ଲୋକସଭା ନିର୍ବାଚନ ପାଇଁ ନାଗପୁରରୁ ବିଗୁଲ ବଜାଇବ କଂଗ୍ରେସ !

ଦିଲ୍ଲୀ:ନିକଟରେ ଦେଶର ୫ ଟି ରାଜ୍ୟରେ ବିଧାନସଭା ନିର୍ବାଚନ ଶେଷ ହୋଇଛି । ତେଲେଙ୍ଗାନା ବ୍ୟତୀତ ଅନ୍ୟ ସମସ୍ତ ରାଜ୍ୟରେ କଂଗ୍ରେସ ଦଳ ନିରାଶାର ସମ୍ମୁଖୀନ ହୋଇଛି । ମଧ୍ୟପ୍ରଦେଶରେ ବିଜେପି କ୍ଷମତା ବଜାୟ ରଖିଥିବା ବେଳେ ରାଜସ୍ଥାନ ଏବଂ ଛତିଶଗଡକୁ ମଧ୍ୟ କଂଗ୍ରେସ ହାତରୁ ଛଡ଼ାଇ ନେଇଛି ।

ବର୍ତ୍ତମାନ ଏହି ଅବସାଦରୁ ମୁକ୍ତି ପାଇବା ପରେ କଂଗ୍ରେସ ଆଗାମୀ ଲୋକସଭା ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିବାକୁ ଯାଉଛି । ୨୦୨୪ ଲୋକସଭା ନିର୍ବାଚନ ପାଇଁ ୨୮ ଡିସେମ୍ବରରେ କରିବ ତାର ଶଙ୍ଖ ନାଦ । ଡିସେମ୍ବର ୨୮ ତାରିଖରେ ନାଗପୁରରେ କଂଗ୍ରେସ ତାହାର ୧୩୯ ତମ ପ୍ରତିଷ୍ଠା ଦିବସ ପାଳନ କରିବାକୁ ଯାଉଛି । ଏହି ଅବସରରେ ଦଳ ନାଗପୁରରେ ଏକ ବଡ ରାଲିର ଆୟୋଜନ କରିବ ଯେଉଁଥିରେ ଦଳର ସମସ୍ତ ବରିଷ୍ଠ ନେତାମାନେ ଯୋଗ ଦେବେ ।

କୁହାଯାଉଛି ଯେ ଏହି ରାଲି ମାଧ୍ୟମରେ କଂଗ୍ରେସ ଲୋକସଭା ନିର୍ବାଚନ -୨୦୨୪ ପାଇଁ ବିଗୁଲ ବଜାଇବ । କଂଗ୍ରେସ ପାର୍ଟିର ସାଧାରଣ ସମ୍ପାଦକ କେ.ସି ଭେନୁଗୋପାଳ କହିଛନ୍ତି ଯେ ଫାଉଣ୍ଡେସନ ଡେ'ରେ ଆୟୋଜିତ ହେବାକୁ ଥିବା ଏହି ରାଲିରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ, ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ମଧ୍ୟ ଅଂଶଗ୍ରହଣ କରିବେ ।

ଏଥିରେ ୧୦ଲକ୍ଷରୁ ଅଧିକ ଲୋକ ଅଂଶଗ୍ରହଣ କରିବେ । ଆଗାମୀ ଲୋକସଭା ନିର୍ବାଚନ ପାଇଁ କଂଗ୍ରେସ 'ଫଉଲ ଆକ୍ଟିଭ ହୋଇଛି । ମୁମ୍ଭାଇ ବଦଳରେ ନାଗପୁରରେ ହେବ ଦଳର ସ୍ଥାପନା ଦିବ ସ । କଂଗ୍ରେସର ଏହି ସ୍ଥପନା ଦିବସକୁ ନେଇ ରାଜନୈତିକ ବିଶେଷଜ୍ଞ କହିଛନ୍ତି ନାଗପୁରରେ ଆରଏସଏସର ମୁଖ୍ୟାଳୟ ଅଛି । ଦଳ ଏଠାରେ ସ୍ଥପନା ଦିବସ କରି ଏହା ମାଧ୍ୟମରେ ଏକ ବଡ଼ ବାର୍ତ୍ତା ଦେବାକୁ ଚାହୁଁଛି । ଯେଉଁଥି ପାଇଁ ଏହି ସ୍ଥାନକୁ ବାଛିଛି । ।

English summary

Congress celebrate Foundation Day in Nagpur.ନିକଟରେ ଦେଶର ୫ ଟି ରାଜ୍ୟରେ ବିଧାନସଭା ନିର୍ବାଚନ ଶେଷ ହୋଇଛି । ତେଲେଙ୍ଗାନା ବ୍ୟତୀତ ଅନ୍ୟ ସମସ୍ତ ରାଜ୍ୟରେ କଂଗ୍ରେସ ଦଳ ନିରାଶାର ସମ୍ମୁଖୀନ ହୋଇଛି ।