Click it and Unblock the Notifications
MUST READ
-
-
-
-
-
-
ଭାରତର ବାୟୋଟେକ୍ ଅନୁରୋଧକୁ ପ୍ରତ୍ୟାଖ୍ୟାନ କଲେ ସରକାର ; ପିଲାମାନଙ୍କ ଉପରେ ହେବନାହିଁ କୋଭାକ୍ସିନ୍ କ୍ଲିନିକାଲ୍ ପରୀକ୍ଷା
ନିକଟରେ ଭାରତ ବାୟୋଟେକ୍ ପିଲାମାନଙ୍କ ଉପରେ ଏହାର ଟୀକାକରଣର କ୍ଲିନିକାଲ୍ ପରୀକ୍ଷା ଆରମ୍ଭ କରିବାକୁ ଅନୁମତି ମାଗିଥିଲା, ଯାହାକୁ ଭାରତ ସରକାର ପ୍ରତ୍ୟାଖ୍ୟାନ କରିଥିଲେ ।
ନୂଆଦିଲ୍ଲୀ : ଭାରତ ବାୟୋଟେକର ସ୍ୱଦେଶୀ ଟୀକାକୁ ପିଲାମାନଙ୍କର ଉପରେ କ୍ଲିନିକାଲ ପରୀକ୍ଷା କରିବା ନେଇ ଜାତୀୟ ଡ୍ରଗ୍ କଣ୍ଟ୍ରୋଲର୍ ପ୍ରତ୍ୟାଖ୍ୟାନ କରିଛନ୍ତି । ନିକଟରେ ଭାରତ ବାୟୋଟେକ୍ ପିଲାମାନଙ୍କ ଉପରେ ଏହାର ଟୀକାକରଣର କ୍ଲିନିକାଲ୍ ପରୀକ୍ଷା ଆରମ୍ଭ କରିବାକୁ ଅନୁମତି ମାଗିଥିଲା, ଯାହାକୁ ଭାରତ ସରକାର ପ୍ରତ୍ୟାଖ୍ୟାନ କରିଥିଲେ । ଔଷଧ ନିୟନ୍ତ୍ରକ ବିଭାଗ ଭାରତ ବାୟୋଟେକକୁ କୋଭିଡ -19 ଟିକା ଉପରେ ଏହାର ପ୍ରଭାବଶାଳୀ ରିପୋର୍ଟ ଦାଖଲ କରିବାକୁ କହିଛି ।
ଉଲ୍ଲେଖନୀୟ କଥା ହେଉଛି, ଦେଶରେ ଦୁଇଟି ଟିକା କୋଭିଶିଲ୍ଡ ଏବଂ କୋଭାକ୍ସିନର ଜରୁରୀକାଳୀନ ବ୍ୟବହାର ଅନୁମୋଦନ ପରେ ଏକ ବଡ଼ ଧରଣର ଟୀକାକରଣ ଅଭିଯାନ ଚାଲିଛି । ବର୍ତ୍ତମାନ ପର୍ଯ୍ୟନ୍ତ ଏକ କୋଟିରୁ ଅଧିକ ଲୋକଙ୍କୁ ଟିୀକାକରଣ କରାଯାଇଛି । ଏହି ସମୟରେ, ଭାରତ ବାୟୋଟେକ ବର୍ତ୍ତମାନ 18 ବର୍ଷରୁ କମ୍ ବୟସର ପିଲାଙ୍କ ଉପରେ କ୍ଲିନିକାଲ୍ ପରୀକ୍ଷଁ କରିବା ନେଇ ସରକାରଙ୍କ ଅମୁମତି ମାଗିଛି । ତେବେ ଭାରତ ସରକାର ବର୍ତ୍ତମାନ ଏହି ଅନୁରୋଧ ଗ୍ରହଣ କରିବାକୁ ମନା କରି ଦେଇଛନ୍ତି ।
ହାଇଦ୍ରାବାଦ ସ୍ଥିତ ଭାରତ ବାୟୋଟେକ ଇଣ୍ଟରନ୍ୟାସନାଲ ଡ୍ରଗ୍ କଣ୍ଟ୍ରୋଲର୍ସ ବିଭାଗ ନିକଟରେ ବୁଧବାର ଦିନ ଏକ ଆବେଦନ ଦାଖଲ କରିଯାଇଥିଲା । ଯେଉଁଥିରେ 5-18 ବର୍ଷ ବୟସର ପିଲାମାନଙ୍କ ଉପରେକୋଭାକ୍ସିନର ତୃତୀୟ ପର୍ଯ୍ୟାୟ କ୍ଲିନିକାଲ୍ ପରୀକ୍ଷା ଆରମ୍ଭ କରିବାକୁ ଅନୁମତି ମାଗିଛି । ଭରତ ବାୟୋଟେକର ଏହି ଆବେଦନ ପଢିବା ପରେ କେନ୍ଦ୍ରୀୟ ଡ୍ରଗ୍ କଣ୍ଟ୍ରୋଲର ବିଶେଷଜ୍ଞ କମିଟି କମ୍ପାନୀକୁ ବୟସ୍କମାନଙ୍କୁ ଦିଆଯାଉଥିବା ଟୀକାକରଣର ତଥ୍ୟ ଏବଂ ପ୍ରଭାବର ରିପୋର୍ଟ ଦାଖଲ କରିବାକୁ କହିଥିଲେ । ଡ୍ରଗ୍ କଣ୍ଟ୍ରୋଲର ବିଭାଗ ପିଲାମାନଙ୍କ ଉପରେ କୋଭାକ୍ସିନର ପରୀକ୍ଷା ଆରମ୍ଭ କରିବାକୁ ଅନୁମତି ଦେବା ପୂର୍ବରୁ ବୟସ୍କଙ୍କ ଉପରେ କେତେ ପ୍ରଭାବଶାଳୀ ତାହା ଦେଖିବାକୁ ଚାହାଁନ୍ତି । ସୂଚନାଯୋଗ୍ୟ, ବର୍ତ୍ତମାନ ଦେଶରେ ସ୍ୱାସ୍ଥ୍ୟ କର୍ମୀ ଏବଂ ଫ୍ରଣ୍ଟ ଲାଇନ କର୍ମଚାରୀଙ୍କୁ କୋଭାକ୍ସିନ ଟିକା ଦିଆଯାଉଛି ।
