ଭାରତରେ ଅନୁପ୍ରବେଶ କରି ଚୀନ୍ ନାଗରିକ ଗିରଫ, ବ୍ୟାଗକୁ ମିଳିଲା......
ଭାରତୀୟ ସୀମା ମଧ୍ୟକୁ ପଶିବାକୁ ଚେଷ୍ଟା କରୁଥିଲେ । ମୋବାଇଲରେ ସୁଟିଂ କରୁଥିଲେ ଭିଡିଓ । କିନ୍ତୁ ଦେଖିଦେଲେ ସୁରକ୍ଷାକର୍ମୀ ଆଉ ଚୀନ ନାଗରିକଙ୍କୁ ଗିରଫ କଲେ । ଭାରତ-ଚୀନ ସୀମାରେ ଏହି ଘଟଣା ଏବେ ସୁରକ୍ଷାବାହିନୀ ପାଇଁ ନୂଆ ଚ୍ୟାଲେଞ୍ଜ୍ ସୃଷ୍ଟି କରିଛି ।
ରିପୋର୍ଟ ଅନୁସାରେ, ସଶସ୍ତ୍ର ସୀମା ବଳ ଜଣେ ୪୯ ବର୍ଷୀୟ ଚୀନ୍ ନାଗରିକଙ୍କୁ ଗିରଫ କରିଛି । ତାଙ୍କ ନାଁ ହେଲା ଲିୟୁ କୁନଜିଙ୍ଗ୍ । ହ୍ୟୁନାନ ପ୍ରାନ୍ତରେ ଲିୟୁ ରୁହନ୍ତି । ସେ ରୁପାୟିଡିହା ଚେକ୍ ପୋଷ୍ଟ ନିକଟରେ ଥିବା ଭାରତ-ନେପାଳ ସୀମାରେ ଭିଡିଓ ଉତ୍ତୋଳନ କରୁଥିଲେ । ଏହାସହ ଭାରତୀୟ ସୀମା ମଧ୍ୟକୁ ଅନୁପ୍ରବେଶ କରିଥିଲେ । ତେଣୁ ତାଙ୍କୁ ଗିରଫ କରାଯାଇଥିଲା ।
ଏସଏସବିର କହିବାନୁସାରେ, ଭାରତୀୟ ସୀମାରେ ଅନୁପ୍ରବେଶ ପୂର୍ବରୁ ସେ ପାକିସ୍ତାନ ଗସ୍ତ କରିଥିଲେ । ତାଙ୍କ ପାଖରୁ ପାକିସ୍ତାନ, ନେପାଳ ଏବଂ ଚାଇନାର ମୁଦ୍ରା ମିଳିଛି । ଭାରତ ମଧ୍ୟକୁ ପ୍ରବେଶ କରିବା ପାଇଁ ତାଙ୍କ ପାଖରେ ବୈଧ କାଗଜପତ୍ର ନଥିଲା । ଲିୟୁଙ୍କ ନିକଟରୁ ତିନୋଟି ମୋବାଇଲ ଫୋନ ମଧ୍ୟ ଜବତ ହୋଇଛି ।
ଆହୁରି ମଧ୍ୟ ସେ ବ୍ୟାଗରେ ନେପାଳର ମ୍ୟାପ୍ ରଖିଥିଲେ । ଏଥିରେ ଅନେକ କିଛି ଇଂରାଜୀରେ ଲେଖାହୋଇଛି । ପ୍ରଥମେ ସେ ଇଂଲିଶ କିମ୍ବା ହିନ୍ଦୀ ଜାଣିନଥିବା ପ୍ରକାଶ କରିଥିଲେ । ଜଣେ ଅନୁବାଦକଙ୍କ ଜରିଆରେ ଲିୟୁଙ୍କୁ ଜେରା କରାଯାଉଛି । ପାକିସ୍ତାନରେ କିଛି ଦିନ ବିତାଇଥିବାରୁ ସେ ବଡ ଯୋଜନାରେ ଭାରତ ମଧ୍ୟକୁ ପ୍ରବେଶ କରୁଥିବା କୁହାଯାଉଛି । ଅନେକ ଗୁରୁତ୍ୱପୂର୍ଣ୍ଣ ଅଂଚଳର ଭିଡିଓ ସୁଟ୍ କରିବା ସାଧାରଣ କଥା ନୁହେଁ । ଅଧିକ ତଦନ୍ତ ପରେ ସବୁ ସତ ସାମ୍ନାକୁ ଆସିବ ବୋଲି ଏସଏସବି ପକ୍ଷରୁ ସୂଚନା ଦିଆଯାଇଛି ।
Click it and Unblock the Notifications
Sign in with Google