ଅଖିଳେଶଙ୍କ ରାଲିରେ ହେଲା ଦଳାଚକଟା, ପୋଲିସ କରିଲା ଲାଠିଚାର୍ଜ
ଆଜମଗଡ଼: ସମାଜବାଦି ପାର୍ଟିର ମୁଖିଆ ଜାତୀୟ ସଭାପତି ତଥା ପୂର୍ବତନ ୟୁପି ସିଏମ୍ ଅଖିଳେଶ ଯାଦବଙ୍କ ଏକ ରାଲିରେ ପୁଣି ଥରେ ହୋଇଛି ବିଶୃଙ୍ଖଳା । ଏକ ସାଧାରଣ ସଭା କରିବା ପାଇଁ ଅଖିଳେଶ ଯାଦବ ଆଜମଗଡରେ ପହଞ୍ଚିଥିଲେ । ଆଉ ଏଠାରେ ଅଖିଳେଶ ଏକ ରାଲିକୁ କରିଥିଲେ ସମ୍ବୋଧିତ । କିନ୍ତୁ ଏଠାରେ ଉପସ୍ତିତ ଥିବା ଅତ୍ୟଧିକ ଉତ୍ସାହିତ କର୍ମୀମାନେ ପୁଣି ଥରେ ବ୍ୟାରିକେଡ୍ ଭାଙ୍ଗିଛନ୍ତି ।
ଏହା ପରେ ପରିସ୍ଥିତିକୁ ନିୟନ୍ତ୍ରଣକୁ ଆଣିବା ପାଇଁ ପୁଲିସ୍କୁ ଲାଠିଚାର୍ଜ କରିବାକୁ ପଡିଥିଲା । ଏହାପୂର୍ବରୁ ପ୍ରୟାଗରାଜ ଏବଂ ସନ୍ଥ କବୀର ନଗରରେ ଅନୁଷ୍ଠିତ ରାଲିରେ ଏସପି କର୍ମୀମାନେ ନିୟନ୍ତ୍ରଣ ବାହାରକୁ ଯାଇଥିଲେ । ଯେଉଁଥିପାଇଁ ରାଲିକୁ ବାତିଲ କରିବାକୁ ପଡିଥିଲା । ଆଜମଗଡର ଲାଲଗଞ୍ଜ ବିଧାନସଭା ନିର୍ବାଚନମଣ୍ଡଳୀରେ ଏକ ରାଲିରେ ସମ୍ବୋଧିତ କରିବା ପାଇଁ ଏସପି ମୁଖ୍ୟ ଅଖିଳେଶ ଯାଦବ ମଙ୍ଗଳବାର ପହଞ୍ଚିଥିଲେ । ଏହି ସମୟରେ ଏସପି କର୍ମୀମାନେ ଅତ୍ୟଧିକ ଉତ୍ସାହିତ ହୋଇ ମଞ୍ଚ ଆଡକୁ ଯିବା ଆରମ୍ଭ କରିଥିଲେ । ଏଭଳି ପରିସ୍ଥିତିରେ ସେଠାରେ ନିୟୋଜିତ ପୋଲିସ କର୍ମଚାରୀଙ୍କୁ ଲାଠିଚାର୍ଜ କରିଥିଲା । ଏହା ପରେ କର୍ମୀମାନେ ପରସ୍ପର ଉପରେ ଚଢ଼ିବା ଆରମ୍ଭ କରିଥିଲେ ।
Click it and Unblock the Notifications
Sign in with Google