ଅଯୋଧ୍ୟାରେ ହେଲା ରାମ ଲାଲାଙ୍କ ପ୍ରାଣ ପ୍ରତିଷ୍ଠା, ଶ୍ରୀଲଙ୍କାର ଏହି ସ୍ଥାନରେ ହେଲା ପୂଜାର୍ଚ୍ଚନା

Sri Lanka: ଆଜି ସୋମବାର ଦିନ ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟ ଶେଷ ହୋଇଯାଇଛି । ଆଜିର ଏହି ମାହାନ ଦିନ ଉତ୍ସାହ ସାରା ଭାରତରେ ତଥା ସମଗ୍ର ବିଶ୍ୱରେ ଦେଖିବା ପାଇଁ ମିଳିଛି ଏବଂ ସବୁଠି ପୂଜାର୍ଚ୍ଚନା କରାଯାଉଥିବା ଅନେକ ଫଟୋ ସୋସିଆଲ ମିଡିଆରେ ଦେଖିବା ପାଇଁ ମିଳୁଛି । ଭାରତର ପଡୋଶୀ ଦେଶ ଶ୍ରୀଲଙ୍କାରେ ମଧ୍ୟ ଲୋକମାନେ ଏହି ଦିନକୁ ଏକ ପର୍ବ ଭାବରେ ପାଳନ କରୁଛନ୍ତି।

ରାମଲାଲାଙ୍କ ପ୍ରାଣ ପ୍ରତିଷ୍ଠା ଦିନ ଶ୍ରୀଲଙ୍କାର ଅନେକ ମନ୍ଦିରରେ ପୂଜାପାଠ କରାଯାଉଛି । ଶ୍ରୀଲଙ୍କାର ରାମ୍ବୋଡା ଠାରେ ହନୁମାନ ମନ୍ଦିରରେ ପୂଜାର୍ଚ୍ଚନା କରାଯାଉଛି । ଶ୍ରୀଲଙ୍କାର ରାମ୍ବୋଡା ହନୁମାନ ମନ୍ଦିର ରାମ୍ବୋଡା ଜଳପ୍ରପାତ ନିକଟରେ ଅବସ୍ଥିତ । ଭଗବାନ ହନୁମାନଙ୍କ ପାଇଁ ଏହା ଏକ ପ୍ରସିଦ୍ଧ ହିନ୍ଦୁ ମନ୍ଦିର ।

Celebratory visuals from Sri Lanka's Seetha Eliya Temple as Ram Temple inauguration ceremony underway in Ayodhya. This place is believed to be the site where Sita was held captive by the Ravan. @WIONews pic.twitter.com/u1swK9oYQf

— Sidhant Sibal (@sidhant) January 22, 2024

ରାମାୟଣ ଅନୁଯାୟୀ, ଏହି ମନ୍ଦିର ସେହି ସ୍ଥାନ ଯେଉଁଠାରେ ଭଗବାନ ରାମଙ୍କ ପତ୍ନୀ ସୀତାଙ୍କୁ ଖୋଜିବା ସମୟରେ ଭଗବାନ ହନୁମାନ ବିଶ୍ରାମ ନେଇଥିଲେ। ଯେଉଁ ସମୟରେ ରାବଣ ତାଙ୍କୁ ବନ୍ଦୀ କରି ନେଇଥିଲେ। ଏହିପରି, ଏହି ପବିତ୍ର ସ୍ଥାନ ଭକ୍ତମାନଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ନେଇଛି ଏବଂ ଆଧ୍ୟାତ୍ମିକ ଚିନ୍ତାଧାର ଏବଂ ପୂଜାର୍ଚ୍ଚନା ପାଇଁ ଏକ ଶାନ୍ତ ପରିବେଶ ଦେଇଥାଏ ।

ଏହି ମନ୍ଦିର କମ୍ପ୍ଲେକ୍ସରେ ପ୍ରଭୁ ହନୁମାନଙ୍କ ଏକ ବିରାଟ ପ୍ରତିମୂର୍ତ୍ତି ରହିଛି, ଯାହାର ଉଚ୍ଚତା ପ୍ରାୟ 15 ଫୁଟ । ଭକ୍ତମାନେ ଏହି ପବିତ୍ର ସ୍ଥାନକୁ ପ୍ରଭୁ ହନୁମାନଙ୍କୁ ସମ୍ମାନ ଜଣାଇବାକୁ ଏବଂ ତାଙ୍କ ଆଶୀର୍ବାଦ ପାଇବା ପାଇଁ ପହଞ୍ଚିଥାନ୍ତି । ଏଠାରେ ଶାନ୍ତ ବାତାବରଣ ସହ ଚମତ୍କାର ଦୃଶ୍ୟ ଦେଖିବା ପାଇଁ ମିଳିଥାଏ ଧ୍ୟାନ ଏହା ଏକ ଶାନ୍ତ ଏବଂ ସୁନ୍ଦର ସ୍ଥାନଟିଏ ।

ଶ୍ରୀଲଙ୍କାର ରାମ୍ବୋଡା ମନ୍ଦିର ବ୍ୟତୀତ ମା ସୀତାଙ୍କର ଏଲିୟା ମନ୍ଦିରରେ ମଧ୍ୟ ପୂଜାପାଠ କରାଯାଉଛି। ରାବଣ ଅପହରଣ ପରେ ସୀତାଙ୍କୁ ସେହି ସମାନ ସ୍ଥାନରେ ରଖାଯାଇଥିଲା ବୋଲି ବିଶ୍ୱାସ କରାଯାଏ। ଆଜି ଏହି ସ୍ଥାନରେ ମନ୍ଦିରରେ ରାମ ଭଜନ ଗାନ କରାଯାଉଛି।

English summary

Celebratory visuals from Sri Lanka's Seetha Eliya Temple as Ram Temple inauguration ceremony underway in Ayodhya.