ମୋଦିଙ୍କୁ ଭେଟିଲେ କଂଗ୍ରେସ ନେତା ପ୍ରମୋଦ କୃଷ୍ଣ, ପରେ କଲେ ପ୍ରଶଂସା

ନୂଆଦିଲ୍ଲୀ: କଂଗ୍ରେସରେ ଥିବାସତ୍ତ୍ୱେ ମଧ୍ୟ କଂଗ୍ରେସର ନୀତି ତଥା ନିଷ୍ପତ୍ତିକୁ ସମାଲୋଚନା କରୁଥିବା କଂଗ୍ରେସ ନେତା ଆଚାର୍ଯ୍ୟ ପ୍ରମୋଦ କୃଷ୍ଣ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟି ଛନ୍ତି । ବାସ୍ତବରେ, କଂଗ୍ରେସ ନେତା ଆଚାର୍ଯ୍ୟ ପ୍ରମୋଦ କୃଷ୍ଣ ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟି ତାଙ୍କୁ ଉତ୍ତର ପ୍ରଦେଶର ସମ୍ବଲଠାରେ ଫେବୃଆରୀ 19 ରେ ହେବାକୁ ଥିବା ଶ୍ରୀ କଳିକ ଧାମର ଭିତ୍ତି ପ୍ରସ୍ତର ସମାରୋହ ପାଇଁ ଆମନ୍ତ୍ରଣ କରିଥିଲେ ।

କଂଗ୍ରେସ ନେତା ଆଚାର୍ଯ୍ୟ ପ୍ରମୋଦ କୃଷ୍ଣ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବାବେଳେ କହିଛନ୍ତି ଯେ ଭାରତର ପ୍ରଧାନମନ୍ତ୍ରୀଙ୍କୁ ଭେଟିବା ଅପରାଧ ନୁହେଁ, ତାଙ୍କୁ ଶ୍ରୀ କଳିକ୍ ଧାମର ଭିତ୍ତି ପ୍ରସ୍ତର ସମାରୋହ ପାଇଁ ନିମନ୍ତ୍ରଣ କରିବା ମଧ୍ୟ ଅପରାଧ ନୁହେଁ । ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବା ପରେ ଆଚାର୍ଯ୍ୟ ପ୍ରମୋଦ କୃଷ୍ଣ ସୋସିଆଲ ମିଡିଆରେ କ୍ରମାଗତ ଭାବରେ ଚର୍ଚ୍ଚାରେ ରହିଛନ୍ତି ।

ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବା ପରେ ଆଚାର୍ଯ୍ୟ ପ୍ରମୋଦ କୃଷ୍ଣ 'ଏକ୍ସ'ରେ କହିଥିଲେ ଯେ, 19 ଫେବୃଆରୀରେ ହେବାକୁ ଥିବା ଶ୍ରୀ କଳକି ଧାମର ମୂଳଦୁଆ ପକାଇବା ସମାରୋହରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଆମନ୍ତ୍ରଣ କରିବାର ସୌଭାଗ୍ୟ ପାଇଛି । ଏହାକୁ ଗ୍ରହଣ କରିଥିବାରୁ ମାନ୍ୟବର ପ୍ରଧାନମନ୍ତ୍ରୀଙ୍କୁ ହୃଦୟରୁ କୃତଜ୍ଞତା ଏବଂ ଧନ୍ୟବାଦ।

English summary

congres Acharya Pramod meets PM Modi