ଡି.କେ.ଶିବକୁମାର କ୍ଷମା ମାଗନ୍ତୁ, ଜାଣନ୍ତୁ କାହିଁକି ଏମିତି କହିଲେ ବିଜେପି ନେତା

କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଡି.କେ.ଶିବକୁମାରଙ୍କ ଏକ ନିର୍ଦ୍ଧିଷ୍ଟ ସଂଖ୍ୟାଲଘୁ ଗୋଷ୍ଠୀକୁ ସଂରକ୍ଷଣ ଦେବାଲାଗି ସମ୍ବିଧାନ ପରିବର୍ତ୍ତନ ନେଇ ଦେଇଥିବା ମନ୍ତବ୍ୟକୁ ବିରୋଧ କରି ବିଜେପି' କଂଗ୍ରେସକୁ କଡା ସମାଲୋଚନା କରିଛି । ଆଜି ସଂସଦ ବାହାରେ ଗଣମାଧ୍ୟମ ସହ ଆଲୋଚନା ବେଳେ ବରିଷ୍ଠ ବିଜେପି ନେତା ତଥା କେନ୍ଦ୍ରମନ୍ତ୍ରୀ ପ୍ରହଲ୍ଲାଦ ଯୋଶୀ କଂଗ୍ରେସକୁ କ୍ଷମା ମାଗିବା ଲାଗି ଦାବି କରିଛନ୍ତି ।

ସେ କହିଛନ୍ତି ଏଭଳି ମନ୍ତବ୍ୟ ସମ୍ବିଧାନର ଗାରିମା ନଷ୍ଟ କରୁଥିବାରୁ ଡିକେ ଶିବକୁମାର ମଧ୍ୟ କ୍ଷମା ମାଗିବା ଉଚିତ୍ । ସେ ଅଭିଯୋଗ କରିଛନ୍ତି ଯେ କଂଗ୍ରେସ ବାରମ୍ବାର ସମ୍ବିଧାନ ଏବଂ ଡକ୍ଟର ବି.ଆର୍. ଆମ୍ବେଦକରଙ୍କୁ ଅପମାନିତ କରିଆସୁଛି ବୋଲି ସେ କହିଛନ୍ତି ।