ରାଜସ୍ଥାନରେ କଂଗ୍ରେସ ଚୟନ କଲା ବିରୋଧୀ ଦଳ ନେତା, ଅଶୋକ ଗେହଲୋଟ ନୁହଁନ୍ତି, ଏହି ନେତାଙ୍କୁ ମିଳିଲା ଦାୟିତ୍ୱ
ଜୟପୁର:ରାଜସ୍ତାନରେ କଂଗ୍ରେସ ହାଇକମାଣ୍ଡ ଟିକରାମ ଜୁଲିଙ୍କୁ କଂଗ୍ରେସ ବିଧାୟକ ଦଳର ନେତା କରିଛନ୍ତି। ତାଙ୍କ ବ୍ୟତୀତ ରାଜସ୍ଥାନ କଂଗ୍ରେସ ସଭାପତିଙ୍କ ଦାୟିତ୍ୱ୍ ଗୋବିନ୍ଦ ସିଂ ଦୋଟସାରାଙ୍କୁ ଦେଇଛି ଦଳ । ଦଳ ପକ୍ଷରୁ କୁହାଯାଇଛି ଯେ ଟିକରାମ ଜୁଲିଙ୍କୁ କଂଗ୍ରେସ ବିଧାନଭାର ବିଧାୟକ ଦଳର ନେତା କରିବା ପାଇଁ କଂଗ୍ରେସ ସଭାପତି ମଲ୍ଲିକାର୍ଜୁନ ଖର୍ଗେ ପ୍ରସ୍ତାବ ଦେଇଛନ୍ତି । ଏହାପୂର୍ବରୁ ଟିକରାମ ଜୁଲିଙ୍କୁ ବିରୋଧୀଦଳର ନେତା କରିବା ନେଇ ସୋସିଆଲ ମିଡିଆରେ ଅନେକ ଆଲୋଡ଼ନ ସୃଷ୍ଟି ହୋଇଥିଲା ।
ଏହି ଅବସରରେ ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ମଧ୍ୟ ଟିକରାମ ଜୁଲିଙ୍କୁ ଅଭିନନ୍ଦନ ଜଣାଇଛନ୍ତି । ସେ ସୋସିଆଲ ମିଡିଆରେ ଲେଖିଛନ୍ତି, "କଂଗ୍ରେସ ବିଧାନସଭାର ବିଧାୟକ ଦଳର ନେତା ଭାବରେ ମନୋନୀତ ହେବାପରେ କଂଗ୍ରେସ ସରକାରରେ କ୍ୟାବିନେଟ ମନ୍ତ୍ରୀ ତଥା ଅଲୱାର ଗ୍ରାମରୁ ବିଧାୟକ ଥିବା ଟିକରାମ ଜୁଲିଙ୍କୁ ହାର୍ଦ୍ଦିକ ଅଭିନନ୍ଦନ ଏବଂ ଶୁଭେଚ୍ଛା । ମୋର ସମ୍ପୂର୍ଣ୍ଣ ବିଶ୍ୱାସ ଅଛି ଯେ ଆପଣ ରାଜସ୍ଥାନର ଜନତାଙ୍କ ସ୍ୱର ଦୃଢ଼ ଭାବେ ବିଧାନସଭାରେ ଉଠାଇବେ ।
ସୂଚନାନୁସାରେ କଂଗ୍ରେସ ବିରୋଧ ଦଳ ନେତା ଘୋଷଣା କରିବା ପୂର୍ବରୁ ୧୦ କୋଟିରୁ ଅଧିକ ବିରୋଧୀ ଦଳ ନେତା ପଲୱାର ସୋସିଆଲ ମିଡିଆରେ ଟ୍ରେଣ୍ଡ ହୋଇଥିଲା । ସୋସିଆଲ ମିଡିଆରେ ଅନେକ ଉପଭୋକ୍ତା ଦାବି କରିଛନ୍ତି ଯେ ବିରୋଧୀଦଳର ନେତା ଅଲୱାରରୁ ହୁଅନ୍ତୁ । ବର୍ତ୍ତମାନ ଟିକରାମ ଜୁଲି ବିରୋଧୀ ଦଳର ନେତା ହେବେ ବୋଲି କଂଗ୍ରେସ ଆନୁଷ୍ଠାନିକ ଭାବେ ଘୋଷଣା କରିଛି ।
ସୂଚନା ଯୋଗ୍ୟ ଯେ, ରାଜସ୍ଥାନ ବିଧାନସଭା ଅଧିବେଶନ ଜାନୁଆରୀ ୧୯ ରୁ ଆରମ୍ଭ ହେବାକୁ ଯାଉଛି । ଏଭଳି ପରିସ୍ଥିତିରେ କଂଗ୍ରେସ ପକ୍ଷରୁ ବିରୋଧୀଦଳ ନେତାଙ୍କ ଘୋଷଣା ବିଳମ୍ବରେ ନେଇ ପ୍ରଶ୍ନ ଉଠିଥିଲା । ବର୍ତ୍ତମାନ ଏହି ବିଧାନସଭା ଅଧିବେଶନ ପୂର୍ବରୁ ଦଳ ବିରୋଧୀ ଦଳର ନେତା ଘୋଷଣା କରିଛି ।
Click it and Unblock the Notifications
Sign in with Google