ଜାମ୍ମୁ କାଶ୍ମୀରର ବିକାଶ ଏବଂ ସୁରକ୍ଷା ବ୍ୟବସ୍ଥାକୁ ଅଧିକ ଦୃଢ଼ କରିବା ପାଇଁ କେନ୍ଦ୍ର ପ୍ରତିଶ୍ରୁତିବଦ୍ଧ: ପିଏମ ମୋଦି

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହରିଆଣା ବିଧାନସଭା ନିର୍ବାଚନରେ ବିଜେପିକୁ ବହୁମତ ମିଳିଥିବାରୁ କୃତଜ୍ଞତା ଜଣାଇଛନ୍ତି । ଜାମ୍ମୁ କାଶ୍ମୀର ବିଧାନସଭା ନିର୍ବାଚନ ସ୍ୱତନ୍ତ୍ର ଥିଲା ବୋଲି ସେ କହିଛନ୍ତି । ହରିଆଣା ବିକାଶ ଏବଂ ସ୍ୱଚ୍ଛ ପ୍ରଶାସନକୁ ସ୍ୱୀକୃତି ମିଳିଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।

ସମ୍ବିଧାନର ଧାରା ୩୭୦ ଏବଂ ୩୫- କି ଉଚ୍ଛେଦ ପରେ ପ୍ରଥମଥର ପାଇଁ ଜାମ୍ମୁ କାଶ୍ମୀରରେ ଅନୁଷ୍ଠିତ ଗଣତାନ୍ତ୍ରିକ ପ୍ରକ୍ରିୟାରେ ବହୁ ମତଦାତାଙ୍କ ଯୋଗଦାନକୁ ପ୍ରଧାନମନ୍ତ୍ରୀ ସ୍ୱାଗତ କରିବା ସହ ଏହା ଉପରେ ଜାମ୍ମୁ କାଶ୍ମୀରବାସୀଙ୍କ ବିଶ୍ୱାସ ପ୍ରତିଫଳିତ ହୋଇଛି ବୋଲି କହିଛନ୍ତି ପ୍ରଧାନମନ୍ତ୍ରୀ । ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ହରିଆଣା ବିଧାନସଭା ନିର୍ବାଚନ ଫଳାଫଳ ନେଇ ରାଜ୍ୟବାସୀଙ୍କୁ କୃତଜ୍ଞତା ଜଣାଇଛନ୍ତି ।

ଜାମ୍ମୁ କାଶ୍ମୀରରେ ବିଜେପିର ମତଦାନ ହାର ବୃଦ୍ଧି ପାଇବା ନେଇ ଶାହା ସନ୍ତୋଷ ବ୍ୟକ୍ତ କରିଛନ୍ତି । ଜାମ୍ମୁ କାଶ୍ମୀର ବିଧାନସଭା ନିର୍ବାଚନ ଫଳାଫଳ ଉପରେ ପ୍ରତିକ୍ରିୟା ଦେଇ ଅମିତ ଶାହା କହିଛନ୍ତି, ମତଦାନ ହାର ବୃଦ୍ଧି ଏବଂ ବିଜେପିକୁ ବହୁ ଆସନରେ ବିଜୟୀ କରିଥିବାରୁ ଦଳ ପ୍ରତି ଜାମ୍ମୁ କାଶ୍ମୀରବାସୀଙ୍କର ଆଶୀର୍ବାଦ ରହିଛି । ଜାମ୍ମୁ କାଶ୍ମୀରରେ ବିକାଶ ଏବଂ ସୁରକ୍ଷା ବ୍ୟବସ୍ଥାକୁ ଅଧିକ ଦୃଢ଼ କରିବା ପାଇଁ କେନ୍ଦ୍ର ସରକାର ପ୍ରତିଶ୍ରୁତିବଦ୍ଧ ବୋଲି ସେ କହିଛନ୍ତି ।