ଖାଇକୁ ଖସିଲା ଯାତ୍ରୀବାହୀ ବସ: 5 ମୃତ, 25 ଗୁରୁତର

ଜମ୍ମୁ-କଶ୍ମୀରରେ ପୁଣି ବସ୍ ଦୁର୍ଘଟଣା । ରଜୌରୀରେ ଖାଇକୁ ବସ ଖସି 5 ଜଣଙ୍କର ମୃତ୍ୟୁ ଘଟିଥିବା ବେଳେ 25 ଜଣ ଗୁରୁତର ହୋଇଛନ୍ତି ।

Published: Thursday, September 15, 2022, 14:47 [IST]

ଶ୍ରୀନଗର: ଜମ୍ମୁ-କଶ୍ମୀରରେ ପୁଣି ବସ୍ ଦୁର୍ଘଟଣା । ରଜୌରୀରେ ଖାଇକୁ ବସ ଖସି 5 ଜଣଙ୍କର ମୃତ୍ୟୁ ଘଟିଥିବା ବେଳେ 25 ଜଣ ଗୁରୁତର ହୋଇଛନ୍ତି । ପୁଞ୍ଚରୁ ରଜୌରୀ ଅଭିମୁଖେ ଆସୁଥିବା ବେଳେ ବସଟି ଖାଇକୁ ଖସିପଡିଥିଲା । ଗୁରୁତରଙ୍କ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।

ସୁରକ୍ଷା ବାହିନୀ ଏବଂ ସ୍ଥାନୀୟ ବାସିନ୍ଦା ମାନେ ଉଦ୍ଧାର କାର୍ଯ୍ୟରେ ସାହାଯ୍ୟ କରିଥିବା ନେଇ ସୂଚନା ମିଳିଛି । ଗତକାଲି ପୁଞ୍ଚରେ ଖାଇକୁ ମିନି ବସ୍ ଖସି 11 ଜଣ ଯାତ୍ରୀଙ୍କର ପ୍ରାଣହାନୀ ହେବା ସହିତ 28 ଜଣ ଆହତ ହୋଇଥିଲେ । ତେବେ ଏହି ଦୁର୍ଘଟଣାକୁ 24 ଘଣ୍ଟା ନପୁରୁଣ ଆଉ ଏକ ବଡ ଦୁର୍ଘଟଣା ଘଟିଛି । ଏହାକୁ ନେଇ ସ୍ଥାନୀୟ ଅଞ୍ଚଳବାସୀ ଭୟ କରିବା ସହିତ ଦୁଃଖ ପ୍ରକାଶ କରିଛନ୍ତି ।

ଗତକାଲି ପୁଞ୍ଚ ଜିଲ୍ଲା ମଣ୍ଡି ଅଞ୍ଚଳରେ ଭାରସାମ୍ୟ ହରାଇ ଏକ ବସଟି ଖାଇକୁ ଖସି ପଡିଥିଲା । ଏହି ବସରେ ପ୍ରାୟ 24 ରୁ 30ଜଣ ଯାତ୍ରୀ ଥିବା ସୂଚନା ରହିଛି । ବସଟି ମଣ୍ଡିରୁ ସାଉଜିୟାନ ଅଭିମୁଖେ ଯିବାବେଳେ ଦୁର୍ଘଟଣାର ଶିକାର ହୋଇଥିଲା । ବେରରି ନାଲ୍ଲାହ ରାସ୍ତାରେ ଏହି ଦୁର୍ଘଟଣା ଘଟିଥିଲା ।

Published On September 15, 2022