କରୋନା କବଳରେ ମାଓବାଦୀ : 10 ଜଣଙ୍କର ମୃତ୍ୟୁ, 400 ଆକ୍ରାନ୍ତ !

କରୋନାରେ 10 ଜଣ ମାଓବାଦୀଙ୍କ ମୃତ୍ୟୁ ହୋଇଛି । ଅନ୍ୟ 400 ଜଣ କରୋନାରେ ଆକ୍ରାନ୍ତ ହୋଇଥିବା ଜଣାପଡିଛି

Published: Tuesday, May 11, 2021, 14:24 [IST]

ରାୟପୁର: ସାରା ଦେଶରେ କରୋନା କାୟା ବିସ୍ତାର କରିଛି । ଆଉ ଏଥିରୁ ବର୍ତ୍ତି ପାରିନାହାନ୍ତି ମାଓବାଦୀ । ଏହାରି ଭିତରେ କରୋନାରେ 10 ଜଣ ମାଓବାଦୀଙ୍କ ମୃତ୍ୟୁ ହୋଇଛି । ଅନ୍ୟ 400 ଜଣ କରୋନାରେ ଆକ୍ରାନ୍ତ ହୋଇଥିବା ଜଣାପଡିଛି ।
ଏନେଇ ଛତିଶଗଡ଼ର ଦାନ୍ତେୱାଡ଼ା ଏସପି ଅଭିଷେକ ପଲ୍ଲଭ ସୂଚନା ଦେଇଛନ୍ତି। ଆହୁରି ମଧ୍ୟ ସେ କହିଛନ୍ତି ଏହି ମାଓବାଦୀ 20 ଦିନ ତଳେ ସୁକମା ଓ ବୀଜାପୁର ଜଙ୍ଗଲରେ ବଡ଼ ବୈଠକ କରିଥିଲେ । ଏହି ବୈଠକରେ 500 ରୁ ଅଧିକ ମାଓବାଦୀ ସାମିଲ୍ ହୋଇଥିଲେ ।

ଏଠାରେ ସୂଚନାଥାଉକି, ଏହା ପୂର୍ବରୁ 50ରୁ ଉର୍ଦ୍ଧ୍ବ ମାଓବାଦୀ କରୋନା ଆକ୍ରାନ୍ତ ହୋଇଥିଲେ । ସେହିପରି 25 ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିବା ଦଣ୍ଡକାରଣ୍ୟ ସ୍ପେଶାଲ ଜୋନାଲ କମିଟିର ମାଓ ନେତ୍ରୀ ସୁଜାତା ମଧ୍ୟ କୋଭିଡ୍‌ରେ ଆକ୍ରାନ୍ତ ହୋଇଥିଲା ।

Published On May 11, 2021