ବଜେଟ୍‍ ଦେଶର ବିମାନ ଚଳାଚଳ କ୍ଷେତ୍ରକୁ ଆତ୍ମନିର୍ଭରଶୀଳ କରିବାରେ ସମର୍ଥନ କରିବ

ବେସାମରିକ ବିମାନ ଚଳାଚଳ ମନ୍ତ୍ରଣାଳୟ, କେନ୍ଦ୍ର ବଜେଟ୍‍ ୨୦୨୬- ୨୭କୁ ସ୍ୱାଗତ କରିଛି । ମନ୍ତ୍ରଣାଳୟ କହିଛି ଏହି ବଜେଟ୍‍ ଦେଶର ବିମାନ ଚଳାଚଳ କ୍ଷେତ୍ରକୁ ଆତ୍ମନିର୍ଭରଶୀଳ କରିବାରେ ସମର୍ଥନ କରିବ । ବିମାନ ଏବଂ ଭାରତୀୟ ଉପକରଣ ଉପରେ ମୌଳିକ ସୀମା ଶୁଳ୍କ ଛାଡ କରାଯିବାଦ୍ୱାରା ଘରୋଇ ବିମାନ ଉତ୍ପାଦନକୁ ଯଥେଷ୍ଟ ପ୍ରୋତ୍ସାହନ ମିଳିବ ।

ଆକାଶବାଣୀ ସମ୍ବାଦ ବିଭାଗ ସହ କଥାବାର୍ତ୍ତା ବେଳେ ମନ୍ତ୍ରଣାଳୟର ସଚିବ ସମୀର କୁମାର ସିହ୍ନା କହିଛନ୍ତି, ୨୦୨୮ ମସିହା ପର୍ଯ୍ୟନ୍ତ ରକ୍ଷଣାବେକ୍ଷଣ, ମରାମତି ଏବଂ ସମସ୍ତ ଉପକରଣ ଅଂଶ ଉପରେ ସୀମାଶୁଳ୍କ ଛାଡର ସମ୍ପ୍ରସାରଣ ଭାରତକୁ ଏକ ବିଶ୍ୱ ବିମାନ ରକ୍ଷଣାବେକ୍ଷଣ ହବ୍‍ ଭାବରେ ସୁଦୃଢ଼ କରିବ । ଏହି ପଦକ୍ଷେପ କୁଶଳୀ ନିଯୁକ୍ତି ସୃଷ୍ଟି କରିବା ସହ ଖର୍ଚ୍ଚ ହ୍ରାସ କରିବ ଏବଂ ବିଶ୍ୱ ବିମାନ ଚଳାଚଳ ଇକୋ ସିଷ୍ଟମରେ ଭାରତର ପ୍ରତିଦ୍ୱନ୍ଦ୍ୱିତାକୁ ବୃଦ୍ଧି କରିବ ।