ରାକ୍ଷବନ୍ଦନ ପୂର୍ବରୁ ସରକାର ଦେଲେ ବଡ଼ ଉପହାର, ମହିଳାଙ୍କୁ ମିଳିବ ଏତିକି ଟଙ୍କା

ଭୋପାଳ: ରାକ୍ଷବନ୍ଦନ ପୂର୍ବରୁ ମଧ୍ୟପ୍ରଦେଶର ମୁଖ୍ରମନ୍ତ୍ରୀ ଡକ୍ଟର ମୋହନ ଯାଦବ ରାଜ୍ୟର ପ୍ରିୟ ଭଉଣୀମାନଙ୍କୁ ଉପହାର ଦେବାକୁ ଯାଉଛନ୍ତି । କ୍ୟାବିନେଟ ବୈଠକରେ ସେ ଏହି ଉପହାର ଘୋଷଣା କରିଛନ୍ତି । ଆସନ୍ତା ଦିନରେ ରାଜ୍ୟରେ ମହିଳାଙ୍କ ଆକାଉଣ୍ଟକୁ ଅତିରିକ୍ତ ୨୫୦ ଟଙ୍କା ପଠାଯିବ ବୋଲି ଡକ୍ଟର ମୋହନ ଯାଦବ ଘୋଷଣା କରିଛନ୍ତି ।

ସୁଚନାନୁସାରେ ଆଜି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବଙ୍କ ଅଧ୍ୟକ୍ଷତାରେ ଏକ କ୍ୟାବିନେଟ୍ ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ଶ୍ରୀ ଯାଦବ ମହିଳାଙ୍କ ପାଇଁ 'ଲାଡଲୀ ବହନ ଯୋଜନା' ଅନ୍ତର୍ଗତ କିଛି ଖାସ୍ ଘୋଷଣା କରିଛନ୍ତି । ଏହି ଯୋଜନା ଅନ୍ତର୍ଗତ ପ୍ରତ୍ୟେକ ବର୍ଷ ଶ୍ରାବଣ ମାସର ୧ ତାରିଖକୁ ଆକାଉଣ୍ଟକୁ ଅତିରିକ୍ତ ୨୫୦ ଟଙ୍କା ପ୍ରଦାନ କରାଯିବ ।

କହିରଖୁଛୁ ଏହି ରାଶି ପୂର୍ବରୁ ପ୍ରଦାନ କରାଯାଉଥିବା ମାସିକ ୧୨୫୦ ଟଙ୍କାରୁ ଭିନ୍ନ ଅଟେ । ରାଜରେ ଭଉଣୀମାନଙ୍କୁ ଏହି ଉପହାର ସହିତ ମୁଖ୍ୟମନ୍ତ୍ରୀ ଜନ ପ୍ରତିନିଧିଙ୍କୁ ନିଜ ଅଞ୍ଚଳରେ ଭଉଣୀଙ୍କ ଠାରୁ ରାକ୍ଷୀ ବାନ୍ଧିବା ପାଇଁ ଆହ୍ୱାନ କରିଛନ୍ତି । ଏହି ବୈଠକରେ ମୁଖ୍ୟମନ୍ତ୍ରୀ ଶ୍ରୀ ଯାଦବ ପରିବର୍ତ୍ତିତ ପରିସ୍ଥିତି ବିଷୟରେ ଆଲୋଚନା କରି କୃଷକଙ୍କୁ କହିଥିଲେ ଯେ ବର୍ତ୍ତମାନ ସେମାନଙ୍କ ଜମିରୁ ଆୟ ବୃଦ୍ଧି ହେବାକୁ ଯାଉଛି ତେଣୁ ସେମାନେ ନିଜ ଜମି ବିକ୍ରି ନକରନ୍ତୁ ।