For Quick Alerts
Turn On Notification  
For Daily Alerts
Oneindia App Download

ପୋଲିଓ ଅଭିଯାନ ସ୍ଥଗିତ କଲେ କେନ୍ଦ୍ର ସରକାର, ବର୍ତ୍ତମାନ କରୋନା ଟୀକାକରଣ ଉପରେ ଦେବେ ଧ୍ୟାନ

ଆସନ୍ତା ଜାନୁଆରୀ 16 ରୁ ସାରା ଦେଶରେ ଟୀକାକରଣ ଅଭିଯାନ ଆରମ୍ଭ ହେବ ବୋଲି କେନ୍ଦ୍ର ସରକାର ଯୋଜନା କରିଛନ୍ତି । ଏହାକୁ ନେଇ ପଲ୍ସ ପୋଲିଓ ଅଭିଯାନ ଉପରେ କେନ୍ଦ୍ର ଏକ ବଡ ନିଷ୍ପତ୍ତି ନେଇଛି । କିଛିଦିନ ପର୍ଯ୍ୟନ୍ତ ସାମୟିକ ଭାବେ ଏହି ଅଭିଯାନକୁ ସ୍ଥଗିତ ରଖିଛନ୍ତି ।

|

ନୂଆଦିଲ୍ଲୀ : ସରକାରଙ୍କ କଠିନ ପରିଶ୍ରମ ପରେ 27 ମାର୍ଚ୍ଚ 2014 ରେ ଭାରତ ପୋଲିଓ ମୁକ୍ତ ହୋଇଥିଲା । ଦେଶରେ ପୋଲିଓ କାରଣରୁ ଯେପରି କୌଣସି ବ୍ୟକ୍ତିର ପ୍ରାଣହାନୀ ନହୁଏ ସେଥିପାଇଁ ଏହା ପରେ ମଧ୍ୟ ସତର୍କତାମୂଳକ ଟୀକାକରଣ କାର୍ଯ୍ୟକ୍ରମ ଜାରି ରହିଥିଲା । କିନ୍ତୁ ଗତ ବର୍ଷ ଭାରତରେ କରୋନା ମହାମାରୀ ବ୍ୟାପିଗଲା, ଯାହା ଫଳରେ ଏପର୍ଯ୍ୟନ୍ତ 1.5 ଲକ୍ଷରୁ ଅଧିକ ଲୋକଙ୍କ ପ୍ରାଣହାନୀ ହୋଇଛି । ନିକଟ ଅତୀତରେ ଭାରତର ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଦୁଇଟି କରୋନା ଭ୍ୟାକ୍ସିନର ଜରୁରୀକାଳୀନ ବ୍ୟବହାରକୁ ଅନୁମୋଦନ କରିଛନ୍ତି । ଆସନ୍ତା ଜାନୁଆରୀ 16 ରୁ ସାରା ଦେଶରେ ଟୀକାକରଣ ଅଭିଯାନ ଆରମ୍ଭ ହେବ ବୋଲି କେନ୍ଦ୍ର ସରକାର ଯୋଜନା କରିଛନ୍ତି । ଏହାକୁ ନେଇ ପଲ୍ସ ପୋଲିଓ ଅଭିଯାନ ଉପରେ କେନ୍ଦ୍ର ଏକ ବଡ ନିଷ୍ପତ୍ତି ନେଇଛି । କିଛିଦିନ ପର୍ଯ୍ୟନ୍ତ ସାମୟିକ ଭାବେ ଏହି ଅଭିଯାନକୁ ସ୍ଥଗିତ ରଖିଛନ୍ତି ।

