ଆନ୍ଧ୍ରପ୍ରଦେଶ ସରକାରଙ୍କ ବଡ ନିଷ୍ପତ୍ତି, ୱାକଫ ବୋର୍ଡ ଭାଙ୍ଗିଲେ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ

ସାରା ଦେଶରେ ୱାକଫ ବିଲ୍ ଉପରେ ବିତର୍କ ମଧ୍ୟରେ ଆନ୍ଧ୍ରପ୍ରଦେଶ ସରକାର ଆଜି ରାଜ୍ୟ ୱାକଫ ବୋର୍ଡର ପୂର୍ବ ଗଠନକୁ ରଦ୍ଦ କରିବାକୁ ନିର୍ଦ୍ଦେଶ ଜାରି କରିଛନ୍ତି । କାରଣ କୋର୍ଟଙ୍କ ରହିତାଦେଶ ପରେ ବୋର୍ଡ ଦୀର୍ଘ ଦିନ ଧରି କାର୍ଯ୍ୟ କରୁନଥିଲା। ଜିଓ ୭୫ ଅଧୀନରେ ଜାରି କରାଯାଇଥିବା ଏହି ଆଦେଶରେ, ରାଜ୍ୟ ୱାକଫ ବୋର୍ଡ ଗଠନ ପାଇଁ ସମସ୍ତ ପୂର୍ବ ନିର୍ଦ୍ଦେଶକୁ ରଦ୍ଦ କରାଯାଇଛି।

ବାସ୍ତବରେ ନଭେମ୍ବର ୩୦ ତାରିଖରେ ଜାରି କରାଯାଇଥିବା ସରକାରୀ ଆଦେଶରେ କୁହାଯାଇଛି ଯେ, ବୋର୍ଡ ଅଧ୍ୟକ୍ଷ ନିର୍ବାଚନରେ ରହିତାଦେଶ ପରେ ଦୀର୍ଘ ଦିନ ଧରି କାର୍ଯ୍ୟ କରୁ ନ ଥିବାରୁ ଏହି ନିଷ୍ପତ୍ତି ନିଆଯାଇଛି। ୱାକଫ ବୋର୍ଡର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଏହି ପ୍ରସଙ୍ଗକୁ ସରକାରଙ୍କ ନଜରକୁ ଆଣିଛନ୍ତି ଏବଂ ମକଦ୍ଦମା ସମାଧାନ ତଥା ପ୍ରଶାସନିକ ଶୂନ୍ୟସ୍ଥାନ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି ବୋଲି ଏହି ନିର୍ଦ୍ଦେଶରେ କୁହାଯାଇଛି।

ସରକାର କାହିଁକି ଏହି ନିଷ୍ପତ୍ତି ନେଇଛନ୍ତି?:

ୱାକଫ ବୋର୍ଡର ସଦସ୍ୟ ନିର୍ବାଚନକୁ ନେଇ ବିବାଦ କୋର୍ଟରେ ପହଞ୍ଚିଥିଲା। କୋର୍ଟ ଦ୍ଵାରା ଜାରି ରହିତାଦେଶ ଯୋଗୁଁ ବୋର୍ଡର କାର୍ଯ୍ୟକଳାପ ସମ୍ପୂର୍ଣ୍ଣ ରୂପେ ଅଟକି ଯାଇଥିଲା। ୱାକଫ ବୋର୍ଡର ନିଷ୍କ୍ରିୟତା ଏବଂ ପ୍ରଶାସନିକ ଶୂନ୍ୟସ୍ଥାନକୁ ଶେଷ କରିବା ଉଦ୍ଦେଶ୍ୟରେ ସରକାରଙ୍କ ଏହି ନିଷ୍ପତ୍ତି ନିଆଯାଇଛି, ଯାହାଫଳରେ ୱାକଫ ସମ୍ପତ୍ତି ଏବଂ ସେମାନଙ୍କ ପ୍ରଶାସନର ସୁଧାର ହୋଇପାରିବ।