ହିମସ୍ଖଳନ: ୪୬ ଶ୍ରମିକ ଉଦ୍ଧାର,ଏବେ ବି ୫ ନିଖୋଜ

ଉତ୍ତରାଖଣ୍ଡର ବଦ୍ରିନାଥରେ ଶୁକ୍ରବାର ଘଟିଥିବା ହିମସ୍ଖଳନରେ ଫସିରହିଥିବା ଶ୍ରମିକମାନଙ୍କ ମଧ୍ୟରୁ ୪୬ ଜଣଙ୍କୁ ଉଦ୍ଧାର କରାଯାଇଛି। ୪ ଜଣ ଶ୍ରମିକଙ୍କ ମୃତ୍ୟୁ ଘଟିଛି ଓ ୫ ଜଣ ଏବେ ବି ନିଖୋଜ ଅଛନ୍ତି ଏବଂ ସେମାନଙ୍କୁ ଖୋଜିବା ପାଇଁ ଉଦ୍ଧାର କାର୍ଯ୍ୟ ଜାରି ରହିଛି। ଉଦ୍ଧାର ହୋଇଥିବା ୪୬ ଶ୍ରମିକଙ୍କ ମଧ୍ୟରୁ ୨୬ ଜଣ ଶ୍ରମିକ ଆର୍ମି ହସ୍ପିଟାଲରେ ଚିକିତ୍ସିତ ହେଉଛନ୍ତି ଓ ଆଉ ୨୦ ଜଣ ଆଇଟିବିପି କ୍ୟାମ୍ପରେ ସୁରକ୍ଷିତ ଅଛନ୍ତି ।

ହିମସ୍ଖଳନକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଗୌଚର ଏୟାରଷ୍ଟ୍ରିପ୍କୁ ଆଲର୍ଟ ମୋଡରେ ରଖାଯାଇଛି। ଉଦ୍ଧାର ଓ ରିଲିଫ କାର୍ଯ୍ୟ ପାଇଁ ପୁଲିସ, ସ୍ୱାସ୍ଥ୍ୟ ବିଭାଗ, ଅଗ୍ନିଶମ ବାହିନୀ ଓ ଅନ୍ୟାନ୍ୟ ଟିମ୍ ସେଠାରେ ନିୟୋଜିତ ହୋଇଛନ୍ତି। ଏସଡିଏମ ସନ୍ତୋଷ କୁମାର ପାଣ୍ଡେ ବ୍ୟକ୍ତିଗତ ଭାବେ ରିଲିଫ କାର୍ଯ୍ୟତଦାରଖ କରୁଛନ୍ତି ।