କେନ୍ଦ୍ର ସରକାରଙ୍କୁ ମିଳିଲା ବଡ଼ ସଫଳତା, ଅସ୍ତ୍ର ଛାଡ଼ିବାକୁ ରାଜି ହେଲେ ଉଗ୍ରବାଦି ULFA
ନୂଆ ଦିଲ୍ଲୀ:ଆସାମ ଏବଂ ଉତ୍ତର-ପୂର୍ବ ରାଜ୍ୟ କୁ ନେଇ କେନ୍ଦ୍ର ସରକାରଙ୍କୁ ଏକ ବଡ଼ ସଫଳତା ମିଳିଛି । ଶୁକ୍ରବାର (୨୯ ଡିସେମ୍ବର) ସରକାର ଏବଂ ଉଗ୍ରବାଦି ସଂଗଠନ ୟୁନାଇଟେଡ୍ ଲିବରେସନ୍ ଫ୍ରଣ୍ଟ ଅଫ୍ ଆସାମ (ULFA) ମଧ୍ୟରେ ଶାନ୍ତି ଚୁକ୍ତିନାମା ଡ୍ରାଫ୍ଟ ସ୍ୱାକ୍ଷରିତ ହୋଇଛି । ULFA ର ପ୍ରୋ-ଟକ୍ ଦଳ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଉପସ୍ଥିତିରେ କେନ୍ଦ୍ର ଏବଂ ଆସାମ ସରକାରଙ୍କ ସହ ଏକ ତ୍ରିପାକ୍ଷିକ ଶାନ୍ତି ଚୁକ୍ତିନାମା ସ୍ୱାକ୍ଷର କରିଛନ୍ତି ।
ଏହି ଉଗ୍ରବାଦୀ ଦଳ ଆଲୋଚନା ମାଧ୍ୟମରେ ସମସ୍ୟାର ସମାଧାନ ଉପରେ ଗୁରୁତ୍ୱ ଦେଇଥାଏ । ଚୁକ୍ତି ଅନୁସାରେ ଉଲଫା ବିଦ୍ରୋହୀନେ ଅସ୍ତ୍ରଛାଡ଼ି ମୁଖ୍ୟଧାରାରେ ସାମିଲ ହେବାକୁ ରାଜି ହୋଇଛନ୍ତି । ଏହି ଶାନ୍ତି ଚୁକ୍ତି ଦ୍ୱାରା ଆସାମରେ ଦଶନ୍ଧି ଧରି ଚାଲିଆସୁଥିବା ହିଂସାର ଅନ୍ତ ଘଟିବ ବୋଲି ଆଶା କରାଯାଉଛି । ଏହି ଅବସରରେ ଗୃହମନ୍ତ୍ରୀ ଅମିତ ଶାହା କହିଛନ୍ତି ଯେ ଆସାମର ଭବିଷ୍ୟତ ପାଇଁ ଆଜି ଏକ ସୁବର୍ଣ୍ଣ ଦିନ ବୋଲି ମୋ ପାଇଁ ବହୁତ ଖୁସିର ବିଷୟ ।
ଆସାମ ଦୀର୍ଘ ସମୟ ଧରି ହିଂସାର ସମ୍ମୁଖୀନ ହୋଇଛି, ସମଗ୍ର ଉତ୍ତର-ପୂର୍ବ ହିଂସାର ସମ୍ମୁଖୀନ ହୋଇଛି, ମୋଦି ପ୍ରଧାନମନ୍ତ୍ରୀ ହେବା ପରଠାରୁ (୨୦୧୪ପରଠାରୁ) ଦିଲ୍ଲୀ ଏବଂ ଉତ୍ତର-ପୂର୍ବ ମଧ୍ୟରେ ଦୂରତା ହ୍ରାସ କରିବାକୁ ଚେଷ୍ଟା କରାଯାଇଛି । ସମସ୍ତଙ୍କ ସହିତ ଖୋଲା ମନରେ କଥାବାର୍ତ୍ତା ଆରମ୍ଭ ହୋଇଥିଲା ଏବଂ ତାଙ୍କ (ପିଏମ ମୋଦିଙ୍କ) ନିର୍ଦ୍ଦେଶନାରେ ଗୃହ ମନ୍ତ୍ରଣାଳୟ ବିଦ୍ରୋହ ମୁକ୍ତ, ହିଂସା ମୁକ୍ତ ଏବଂ ଦ୍ୱନ୍ଦ୍ୱମୁକ୍ତ ଉତ୍ତର-ପୂର୍ବର ଦୃଷ୍ଟିକୁ ଜାରି ରଖିଥିଲା ।
Click it and Unblock the Notifications
Sign in with Google