ଇଡି ଅଧିକାରୀଙ୍କୁ ଗିରଫ କଲା ସିବିଆଇ: ୫ କୋଟି ଲାଞ୍ଚ ନେଇଥିବା ଅଭିଯୋଗ
ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ମାମଲାରେ ସିବିଆଇ ଜଣେ ଇଡି ଅଧିକାରୀଙ୍କୁ ଗିରଫ କରିଛି । ଅଭିଯୋଗ ହୋଇଛି ଯେ ପୱନ କ୍ଷତ୍ରୀ ନାମକ ଜଣେ ଇଡି ଅଧିକାରୀ ୫କୋଟି ଟଙ୍କା ଲାଞ୍ଚ ନେଇଥିଲେ । ସେ ଇଡି ଆସିଷ୍ଟାଣ୍ଟ ଡାଇରେକ୍ଟର ଭାବେ କାର୍ଯ୍ୟ କରୁଥିଲେ ।
ସୂଚନା ଅନୁସାରେ, ସିବିଆଇ ଇଡି ଅଧିକାରୀ ପୱନ କ୍ଷତ୍ରୀ ଏବଂ ଡିଭିଜନାଲ କ୍ଲର୍କ ନୀତେଶ କୋହରଙ୍କ ବିରୋଧରେ ସିବିଆଇ ଏକ ଏଫଆଇଆର ପଞ୍ଜିକରଣ କରିଥିଲା । ଏହି ମାମଲାରେ ଏୟାର ଇଣ୍ଡିଆର କର୍ମଚାରୀ ଦୀପକ ସାଙ୍ଗୱାନ, ବ୍ୟବସାୟୀ ଅମନଦୀପ ସିଂ ଧଲେ, ବୀରେନ୍ଦର ପାଲ ସିଂ, ସିଏ ପ୍ରବୀଣ କୁମାର , କ୍ଲାରିଜ୍ ହୋଟେଲ ସିଇଓ ବିକ୍ରମଦିତ୍ୟଙ୍କ ସମେତ ଅନ୍ୟ କେତେକ ଅଧିକାରୀଙ୍କ ନାମ ଅନ୍ତର୍ଭୁକ୍ତ ।
ଅଭିଯୋଗ ଅନୁଯାୟୀ, ମଦ ଦୁର୍ନିତୀ ମାମଲାରେ ଚାଲିଥିବା ତଦନ୍ତ ବେଳେ ଅଭିଯୁକ୍ତଙ୍କୁ ସହାୟତା କରିବା ପାଇଁ ପାଞ୍ଚ କୋଟି ଟଙ୍କା ଲାଞ୍ଚ ଦିଆଯାଇଥିଲା। ବ୍ୟବସାୟୀ ଅମନଦୀପ ସିଂ ଧଲେଙ୍କ ଗିରଫଦାରୀକୁ ଏଡ଼ାଇବାରେ ସାହାଯ୍ୟ କରାଯିବ ବୋଲି ନିଶ୍ଚିତ କରାଯାଇଥିଲା । ଏହା ପରେ ଦୀପକ ସାଙ୍ଗୱାନ ଡିସେମ୍ବର 2022ରେ ଇଡି ଅଧିକାରୀ ପୱନ କ୍ଷତ୍ରୀଙ୍କୁ ଭେଟିଥିଲେ ।
ସୂଚନା ଅନୁସାରେ, ବିଭିନ୍ନ କିସ୍ତିରେ ଲାଞ୍ଚ ଦିଆଯାଇଥିଲା । ଅମାନଦୀପ ସିଂ ଧଲେଙ୍କୁ କୁହାଯାଇଥିଲା ଯେ, ଯଦି ସେ ଆଉ ଦୁଇ କୋଟି ଟଙ୍କା ଦିଅନ୍ତି ତେବେ ତାଙ୍କୁ ଅଭିଯୁକ୍ତ ତାଲିକାରୁ ହଟାଇ ଦିଆଯିବ। ଲାଞ୍ଚ ରାଶି ନଗଦ ଆକାରରେ ପ୍ରଦାନ କରାଯାଇଥିଲା। ହେଲେ ଲଞ୍ଚ ଦେବା ସତ୍ୱେ ଅମନଦିପଙ୍କୁ 1 ମାର୍ଚ୍ଚ 2023 ରେ ଇଡି ଗିରଫ କରିଥିଲା।
ଅମନଦିପଙ୍କୁ ଗିରଫ କରାଯିବା ପରେ ଦୀପକ ସାଙ୍ଗୱାନ୍ ଇଡି ଅଧିକାରୀଙ୍କୁ ଟଙ୍କା ଫେରାଇବା ପାଇଁ କହିଥିଲେ । ଟଙ୍କା ଫେରସ୍ତ ପାଇଁ ପରିବାର ସଦସ୍ୟଙ୍କ ସହ ପୱନ କ୍ଷତ୍ରୀ ଏବଂ ନୀତେଶଙ୍କକ ଏକ ବୈଠକ ମଧ୍ୟ ହୋଇଥିଲା । ଏହି ମାମଲା ସାମ୍ନାକୁ ଆସିବା ପରେ ଇଡି ଏହାର ତଦନ୍ତ ଆରମ୍ଭ କରି ଖୋଜାଖୋଜି କରିଥିଲା ଏବଂ ଇଡି 2.19 କୋଟି ଟଙ୍କା, ଅଳଙ୍କାର 1.94 କୋଟି ଟଙ୍କା ଜବତ କରିଥିଲା । ବ୍ୟାଙ୍କ ଆକାଉଣ୍ଟରେ 2.62 କୋଟି ଟଙ୍କା ମିଳିଥିବା ନେଇ ସୂଚନା ରହିଛି ।
Click it and Unblock the Notifications
Sign in with Google