ଉତ୍ତରାଖଣ୍ଡରେ ଖାଇକୁ ଖସିଲା ବସ୍, 32 ଯାତ୍ରୀଙ୍କ ଗଲା ଜୀବନ

ଉତ୍ତରାଖଣ୍ଡର ପୌରୀ ଜିଲ୍ଲାରେ ମର୍ମନ୍ତୁଦ ସଡ଼କ 32 ମୃତ, 20 ଆହତ । ମଙ୍ଗଳବାର ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି ।

Published: Wednesday, October 5, 2022, 10:44 [IST]

ଡେରାଡୁନ: ଉତ୍ତରାଖଣ୍ଡର ପୌରୀ ଜିଲ୍ଲାରେ ମର୍ମନ୍ତୁଦ ସଡ଼କ 32 ମୃତ, 20 ଆହତ । ମଙ୍ଗଳବାର ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି। ଏହି ଯାତ୍ରୀବାହୀ ବସ୍ ହରିଦ୍ୱାର ଜିଲ୍ଲାର ଲାଲଢାଙ୍ଗରୁ ପୌରୀର ବୀରୋଖାଲ ଗାଁକୁ ଯାଉଥିଲା । ବସ୍‌ରେ ପାଖାପାଖି 40-50 ଯାତ୍ରୀ ରହିଥିଲେ । ତେବେ ଏହି ବସଟି ବରଯାତ୍ରୀଙ୍କୁ ନେଇ ଯାଉଥିବା ସୂଚନା ମିଳିଛି । ବସଟି ସିଏମଡି ଗ୍ରାମ ନିକଟରେ ପହଞ୍ଚିବା ପରେ ହଠାତ୍ ନିୟନ୍ତ୍ରଣ ହରାଇ ଖାଇରେ ଖସିପଡିଥିଲା। ଖବର ପାଇ ଏସଡିଆରଏଫ ଏବଂ ଏନଡିଆରଏଫ ଦଳ ରହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ।

ସୂଚନା ପାଇବା ପରେ ପୌରୀ ଜିଲ୍ଲା ମାଜିଷ୍ଟ୍ରେଟ ବିଜୟ କୁମାର ଜଗଦଣ୍ଡେ, ଏସଡିଏମ ସ୍ମୃତି ପରମାର ଘଟଣାସ୍ଥଳରେ ପହଞ୍ଚିଥିଲେ । ଡିଜିପି ଅଶୋକ କୁମାର କହିଛନ୍ତି ଯେ, ବସ୍ ଖାଇରେ ଖସି ପଡିଛି । ଉଦ୍ଧାର କାର୍ଯ୍ୟ ଜାରି ରହିଛି 20 ଜଣ ଆହତଙ୍କୁ ଉଦ୍ଧାର କରାଯାଇ ଡାକ୍ତରଖାନା ପଠାଯାଇଛି । ମୃତ ଯାତ୍ରୀଙ୍କ ଭିତରେ କିଛି ଶିଶୁ ଥିବା ଜଣାପଡିଛି। ଉଦ୍ଧାର ପାଇଁ ଏସଡିଆରଏଫ କୋଟୱାର ଓ ପୌରୀର ଦଳ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି । ଏହା ବ୍ୟତୀତ ସ୍ଥାନୀୟ ପୋଲିସ ଷ୍ଟେସନକୁ ମଧ୍ୟ ସୂଚନା ଦିଆଯାଇଛି ।

ଏହା ଅତ୍ୟନ୍ତ ଦୁଃଖଦ ଘଟଣା ବୋଲି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି କହିଛନ୍ତି । ବସ୍‌ରେ ପ୍ରାୟ 45 ଜଣ ଲୋକ ଥିଲେ । ବସ୍ ଏକ ଗଭୀର ଖାଇରେ ଖସି ପଡିଯାଇଛି । ମୁଁ ସେଠାରେ ଥିବା ଅଧିକାରୀଙ୍କ ସହ କଥା ହୋଇଛି । ମୁଁ ନିଜେ ସମସ୍ତଙ୍କ ସହ କଥାବାର୍ତ୍ତା କରୁଛି ଯେ ଉଦ୍ଧାର କାର୍ଯ୍ୟ ଯଥାଶୀଘ୍ର ଆରମ୍ଭ ହେବା ଉଚିତ୍ ।

Published On October 5, 2022