CBSE ର ବଡ଼ ପଦକ୍ଷେପ,ପ୍ରଥମ ମିଳିବ ଉତ୍ତର ଖାତା,ତା’ପରେ କରିପାରିବେ ପୁନଃ ମୂଲ୍ୟାଙ୍କନ

କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ବା CBSEଦ୍ୱାରା ଦଶମ ଏବଂ ଦ୍ୱାଦଶ ଶ୍ରେଣୀର ଫଳାଫଳ ଖୁବ ଶୀଘ୍ର ଘୋଷଣା କରାଯିବ। ଲକ୍ଷ ଲକ୍ଷ ଛାତ୍ରୀଛାତ୍ର ଫଳାଫଳ ପାଇଁ ଅପେକ୍ଷା କରିଛନ୍ତି। ଏହି ଛାତ୍ରମାନଙ୍କ ଅପେକ୍ଷାର ଅନ୍ତ ଯେକୌଣସି ସମୟରେ ହୋଇପାରେ। କିନ୍ତୁ ଫଳାଫଳ ପ୍ରକାଶନ ତାରିଖ ପୂର୍ବରୁ ବୋର୍ଡ ଏକ ବଡ଼ ନିଷ୍ପତ୍ତି ନେଇଛି ବୋଲି କୁହାଯାଉଛି। ସିବିଏସଇ ୧୦ମ ଏବଂ ୧୨ଶ ବୋର୍ଡ ପରୀକ୍ଷା ପରେ ହେବାକୁ ଥିବା ପୁନଃମୂଲ୍ୟାଙ୍କନ ପ୍ରକ୍ରିୟାରେ ବଡ଼ ପରିବର୍ତ୍ତନ କରିଛି । ଏହି ପରିବର୍ତ୍ତନ ଛାତ୍ରଛାତ୍ରୀଙ୍କ ଅଧିକ ପାରଦର୍ଶିତା ଏବଂ ଆତ୍ମନିର୍ଭରତା କରିବା ପାଇଁ ମୂଳ ଲକ୍ଷ୍ୟ । ଏବେ ପିଲାମାନେ ପରୀକ୍ଷାର୍ଥୀ ନିଜର ଉତ୍ତର ପୁସ୍ତିକାର ଫଟୋକପି ଦେଖିପାରିବେ, ଏହାପରେ ପୁନଃ-ମୂଲ୍ୟାଙ୍କନ ପାଇଁ ଆବେଦନ କରିପାରିବେ ।

ନୂଆ ପ୍ରଣାଳୀ ପାଇଁ ଛାତ୍ରଛାତ୍ରୀ ପ୍ରଥମେ ସିବିଏସଇ ଠାରୁ ନିଜର ଉତ୍ତର ପୁସ୍ତିକାର ଫଟୋକପି ଆଣିବାକୁ ହେବ । ଏହାପରେ କେଉଁ ଉତ୍ତରରେ କେତେ ମାର୍କ ମିଳିଛି, ଆଉ କେଉଁ ପ୍ରଶ୍ନରେ କେତେ କଟିଛି, ତାହା ଦେଖିବା ପରେ ପୁଣି ପୁନଃ ମୂଲ୍ୟାଙ୍କନ ପାଇଁ ଆବେଦନ କରିପାରିବେ ।

କେମିତି କରିବେ ଆବେଦନ :

ଉତ୍ତର ପତ୍ରର ଏକ ଫଟୋକପି ନିଅନ୍ତୁ।
ମାର୍କ ଯାଞ୍ଚ କରନ୍ତୁ (ଯଦି ମାର୍କ ଯୋଡିବା କିମ୍ବା କାଉଣ୍ଟ କରିବାରେ କୌଣସି ଭୁଲ ଥାଏ)।
ପୁନଃମୂଲ୍ୟାୟନ ପାଇଁ ଆବେଦନ କରନ୍ତୁ (ଯଦି ଉତ୍ତରର ମୂଲ୍ୟାଙ୍କନ ସମ୍ପର୍କରେ ସନ୍ଦେହ ଅଛି)।
ପୂର୍ବରୁ, ଛାତ୍ରୀଛାତ୍ରମାନଙ୍କୁ ପ୍ରଥମେ ମାର୍କ ଯାଞ୍ଚ ପାଇଁ ଆବେଦନ କରିବାକୁ ପଡୁଥିଲା। ଏହା ପରେ ସେମାନେ ଫଟୋକପି ପାଇପାରିବେ ଏବଂ ତା'ପରେ ଅନ୍ତିମ ପର୍ଯ୍ୟାୟରେ ପୁନଃମୂଲ୍ୟାୟନ ପ୍ରକ୍ରିୟା ଆରମ୍ଭ ହେବ। କିନ୍ତୁ ଏବେ ଏଥିରେ ପରିବର୍ତ୍ତନ କରାଯାଇଛି ଯାହା ଦ୍ୱାରା ଛାତ୍ରମାନେ ପୂର୍ବରୁ ବୁଝିପାରିବେ ଯେ ସେମାନେ କାହିଁକି ଏବଂ କିପରି ମାର୍କ ପାଇଛନ୍ତି।