ପୋଲିଓ

ପ୍ରତିକାତ୍ମକ ଫଟୋ

ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଅନୁଯାୟୀ, ଅପ୍ରତ୍ୟାଶିତ କାର୍ଯ୍ୟକଳାପ ହେତୁ ପୋଲିଓ ଏନଆଇଡି (National Immunisation Day) 17 ଜାନୁୟାରୀ 2021 ରୁ ବାତିଲ କରାଯାଇଛି । ଏହି ଟୀକାକରଣ ଅଭିଯାନ ଉପରେ ପ୍ରତିବନ୍ଧକ ପରବର୍ତ୍ତୀ ଆଦେଶ ପର୍ଯ୍ୟନ୍ତ ଜାରି ରହିବ । ପୋଲିଓ ଟୀକାକରଣ ଅଭିଯାନରେ ଜଡିତ ଥିବା ସ୍ୱାସ୍ଥ୍ୟ ବିଭାଗର ଟିମ୍ ବର୍ତ୍ତମାନ କରୋନା ଟୀକାକରଣ କାର୍ଯ୍ୟରେ ନିୟୋଜିତ ହେବେ ବୋଲି ଆଶା କରାଯାଉଛି । ପୋଲିଓ ଟୀକାକରଣରେ ନିୟୋଜିତ ଦଳର ମଧ୍ୟ ଏହି ଦିଗରେ କାର୍ଯ୍ୟ କରିବାର ଦୀର୍ଘ ଅଭିଜ୍ଞତା ରହିଛି । ତେଣୁ ଏହିପରି ନିଷ୍ପତ୍ତି ନିଆଯାଇଛି ବୋଲି କୁହାଯାଇଛି ।

ସୂଚନାଯୋଗ୍ୟ, ଜାନୁଆରୀ 8 ତାରିଖରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡ଼ ହର୍ଷ ବର୍ଦ୍ଧନ ଜାନୁଆରୀ 17 ତାରିଖରୁ ଦେଶବ୍ୟାପୀ ତିନିଦିନିଆ ପୋଲିଓ ଟୀକାକରଣ ଅଭିଯାନ ହେବା ନେଇ ସୂଚନା ଦେଇଥିଲେ । ଯଦିଓ 2009 ମସିହା ଠାରୁ ଭାରତରେ କୌଣସି ପୋଲିଓ ରୋଗୀ ଚିହ୍ନଟ ହୋଇନାହାନ୍ତି, ତଥାପି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ପକ୍ଷରୁ ଭାରତକୁ ପୋଲିଓ ମୁକ୍ତ ଘୋଷଣା କରାଯାଇନାହିଁ ।

କେତେ ମାରାତ୍ମକ ଏହି ପୋଲିଓ ?

ବାସ୍ତବରେ, ପୋଲିଓ ଏକ ସଂକ୍ରାମକ ରୋଗ, ଯାହା ପୋଲିଓମେଲାଇଟିସ୍ ମାଧ୍ୟମରେ ପିଲାମାନଙ୍କଠାରେ ବ୍ୟାପିଥାଏ । ଏହି ରୋଗରେ ପୀଡିତ ପିଲାମାନଙ୍କର ଗୋଟିଏ ଅଙ୍ଗ ସାରା ଜୀବନ ପାଇଁ ଦୁର୍ବଳ ତଥା ପକ୍ଷାଘାତ ମଧ୍ୟ ହୋଇଯାଇଥାଏ । ଏହି ରୋଗର କୌଣସି ଉପଶମ ନାହିଁ । କିନ୍ତୁ, ଯଦି ଶିଶୁକୁ ଏହି ପୋଲିଓ ଟିକା ଦିଆଯାଏ, ତେବେ ଏହି ଭାଇରସ୍ କୌଣସି କ୍ଷତି ପହଞ୍ଚାଇ ପାରେ ନାହିଁ । ଯେହେତୁ, ଛୋଟ ପିଲାମାନଙ୍କର ଶରୀର ରୋଗ ପ୍ରତିରୋଧକ ଶକ୍ତି ସୃଷ୍ଟି କରିବାରେ ସକ୍ଷମ ହୋଇନଥାଏ, ତେଣୁ ଏହି ଟିକା କେବଳ ପାଞ୍ଚ ବର୍ଷ ବୟସ ପର୍ଯ୍ୟନ୍ତ ପିଲାମାନଙ୍କୁ ଦିଆଯାଇଥାଏ । ପୋଲିଓ ମୁକ୍ତ ଭାରତ ପାଇଁ ସରକାର ଜାତୀୟ ସ୍ତରରେ ପୋଲିଓ ଟୀକାକରଣ ଅଭିଯାନ ଆରମ୍ଭ କରିଥିଲେ ।

ଆମକୁ ଫୋଲୋ କରନ୍ତୁ
Instagram Youtube
English summary
Due to Corona vaccination will kick off from 16th January, Central Govt postponed polio vaccination indefinitely.
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X