ମୁଖ୍ୟମନ୍ତ୍ରୀଙ୍କ ଆବାସ ଦୁର୍ବ୍ୟବହାର ମାମଲାରେ ପୋଲିସକୁ ବୟାନ ଦେଲେ ଶ୍ୱାତୀ ମାଲିୱାଲ

Published: Thursday, May 16, 2024, 22:29 [IST]

ନୂଆଦିଲ୍ଲୀ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପିଏଙ୍କ ଅସଦାଚରଣ ନେଇ ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ସ୍ୱାତୀ ମାଲିୱାଲ ଦିଲ୍ଲୀ ପୁଲିସ ନିକଟରେ ଅଭିଯୋଗ କରିଛନ୍ତି । ଦୀର୍ଘ ସମୟର ଅପେକ୍ଷା କରିବା ପରେ ରାଜ୍ୟ ସଭା ଏମପି ଶ୍ୱାତି ମାଲିୱାଲ ଶେଷରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଘର ନିକଟରେ ତାଙ୍କ ଉପରେ ହୋଇଥିବା ଆକ୍ରମଣ ମାମଲାରେ ଗୁରୁବାର ତାଙ୍କ ଲିଖିତ ଅଭିଯୋଗ ଦେଇଛନ୍ତି ।

ମେ ୧୩ ରେ ମୁଖ୍ୟମନ୍ତ୍ରୀଙ୍କ ଘର ଲବିରେ ତାଙ୍କ ପିଏ ବୈଭବଙ୍କ ଦ୍ୱାରା ହୋଇଥିବା ଆକ୍ରମଣ ସମ୍ପର୍କରେ ସେ ସମ୍ପୂର୍ଣ୍ଣ ସୂଚନା ଦେଇଛନ୍ତି । ଦିଲ୍ଲୀ ପୋଲିସର ସ୍ପେଶାଲ ସେଲର ଟିମ ଗୁରୁବାର ଦିନ ପ୍ରାୟ ୧ଟା ୫୦ ସମୟରେ ଶ୍ୱାତି ମାଲିୱାଲଙ୍କ ଘରେ ପହଞ୍ଚିଥିଲେ । ସ୍ପେଶାଲ ସେଲ ଟିମ ତାଙ୍କ ସୁରକ୍ଷା ବ୍ୟବସ୍ଥା ସମେତ ଅନେକ ପ୍ରସଙ୍ଗରେ ତାଙ୍କ ସହ କଥା ହୋଇଥିଲେ ।

ଦିଲ୍ଲୀ ପୋଲିସ ସୁଚନା ମୁତାବକ ସ୍ୱାତୀ ମାଲିୱାଲ ୧୩ ମେ ସୋମବାର ପୁରା ଘଟଣାକ୍ରମ ପୋଲିସକୁ କହିଥିଲେ । ସୂଚନା ମୁତାବକ ସ୍ୱାତି ମାଲିୱାଲ ସ୍ପେଶାଲ ସେଲର ଆଡିଶନାଲ ସିପି ପ୍ରମୋଦ କୁଶୱାହ ଓ ଆଡିଶନାଲ ଡିସିପି ନର୍ଥ ଅଞ୍ଜିତାଙ୍କ ଆଗରେ ତାଙ୍କ ବୟାନ ରେକର୍ଡ କରାଇଛନ୍ତି । ଏଥିରେ କେଉଁ ପରିସ୍ଥିତିରେ ସେ ପିସିଆର କଲ କରିଥିଲେ ସେ ସମ୍ପର୍କରେ ମଧ୍ୟ ପୋଲିସକୁ କହିଛନ୍ତି । ଏବେ ପୋଲିସ ଶ୍ୱାତୀଙ୍କ ବୟାନ ଆଧାରରେ ଆଇନଗତ କାର୍ଯ୍ୟାନୁଷ୍ଠାନ ଆରମ୍ଭ କରିଛି ।

ଘଟଣା ମେ ୧୩ ତାରିଖର ଥିଲା । ପୋଲିସ ସୂତ୍ରରୁ ମିଳୁଥିବା ସୂଚନା ଅନୁସାରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଆବାସରୁ ଦିଲ୍ଲୀ ପୋଲିସ ପିସିଆରକୁ କଲ ଆସିଥିଲା । ଯିଏ କଲ କରିଥିଲେ ସେ ନିଜକୁ ଶ୍ୱାତୀ ମାଲିୱାଲ ବୋଲି କହୁଥିଲେ । ସେ ମୁଖ୍ୟମନ୍ତ୍ରୀଙ୍କ ଆବାସରେ ତାଙ୍କ ସହ ମାରପିଟର ଅଭିଯୋଗ କରୁଥିଲେ । ଏହି ଅଭିଯୋଗ ମୁଖ୍ୟମନ୍ତ୍ରୀଙ୍କ ପିଏ ବିଭବ କୁମାରଙ୍କ ବିରୋଧରେ ଥିଲା ।

ସୂଚନା ଅନୁଯାୟୀ, କେଜ୍ରିୱାଲଙ୍କ ବ୍ୟକ୍ତିଗତ ସହାୟକ ବୈଭବଙ୍କ ବିରୋଧରେ ଅଭିଯୋଗ କରିଛନ୍ତି ସ୍ୱାତୀ ମାଲିୱାଲ ଏବଂ ମୁଖ୍ୟମନ୍ତ୍ରୀଙ୍କ ବାସଭବନରେ କିପରି ସେ ତାଙ୍କ ସହ ଅସଦାଚରଣ କରିଥିଲେ ତାହା ପୂରା ଘଟଣାକୁ ଜଣାଇଛନ୍ତି । ଅଭିଯୋଗରେ ପୁଲିସ ବିଭବ କୁମାରଙ୍କ ନାମ ଉଲ୍ଲେଖ କରିଛି । ଲିଗାଲ ଟିମ୍ ସହ କଥା ହେବା ପରେ ଦିଲ୍ଲୀ ପୁଲିସ ଖୁବଶୀଘ୍ର ଏଫଆଇଆର ରୁଜୁ କରିବ ।

Published On May 16, 2024