Lok Sabha Election Results 2024:ବଢିଲା ଗୁରୁତ୍ୱ, ଚନ୍ଦ୍ର ବାବୁ ନାଇଡୁଙ୍କ ପାର୍ଟି TDP ଡିମାଣ୍ତ କଲା ୬ଟି ବଡ଼ ମନ୍ତ୍ରଣାଳୟ

Updated: Thursday, June 6, 2024, 12:00 [IST]

TDP-JDU Ministry Demand: ଲୋକସଭା ନିର୍ବାଚନ ଫଳାଫଳ ପରେ ଏନଡିଏରେ ଚନ୍ଦ୍ରବାବୁ ନାଇଡୁଙ୍କ ଟିଡିପି ଏବଂ ନୀତୀଶ କୁମାରଙ୍କ ଜେଡିୟୁ ଗୁରୁତ୍ୱ ବୃଦ୍ଧି ପାଇଛି । ଯେଉଁଥି ପାଇଁ ବର୍ତ୍ତମାନ ଉଭୟ ଦଳ ପ୍ରମୁଖ ମନ୍ତ୍ରଣାଳୟ ଦାବି କରୁଛନ୍ତି। ଟିଡିପି ସୂତ୍ରରୁ ପ୍ରକାଶ ଯେ ଦଳ ଏନଡିଏ ଆଗରେ ୬ ଟି ବଡ ମନ୍ତ୍ରଣାଳୟର ଦାବି କରିଛି। ଲୋକସଭା ବାଚସ୍ପତି ପଦବୀ ମଧ୍ୟ ଟିଡିପି ଚାହୁଁଛି।

ବୁଧବାର ଦିଲ୍ଲୀରେ ଅନୁଷ୍ଠିତ ଏନଡିଏ ବୈଠକରେ ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁ ଯୋଗ ଦେଇଥିଲେ। ଏହି ବୈଠକରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପାଖରେ ବସିଥିବାର ଫଟୋ ଦେଖିବା ପାଇଁ ମିଳିଥିଲା । ସେହିପରି ନୀତୀଶ କୁମାର ମଧ୍ୟ ନାଇଡୁଙ୍କ ପାଖରେ ବସିଥିବାର ନଜର ଆସିଥିଲେ। ଟିଡିପି ବର୍ତ୍ତମାନ ଏନଡିଏର ଦ୍ୱିତୀୟ ବୃହତ୍ତମ ଦଳ ଅଟେ। ଏହା 16 ଟି ସିଟ୍ ଜିତିଛି । ଏହା ପରେ ଜେଡିୟୁ ତୃତୀୟ ସ୍ଥାନରେ ରହିଛି, ଯେଉଁଥିରେ 12 ଜଣ ସାଂସଦ ଅଛନ୍ତି। ସେହିପରି ଏନଡିଏର ସବୁଠୁ ବଡ ଦଳ ହେଉଛି ବିଜେପି, ଯାହା 240ଟି ସିଟ୍ ଜିତିଛି ।

ଦି ନ୍ୟୁ ଇଣ୍ଡିଆନ୍ ଏକ୍ସପ୍ରେସର ରିପୋର୍ଟ ଅନୁଯାୟୀ, ଦଳର ସର୍ବୋଚ୍ଚ ସୂତ୍ରରୁ ପ୍ରକାଶ ଯେ ମୋଦୀ 3.0 ସରକାରରେ ସେ ଟିଡିପି ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ଚାହୁଁଛନ୍ତି ବୋଲି ନାଇଡୁ ସ୍ପଷ୍ଟ କରିଛନ୍ତି। ବିଜେପି ନେତୃତ୍ୱକୁ ତାଙ୍କର ଦାବିଗୁଡିକର ଏକ ତାଲିକା ଦେଇଛନ୍ତି। ଏଥିରେ ଲୋକସଭା ବାଚସ୍ପତି ଏବଂ ଅତି କମରେ ପାଞ୍ଚଟି ବିଭାଗରେ ତାଙ୍କ ଦଳକୁ ସ୍ଥାନ ଦେବା ପାଇଁ ସେ ଦାବି ରଖିଛନ୍ତି, ଅର୍ଥ ମନ୍ତ୍ରଣାଳୟ, ଜଳ ଶକ୍ତି ମନ୍ତ୍ରଣାଳୟ ଭଳି ବିଭାଗକୁ ମଧ୍ୟ ଏହାର ଅଂଶ ଗ୍ରହଣ କରିବାକୁ ଟିଡିପି ଦାବି କରିଛି।

ବାସ୍ତବରେ ଟିଡିପି ବାଚସ୍ପତି ପଦ ଚାହୁଁଛନ୍ତି କାରଣ ଏହା ଲୋକସଭାରେ ସବୁଠାରୁ ଶକ୍ତିଶାଳୀ ପଦବୀରେ ରହିବ। ଜଣେ ଟିଡିପି ସାଂସଦ କହିଛନ୍ତି ଯେ ଦଳ ଗ୍ରାମୀଣ ବିକାଶ, ଗୃହ ଏବଂ ସହରୀ ବ୍ୟାପାର, ବନ୍ଦର ଏବଂ ପରିବହନ ଏବଂ ରାଜମାର୍ଗ ଜଳ ଶକ୍ତି ମନ୍ତ୍ରଣାଳୟ ନେଇ ଦାହି ରଖାଯାଇଛି । ଆନ୍ଧ୍ରପ୍ରଦେଶରେ ମଧ୍ୟ ଟିଡିପି ସଂଖ୍ୟାଗରିଷ୍ଠତା ହାସଲ କରିଛି।