ଚାରିଧାମ ଯାତ୍ରା: ତୀର୍ଥଯାତ୍ରୀ ମୃତ୍ୟୁ ସଂଖ୍ୟା 70 ଛୁଇଁଲା, କେଦାରନାଥରେ ସର୍ବାଧିକ
ଯାତ୍ରୀଙ୍କ ପାଇଁ ଏବେ ଧିରେ ଧିରେ ଅସୁରକ୍ଷିତ ହୋଇପଡିଛି ଚାରିଧାମ ଯାତ୍ରା । ଅଧିକ ଉଚ୍ଚତା ସହ ହୃଦଘାତରେ ଅନେକ ତୀର୍ଥଯାତ୍ରୀଙ୍କ ଜୀବନ ଯାଉଛି । ବୁଧବାର ଦିନ କେଦାରନାଥରେ 4 ଜଣ ତୀର୍ଥଯାତ୍ରୀଙ୍କ ମୃତ୍ୟୁ ଘଟିଛି ଏବଂ 3 ଜଣ ଅସୁସ୍ଥ ହୋଇପଡିଛନ୍ତି ।
ଡେରାଡୁନ: ଯାତ୍ରୀଙ୍କ ପାଇଁ ଏବେ ଧିରେ ଧିରେ ଅସୁରକ୍ଷିତ ହୋଇପଡିଛି ଚାରିଧାମ ଯାତ୍ରା । ଅଧିକ ଉଚ୍ଚତା ସହ ହୃଦଘାତରେ ଅନେକ ତୀର୍ଥଯାତ୍ରୀଙ୍କ ଜୀବନ ଯାଉଛି । ବୁଧବାର ଦିନ କେଦାରନାଥରେ 4 ଜଣ ତୀର୍ଥଯାତ୍ରୀଙ୍କ ମୃତ୍ୟୁ ଘଟିଛି ଏବଂ 3 ଜଣ ଅସୁସ୍ଥ ହୋଇପଡିଛନ୍ତି । ଅସୁସ୍ଥ ତୀର୍ଥଯାତ୍ରୀଙ୍କୁ ଏୟାର ଆମ୍ବୁଲାନ୍ସ ଯୋଗେ ଋଶିକେଶ ଏମସ ହସ୍ପିଟାଲରେ ଭର୍ତ୍ତି କରାଯାଇଛି । ବର୍ତ୍ତମାନ ତାଙ୍କର ଚିକିତ୍ସା ଚାଲିଛି । ଏନେଇ ରୁଦ୍ର ପ୍ରୟାଗର ମୁଖ୍ୟ ଚିକିତ୍ସା ଅଧିକାରୀ ବିକେ ଶୁକ୍ଲା ସୂଚନା ଦେଇଛନ୍ତି ।
ମେ 6 ତାରିଖରୁ ସାଧାରଣ ଭକ୍ତଙ୍କ ପାଇଁ ପ୍ରସିଦ୍ଧ କେଦାରନାଥ ଧାମ ଖୋଲାଯାଇଥିଲା । ତେବେ ଯାତ୍ରା ଆରମ୍ଭ ହେବା ଦିନଠାରୁ ଆଜି ପର୍ଯ୍ୟନ୍ତ ହୃଦଘାତ ଜନିତ ଓ ଅନ୍ୟାନ୍ୟ ରୋଗ ଯୋଗୁଁ 38 ଜଣ ତୀର୍ଥଯାତ୍ରୀ ପ୍ରାଣ ହରାଇସାରିଲେଣି ।
ମହାମାରୀର ଦୁଇ ବର୍ଷ ପରେ ଚଳିତ ବର୍ଷ ସମ୍ପୂର୍ଣ୍ଣ ଭାବେ ଆରମ୍ଭ ହୋଇଥିବା ଏହି ତୀର୍ଥଯାତ୍ରାରେ ତୀର୍ଥଯାତ୍ରୀଙ୍କ ରେକର୍ଡ ସଂଖ୍ୟକ ଭିଡ଼ ଦେଖିବାକୁ ମିଳିଛି। ସଦ୍ୟତମ ଆକଳନ ଅନୁଯାୟୀ, ପ୍ରଥମ 20 ଦିନରେ ପ୍ରାୟ 9 ଲକ୍ଷ ଲୋକ ଚାର ଧାମ ଯାତ୍ରା କରିଥିଲେ । ସେମାନଙ୍କ ଭିତରୁ ମୋଟ 70 ଜଣ ତୀର୍ଥଯାତ୍ରୀଙ୍କ ଜୀବନ ଗଲାଣି । ସର୍ବାଧିକ ମୃତ୍ୟୁ କେଦାରନାଥରେ ହୋଇଛି ।
Click it and Unblock the Notifications
Sign in with Google