁ ପ୍ରାର୍ଥୀ ଦେଇଛି ଦଳ । ମହାରାଷ୍ଟ୍ର ପାଇଁ କଂଗ୍ରେସର ଏହା ହେଉଛି ଚତୁର୍ଥ ତାଲିକା । କଲ୍ୟାଣ କାଲେ ବିଜେପିର ରାଓ ସାହେବ ଦାନଭେଙ୍କ ସହ କଡ଼ା ଟକ୍କଟ ଦେବେ । ଯେଉଁଠାରେ ଶୋଭା ବିଜେପିର ଶୁଭଶ ଭାମ୍ରେଙ୍କ ବିରୋଧରେ ନିର୍ବାଚନରେ କରିବେ ପ୍ରତିଦ୍ୱନ୍ଦିତା । ମୁମ୍ବାଇ ଆସନ ପାଇଁ ପ୍ରାର୍ଥୀଙ୍କ ନାମ ଏପର୍ଯ୍ୟନ୍ତ କୌଣସି ଦଳ ପ୍ରାର୍ଥୀ ଘୋଷଣା କରିନାହିଁ ।
ମହାରାଷ୍ଟ୍ରରେ ଆସନ ବୁଝମଣା ଅଧୀନରେ କଂଗ୍ରେସ ୧୭ ଟି ଆସନରେ ପ୍ରତିଦ୍ୱନ୍ଦ୍ୱିତା କରିବ । ପୂର୍ବ ତିନୋଟି ତାଲିକାରେ କଂଗ୍ରେସ କୋଟାରୁ ୧୩ ଟି ଆସନରେ ପ୍ରାର୍ଥୀ କରିଥିଲା । ଚତୁର୍ଥ ତାଲିକାରେ ଆଉ ଦୁଇଟି ନାମ ସହିତ ମୋଟ ୧୫ ଟି ଆସନ ପାଇଁ ପ୍ରାର୍ଥୀ ଘୋଷଣା କରାଯାଇଛି । ବର୍ତ୍ତମାନ କଂଗ୍ରେସ ଆଉ ଦୁଇଟି ଆସନରେ ପ୍ରାର୍ଥୀ ଦେବ ।
ଆସନ ବୁଝମାଣାରେ କଂଗ୍ରେସକୁ ନନ୍ଦୁରବର, ଧୁଲେ, ଆକୋଲା, ଅମ୍ରାବତୀ, ନାଗପୁର, ଭଣ୍ଡାରା-ଗୋଣ୍ଡିଆ, ଗାଡଚିରୋଲି-ଚିମୁର, ଚନ୍ଦ୍ରପୁର, ନନ୍ଦେଡ, ଜାଲନା, ମୁମ୍ବାଇ ଉତ୍ତର ମଧ୍ୟ , ମୁମ୍ବାଇ ଉତ୍ତର, ପୁଣେ, ଲାଟୁର, ସୋଲାପୁର, କୋଲହାପୁର ଏବଂ ରାମଟେକ ଆସନ କଂଗ୍ରେସ ଭାଗରେ ପଡ଼ିଛି ।
Click it and Unblock the Notifications
Sign in with Google