କଂଗ୍ରେସକୁ ଦରକାର ନାହିଁ ମମତାଙ୍କ ଦୟା, ଜାଣନ୍ତୁ ଏମିତି କାହିଁକି କହିଲେ କଂଗ୍ରେସ ସାଂସଦ
କୋଲକତା: ଲୋକସଭା ନିର୍ବାଚନକୁ ନେଇ ଆଉ ମାତ୍ର ୪ ମାସ ରହିଛି ବାକି । କେନ୍ଦ୍ରର ମୋଦି ସରକାରଙ୍କୁ ଶାସନ ଗାଦିରୁ ହଟାଇବା ପାଇଁ ବିରୋଧୀ ଇଣ୍ଡିଆ ମେଣ୍ଟ କରିଛନ୍ତି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଆସନ ବୁଝାମଣା ହୋଇନଥିବା ବେଳେ ଆସନ ବଣ୍ଟାକୁ ନେଇ ବିବାଦ ବଢ଼ିବାରେ ଲାଗିଛି । ଏପଟେ ପଶ୍ଚିମବଙ୍ଗରେ ଆସନ ବୁଝାମଣାକୁ ନେଇ କଂଗ୍ରେସ ଏବଂ ଟିଏମସି ମଧ୍ୟରେ ଚାଲିଥିବା ବିବାଦ ଥମିବାର ନାଁ ନେଉ ନାହିଁ ।
ସୂତ୍ରରୁ ମିଳିଥିବା ଖବର ଅନୁସାରେ, ଟିଏମ୍ସି କଂଗ୍ରେସକୁ ରାଜ୍ୟରେ ମାତ୍ର ୨ଟି ଲୋକସଭା ଆସନ ଦେବ ବୋଲି କହିଥିଲା । ଆଉ ବର୍ତ୍ତମାନ ଯାହାକୁ ନେଇ ଅସୋନ୍ତାଷ ବ୍ୟକ୍ତ କରିଛନ୍ତି କଂଗ୍ରେସ ସାଂସଦ ଅଧିର ରଞ୍ଜନ ଚୌଧୁରୀ । ଗୁରୁବାର (ଜାନୁଆରୀ ୪) ରେ ସେ ଏହି ବିଷୟରେ ଟିଏମସିକୁ ଟାର୍ଗେଟ କରିଛନ୍ତି ।
ଅଧିର କହିଛନ୍ତି, "କିଏ ତାଙ୍କଠାରୁ ଭିକ ମାଗିବାକୁ ଯାଇଛନ୍ତି, ଆମର ଦୁଇଟି ସିଟ୍ ଅଛି ତ।। ଆମେ କଣ ଜାଣି ନାହୁଁ । ମମତା ଜୀଙ୍କ ଠାରୁ କିଏ ସିଟ୍ ମାଗୁଛି । ଆମେ ନିଜେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରିବୁ । ମମତା ଜୀ ପ୍ରଧାନମନ୍ତ୍ରୀଙ୍କ ସେବାରେ ନିୟୋଜିତ ଅଛନ୍ତି । କଂଗ୍ରେସ ମମତାଙ୍କ ଦୟା ଆବଶ୍ୟକ କରେ ନାହିଁ, ଆମେ ନିଜେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରିବୁ ବୋଲି ସେ କହିଛନ୍ତି । "
ଆପଣଙ୍କୁ କହିରଖୁଛୁ ଯେ ଗତ ସପ୍ତାହରେ କଂଗ୍ରେସ ସାଂସଦ ଅଧିର ରଞ୍ଜନ ଚୌଧୁରୀ ଇଣ୍ଡିଆ ମିଳିତ ମଞ୍ଚ ବିଷୟରେ ଏକ ବଡ଼ କଥା କହିଥିଲେ । ଆସନ୍ତା ବର୍ଷ ଲୋକସଭା ନିର୍ବାଚନ ପୂର୍ବରୁ ଟିଏମସି ସଭାପତି ତଥା ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟରେ (ଇଣ୍ଡିଆ) ସହ ଜଡିତ ଦଳ ମଧ୍ୟରେ ମେଣ୍ଟ କରିବାକୁ ଆଗ୍ରହ ପ୍ରକାଶ କରୁନାହାଁନ୍ତି ବୋଲି ଅଧିର କହିଥିଲେ
ଡିସେମ୍ବର ୩୦, ୨୦୨୩ ରେ ମୁର୍ସିଦାବାଦ ଜିଲ୍ଲାର ଚୌଧୁରୀ ଗଣମାଧ୍ୟମକୁ ସୂଚନା ଦେଇ କହିଥିଲେ, "ମୁଖ୍ୟମନ୍ତ୍ରୀ ନିଜେ ପଶ୍ଚିମବଙ୍ଗରେ ମିଳିତ ମଞ୍ଚ ଚାହାଁନ୍ତି ନାହିଁ କାରଣ ତାଙ୍କର ଅସୁବିଧା ହେବ । ସେ ନିଜେ ମିଳିତ ହେବାର ସମ୍ଭାବନାକୁ ନଷ୍ଟ କରିଛନ୍ତି । ଯଦି ଆପଣ ତାଙ୍କ ଭାଷଣ ଶୁଣିବେ , ତେବେ ଆପଣ ଜାଣିବେ ଯେ ସେ ଏଠାରେ ଏକ ଗଠବନ୍ଧନ ଚାହାଁନ୍ତି ନାହିଁ ।
Click it and Unblock the Notifications
Sign in with Google