ଯମୁନା ଏକ୍ସପ୍ରେସୱେରେ ଭୟଙ୍କର ଦୁର୍ଘଟଣା , ଜୀବନ୍ତ ଜଳିଗଲେ ୫ ଯାତ୍ରୀ
ମଥୁରା: ଯମୁନା ଏକ୍ସପ୍ରେସ-ୱେରେ ହୋଇଛି ଭୟଙ୍କର ଦୁର୍ଘଟଣା । ଆଜି ଭୋର ସମୟରେ ଏକ ଡବଲ ଡେକର ବସ୍ ନିୟନ୍ତ୍ରଣ ହରାଇ ଡିଭାଇଡରରେ ପିଟିହୋଇଥିଲା । ଠିକ୍ ସେହି ସମୟରେ ପଛପଟୁ ଆସୁଥିବା ଏକ ସ୍ୱିଫ୍ଟ କାର ନିଜର ନିୟନ୍ତ୍ରଣ ହରାଇ ବସ୍ ଭିତରେ ପଶିଯାଇଥିଲା । ଯାହା ଫଳରେ ଉଭୟ ବସ୍ ଓ କାରରେ ହଠାତ୍ ନିଆଲାଗି ଯାଇଇଥିଲା । କାରରେ ଯାଉଥିବା ୫ ଜଣ ଯାତ୍ରୀ ଦୁର୍ଘଟଣାର ସମ୍ମୁଖୀନ ହେବା ପରେ କାରଟି ଜଳିଯିବାରୁ ଜୀବନ୍ତ ଦଗ୍ଧ ହୋଇ ଯାଇଛନ୍ତି ।
ସୁଚନାନୁସାରେ ଏହି ବସ ବିହାରରୁ ଦିଲ୍ଲୀ ଯାଉଥିଲା । ଦୁର୍ଘଟଣାର ଗମ୍ଭୀରତା ସତ୍ତ୍ୱେ ବସରେ ଥିବା ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି । ତେବେ କାରରେଥିବା ଲୋକମାନେ ବାହାରକୁ ଯାଇପାରି ନ ଥିଲେ ଏବଂ ନିଆଁରେ ପୋଡି ହୋଇଯାଇଥିଲେ । ଯାହା ଫଳରେ ସେମାନଙ୍କର ମୃତ୍ୟୁ ଘଟିଥିଲା । ବସ ସହ ଧକ୍କା ହୋଇ କାର ଅଗ୍ନି ପିଣ୍ଡୁଳା ପାଲଟି ଯାଇଥିଲା ।
ଏହି ମର୍ମନ୍ତୁଦ ଦୁର୍ଘଟଣାର ଉତ୍ତରରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପୀଡିତ ଏବଂ ସେମାନଙ୍କ ପରିବାର ପ୍ରତି ସମବେଦନା ଜଣାଇଛନ୍ତି । ମୃତକଙ୍କ ସମ୍ପର୍କୀୟଙ୍କୁ ଉପଯୁକ୍ତ ସହାୟତା ଏବଂ ସହାୟତା ପ୍ରଦାନ କରିବାକୁ ସେ ମଥୁରାର ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।
Click it and Unblock the Notifications
Sign in with Google