୭ ଦୁଷ୍କର୍ମୀକୁ ମିଳିବ ଫାଶୀ, ଆସିବ ଦୁଷ୍କର୍ମ ବିରୋଧୀ ଆଇନ୍: ମମତା ବାନାର୍ଜୀ
Kolkata News: ଏଣିକି ଦୁଷ୍କର୍ମ ପରି ଅପରାଧ ବିରୋଧରେ ପଶ୍ଚିମବଙ୍ଗ ସରକାର ଆଣିବେ କଠୋର ଆଇନ । ଆସନ୍ତା ଏକ ସପ୍ତାହ ମଧ୍ୟରେ ରାଜ୍ୟରେ ଲାଗୁ ହେବ ନୂଆ ଆଇନ । ଏହା ଅଧିନରେ ଦୁଷ୍କର୍ମୀକୁ ଅପରାଧର ୭ ଦିନ ଭିତରେ ଫାଶୀ ଦଣ୍ତ ଦେବାର ବ୍ୟବସ୍ଥା କରାଯିବ । ଏନେଇ ଆଜି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଘୋଷଣା କରିଛନ୍ତି । କୋଲକତା ମହିଳା ଡାକ୍ତରଙ୍କ ଦୁଷ୍କର୍ମ ପରେ ହତ୍ୟା କରାଯିବା ଘଟଣାକୁ ପରେ ଟିଏମସି ସୁପ୍ରିମୋ ଏହି ନିଷ୍ପତ୍ତି ନେଇଛନ୍ତି । ଆଜି ଦଳର ଛାତ୍ର ସଂଗଠନର ପ୍ରତିଷ୍ଠା ଦିବସକୁ ମଧ୍ୟ ମମତା କୋଲକତା ପୀଡ଼ିତାଙ୍କ ପାଇଁ ଉତ୍ସର୍ଗ କରିଛନ୍ତି ।
ଏକ କାର୍ଯ୍ୟକ୍ରମକୁ ସମ୍ବୋଧନ କରି ମମତା ବାନାର୍ଜୀ କହିଛନ୍ତି, ରାଜ୍ୟ ସରକାର ଆସନ୍ତା ସପ୍ତାହ ମଧ୍ୟରେ ଦୁଷ୍କର୍ମୀକୁ ଦଣ୍ତ ଦେବା ପାଇଁ ଏକ ଆଇନ ପ୍ରଣୟନ କରିବେ। ସେହିପରି ବିଜେପିର ବନ୍ଦ ଡାକରାକୁ ମଧ୍ୟ ସମାଲୋଚନା କରିଛନ୍ତି ମମତା ବାନାର୍ଜୀ । ସେ କହିଛନ୍ତି, ବିଜେପି ନ୍ୟାୟ ଚାହୁଁ ନାହିଁ କେବଳ ବେଙ୍ଗଲକୁ ବଦନାମ କରିବା ପାଇଁ ଚାହୁଁଛି ।
Click it and Unblock the Notifications
Sign in with Google