Budget 2024: ବଜେଟରେ ବଡ ଉପହାର ଦେବେ ମୋଦି, ଜନତାଙ୍କ ପାଇଁ କ'ଣ ରହିଛି ମୋଦୀଙ୍କ ବଡ ଉପହାର?

Published: Tuesday, July 23, 2024, 8:55 [IST]

ମୋଦି ସରକାରଙ୍କ ତୃତୀୟ ପାଳିରୁ ଏଥର ପୂର୍ଣ୍ଣାଙ୍ଗ ବଜେଟରୁ ସାଧାରଣ ଜନତାଙ୍କର ଅନେକ ଆଶା ରହିଛି । ଗରିବ ତଥା ମଧ୍ୟବିତ୍ତ ବର୍ଗଙ୍କ ପାଇଁ ଏଥର ମୋଦୀ ସରକାର କ'ଣ ଉପହାର ରଖିଛନ୍ତି ତା' ଉପରେ ସମସ୍ତଙ୍କ ନଜର ରହିଛି ।

ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ବ୍ରିଫକେସ୍ ଦେଶର ଅର୍ଥନୀତିକୁ ବୁଷ୍ଟର ଡୋଜ୍ ଦେଉଛି ନା ଏହା କେବଳ ସାଧାରଣ ବଜେଟରେ ପରିଣତ ହେଉଛି, ତାହା ବଜେଟ୍ ଭାଷଣରେ ଦେଖିବାକୁ ମିଳିବ। ଅର୍ଥମନ୍ତ୍ରୀ ନିର୍ମଳା ସୀତାରମଣ ସକାଳ ୮ଟା ୪୦ରେ ଅର୍ଥ ମନ୍ତ୍ରାଳୟରୁ ବାହାରିବେ। ସକାଳ ପ୍ରାୟ ୯ଟା ବେଳେ ବଜେଟ୍ ପ୍ରସ୍ତୁତ କରୁଥିବା ମନ୍ତ୍ରାଳୟର ଟିମ୍ ସହ ଫଟୋ ସେସନ୍ କରିବେ। ଏହା ପରେ ବଜେଟ୍ ଉପସ୍ଥାପନ ପାଇଁ ରାଷ୍ଟ୍ରପତିଙ୍କ ଠାରୁ ଅନୁମତି ଆଣିବେ। ୧୦ଟାରେ ଅର୍ଥମନ୍ତ୍ରୀ ଓ ଅର୍ଥ ରାଷ୍ଟ୍ରମନ୍ତ୍ରୀ ବଜେଟ୍ ନେଇ ସଂସଦରେ ପହଞ୍ଚିବେ ଏବଂ ସେଠାରେ ଆଉ ଏକ ଫଟୋ ସେସନ ହେବ। ବଜେଟ୍ ପୂର୍ବରୁ ଦୁଇ ଦୁଇ ଥର ଫଟୋ ସେସନର ପରମ୍ପରା ଏବେବି ରହିଛି। ଆଉ ୧୧ଟାରେ ଅର୍ଥମନ୍ତ୍ରୀ ଲୋକସଭାରେ ୨୦୨୪-୨୫ ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନ କରିବେ। ପ୍ରାୟ ଦିନ ଗୋଟାଏ ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବଜେଟ୍ ଉପରେ ପ୍ରତିକ୍ରିୟା ଦେବେ। ଅପରାହ୍ନ ୩ଟାରେ ବଜେଟକୁ ନେଇ ସାମ୍ବାଦିକ ସମ୍ମିଳନୀ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ।