ଆଜି ଦେଶରେ ୩ଟି ଲୋକସଭା ଓ ୩୦ ବିଧାନସଭା ଆସନରେ ଉପନିର୍ବାଚନ ଅନୁଷ୍ଠିତ ହେଉଛି
ନୂଆଦିଲ୍ଲୀ: ଦେଶର ବିଭିନ୍ନ ରାଜ୍ୟରେ ଖାଲି ପଡିଥିବା 30ଟି ବିଧାନ ସଭା ଏବଂ 3ଟି ଲୋକ ସଭା ଆସନ ପାଇଁ ଆଜି ଅନୁଷ୍ଠିତ ହେଉଛି ଉପନିର୍ବାଚନ। ଏଥି ମଧ୍ୟରେ ରହିଛି ମଧ୍ୟପ୍ରଦେଶର ଖଣ୍ଡଓ୍ୱା, ହିମାଚଳପ୍ରଦେଶର ମଣ୍ଡି ଲୋକସଭା ସିଟ ପାଇଁ ମତଦାନ ଚାଲିଛି । ସେହିପରି ଦାଦ୍ରା ନଗର ହାଓ୍ୱଲି ଲୋକସଭା ଆସନରେ ଉପନିର୍ବାଚନ ପାଇଁ ଭୋଟିଂ ଚାଲିଛି ।
ସେହିପିର ୧୩ ରାଜ୍ୟର ୩୦ଟି ବିଧାନସଭା ଆସନରେ ବି ଚାଲିଛି ଉପନିର୍ବାଚନ । ଏଥିରେ ଆସାମର ୫, ପଶ୍ଚିମବଙ୍ଗରେ ୪, ହିମାଚଳ ପ୍ରଦେଶ, ମଧ୍ୟପ୍ରଦେଶ, ରାଜସ୍ଥାନ ଓ ମେଘାଳୟର ୩ଟି ଲେଖାଏ ଆସନ ରହିଛି । ସେହିପରି ବିହାର ଓ କର୍ଣ୍ଣାଟକରେ ୨ଟି ଲେଖାଏ ବିଧାନସଭା ସିଟରେ ଉପନିର୍ବାଚନ ଚାଲିଛି ।
ଆନ୍ଧ୍ରପ୍ରଦେଶ, ହରିୟାଣା, ମହାରାଷ୍ଟ୍ର, ମିଜୋରାମ, ନାଗାଲାଣ୍ଡ ଓ ତେଲେଙ୍ଗାନା ଗୋଟିଏ ଲେଖାଏ ବିଧାନସଭା ଆସନ ପାଇଁ ମତଦାନ ହେଉଛି। କଡ଼ା ସୁରକ୍ଷା ଭିତରେ ଭୋଟ୍ ଗ୍ରହଣ ଚାଲିଛି । ବିଭିନ୍ନ ବୁଥରେ କୋଭିଡ୍ କଟକଣା ଓ ଗାଇଡଲାଇନ୍ ଅନୁସାରେ ଚାଲିଛି ମତଦାନ । ନଭେମ୍ବର ୨ ତାରିଖରେ ଏସବୁ ଆସନରେ ଭୋଟ ଗଣତି ହେବ। କୋବିଡ ପରିପ୍ରେକ୍ଷୀରେ ଭୋଟର ସାମାଜିକ ଦୂରତା ରକ୍ଷା କରିମତଦାନ ପାଇଁ ବ୍ୟବସ୍ଥା କରାଯାଇଛି।
Click it and Unblock the Notifications
Sign in with Google