ବଢ଼ିଲା ମୁଖ୍ୟମନ୍ତ୍ରୀ ଅତିଶୀଙ୍କ ଅଡୁଆ, ରୁଜୁ ହେଲା ଏଫ୍‌ଆଇଆର୍

ନୂଆଦିଲ୍ଲୀ: ବଢିଲା ଦିଲ୍ଲୀ ମୁଖ୍ୟମନ୍ତ୍ରୀ ଅତିଶୀଙ୍କ ଅଡ଼ୁଆ।ନାମାଙ୍କନ ପୂର୍ବରୁ ତାଙ୍କ ବିରୋଧରେ ରୁଜୁ ହେଲା ମାମଲା। ଆଚରଣ ବିଧି ଉଲ୍ଲଙ୍ଘନ କରିବା ଅଭିଯୋଗରେ ରିଟର୍ଣ୍ଣିଂ ଅଫିସର ତାଙ୍କ ବିରୋଧରେ ମାମଲା ରୁଜୁ କରିଛନ୍ତି। ବ୍ୟକ୍ତିଗତ କାର୍ଯ୍ୟାଳୟ ପାଇଁ ସେ ସରକାରୀ ଗାଡି ବ୍ୟବହାର କରୁଥିବା ଅଭିଯୋଗ ହୋଇଛି।

ଦାଖଲ ହୋଇଥିବା ଅଭିଯୋଗରେ କୁହାଯାଇଛି ଯେ ନିର୍ବାଚନ ଘୋଷଣା ପରେ, ଜାନୁଆରୀ ୭ ରେ, ରାତି ପ୍ରାୟ ସାଢ଼େ ୨ଟାରେ ପରେ ଘରୋଇ ନିର୍ବାଚନ କାର୍ଯ୍ୟାଳୟରେ ନିର୍ବାଚନ ସମ୍ବନ୍ଧୀୟ କାର୍ଯ୍ୟ ପାଇଁ PWDର ସରକାରୀ ଗାଡି ବ୍ୟବହାର କରାଯାଉଥିଲା। କଲକାଜୀ ବାସିନ୍ଦା କେ.ଏସ୍ ଦୁଗ୍ଗଲ୍ ମଧ୍ୟ ଗୋବିନ୍ଦପୁରୀ SHOରେ ଅଭିଯୋଗ କରିଥିଲେ। କାଲକାଜୀ ପୁଲିସ ଏନେଇ ଏକ ମାମଲା ରୁଜୁ କରିଛି। ଏହା ଆଚରଣ ବିଧି ଉଲ୍ଲଂଘନ ସହିତ ସିଧାସଳଖ ଜଡିତ ବୋଲି କୁହାଯାଉଛି କାରଣ ଥରେ ଆଚରଣ ବିଧି ଲାଗୁ ହେବା ପରେ କୌଣସି ପ୍ରାର୍ଥୀ ସରକାରୀ ଯାନକୁ ବ୍ୟକ୍ତିଗତ କାର୍ଯ୍ୟ ପାଇଁ ବ୍ୟବହାର କରିପାରିବେ ନାହିଁ।

ରାଜଧାନୀରେ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଲାଗୁ ହୋଇଥିବା ଆଦର୍ଶ ଆଚରଣ ସଂହିତା ଉଲ୍ଲଂଘନକାରୀଙ୍କ ବିରୁଦ୍ଧରେ ନିର୍ବାଚନ କମିଶନ କାର୍ଯ୍ୟାନୁଷ୍ଠାନ ନେଉଛନ୍ତି। ଆଚରଣ ବିଧି ଲାଗୁ ହେବା ପରଠାରୁ, ନିଗମ ଏପର୍ଯ୍ୟନ୍ତ ନିଶାଦ୍ରବ୍ୟ, ମଦ ଏବଂ ନଗଦ ସମେତ ୨୧କୋଟି ଟଙ୍କାର ସାମଗ୍ରୀ ଜବତ କରିଛି। ଏଥିରେ ୯ କୋଟି ଟଙ୍କା ମୂଲ୍ୟର ନଗଦ ଏବଂ ୫ କୋଟି ଟଙ୍କାରୁ ଅଧିକ ମୂଲ୍ୟର ଔଷଧ ଅନ୍ତର୍ଭୁକ୍ତ।

ଏହି ହାଇ ପ୍ରୋଫାଇଲ୍ ଆସନ କାଲକାଜୀରୁ ବିଧାୟକ ଆତିଶୀଙ୍କୁ ପୁଣି ଟିକେଟ ଦିଆଯାଇଛି। ତେବେ ତାଙ୍କ ବିରୋଧରେ ବିଜେପି କଲକାଜୀରୁ ପୂର୍ବତନ ସାଂସଦ ରମେଶ ବିଧୁରୀଙ୍କୁ ମୈଦାନରେ ଓହ୍ଲାଇଛି।