ଇସ୍ତଫା ଦେଲେ ହରିୟାଣା ମୁଖ୍ୟମନ୍ତ୍ରୀ
ଚଣ୍ଡିଗଡ଼: ଦେଶରେ ବର୍ତ୍ତମାନ ଲୋକସଭା ନିର୍ବାଚନକୁ ନେଇ ରାଜନୈତିକ ମାହୋଲ ରହିଛି ବେସ ସରଗରମ । ଆଉ ଏହା ଭିତରେ ହରିୟାଣା ରାଜନୀତିରୁ ଏକ ବଡ ଖବର ସାମ୍ନାକୁ ଆସିଛି । ଆଜି ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଇସ୍ତଫା ଦେଇଛନ୍ତି । ଚଣ୍ଡିଗଡ଼ର ମୁଖ୍ୟମନ୍ତ୍ରୀ ବାସଭବନରେ ଏକ ବୈଠକ ପରେ ଏହି ନିଷ୍ପତ୍ତି ନିଆଯାଇଛି ।
ଏବେ ଭାଜପାି (ହରିୟାଣା ଭାଜପା) ହରିୟାଣାରେ ନିଜେ ସରକାର ଗଠନ କରିବାକୁ ଯାଉଛି । ମନୋହର ଲାଲଙ୍କ ବ୍ୟତୀତ ସମଗ୍ର କ୍ୟାବିନେଟ ମୁଖ୍ୟମନ୍ତ୍ରୀଙ୍କ ବାସଭବନରେ ବୈଠକ ପରେ ରାଜ ଭବନରେ ରାଜ୍ୟପାଳଙ୍କୁ ଭେଟିଥିଲେ ଏବଂ ପରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ତାଙ୍କ ସହ ସମଗ୍ର କ୍ୟାବିନେଟ ମଧ୍ୟ ରାଜ୍ୟପାଳ (ହରିୟାଣା ରାଜ୍ୟପାଳ) ଙ୍କୁ ଇସ୍ତଫା ପତ୍ର ଦାଖଲ କରିଛନ୍ତି ।
ସେହିପରି ଆଜି ହରିୟାଣାରେ ବିଜେପି ଏବଂ ଜେଜେପି ବା ଜନନାୟକ ଜନତା ପାର୍ଟି ମେଣ୍ଟ ଭାଙ୍ଗିବା ଆଶଙ୍କା କରାଯାଉଛି । ବିଜେପିକୁ ଅନ୍ୟ ସ୍ୱାଧୀନ ବିଧାୟକଙ୍କ ସମର୍ଥନ ଥିବାରୁ ମେଣ୍ଟ ଭାଙ୍ଗି ବିଜେପି ପୁଣି ଥରେ ସରକାର ଗଢ଼ିବ ବୋଲି କୁହାଯାଉଛି । ଏଥିସହ ହରିୟାଣା ମନ୍ତ୍ରିମଣ୍ଡଳରୁ ବିଜେପି ମନ୍ତ୍ରୀମାନେ ଆଜି ସାମୁହିକ ଇସ୍ତଫା ଦେବା ପରେ ନୂଆ ମନ୍ତ୍ରିମଣ୍ଡଳ ଗଠନ ହୋଇପାରେ ।
Click it and Unblock the Notifications
Sign in with Google