Budget 2024: ପେନସନକୁ ନେଇ ହୋଇପାରେ ବଡ଼ ଘୋଷଣା, ଜାଣନ୍ତୁ କ'ଣ

Budget 2024: ଜୁଲାଇ 23ରେ ସମ୍ପୁର୍ଣ୍ଣ ବଜେଟ୍ ଉପସ୍ଥାପନ ହେବ । 2024-25 ଆର୍ଥିକ ବର୍ଷ ପାଇଁ ଏହି ବଜେଟ୍ ମଧ୍ୟବିତ୍ତ ପରିବାର ପାଇଁ ଉଦ୍ଦିଷ୍ଟ ହେବ ବୋଲି ଆଶା କରାଯାଉଛି । ଟ୍ୟାକ୍ସ ସ୍ଲାବରେ ପରିବର୍ତ୍ତନ, ଇନକମ୍ ଟ୍ୟାକ୍ସ ଲିମିଟେଡରେ ରିହାତି ଏବଂ HRA ବୃଦ୍ଧି ପରି ଅନେକ ଘୋଷଣା କରାଯାଇପାରେ । ଏହା ବ୍ୟତୀତ ସରକାର ମଧ୍ୟ ଅଟଳ ପେନ୍ସନ୍ ଯୋଜନାରେ ବଡ ପରିବର୍ତ୍ତନ ଆଣିବାକୁ ଯାଉଛନ୍ତି ବୋଲି ସୂଚନା ରହିଛି ।

ତେବେ ଏହି ସ୍କିମ୍ ବର୍ତ୍ତମାନ ହେଲେ ଲୋକମାନେ ବର୍ତ୍ତମାନ 5000 ଟଙ୍କା ବଦଳରେ 10,000 ହଜାର ପେନ୍ସନ୍ ପାଇବେ । ଯେଉଁମାନେ କେନ୍ଦ୍ର ସରକାରଙ୍କ ଅଟଳ ପେନ୍ସନ୍ ଯୋଜନାରେ ବିନିଯୋଗ କରୁଛନ୍ତି ସେମାନେ 60 ବର୍ଷ ବୟସ ହେବା ପରେ ପ୍ରତିମାସରେ 5000 ଟଙ୍କା ପର୍ଯ୍ୟନ୍ତ ପେନ୍ସନ୍ ପାଇବା ନେଇ ସ୍ଥିର କରାଯାଇଥିଲା । ବର୍ତ୍ତମାନ ସରକାର ସର୍ବନିମ୍ନ ଗ୍ୟାରେଣ୍ଟି ପରିମାଣକୁ 10,000 ଟଙ୍କା କରିପାରନ୍ତି ।

ଇକୋନୋମିକ୍ ଟାଇମ୍ସର ରିପୋର୍ଟ ଅନୁଯାୟୀ, ବର୍ତ୍ତମାନ ସରକାର ଏହି ନିଷ୍ପତ୍ତିକୁ ନେଇ ଆଲୋଚନା କରୁଛି । ଜୁଲାଇ 23 ରେ ଉପସ୍ଥାପିତ ହେବାକୁ ଥିବା ବଜେଟ୍ ପୂର୍ବରୁ ଅଟଳ ପେନ୍ସନ୍ ଯୋଜନାରେ ପରିବର୍ତ୍ତନ କରାଯାଇପାରେ । ରିପୋର୍ଟ ଅନୁଯାୟୀ, ଦେଶରେ ସାମାଜିକ ସୁରକ୍ଷା ଗଠନକୁ ମଜବୁତ କରିବାକୁ କେନ୍ଦ୍ର ସରକାର ଗୁରୁତ୍ୱପୂର୍ଣ୍ଣ ଭାବେ ବିଚାର କରୁଛନ୍ତି । ଜୁନ୍ 20 ପର୍ଯ୍ୟନ୍ତ ଏହି ଯୋଜନା ଅଧୀନରେ ପ୍ରାୟ 6.62 କୋଟି ଆକାଉଣ୍ଟ ଖୋଲାଯାଇଛି । ସେଥିମଧ୍ୟରୁ କେବଳ 2023-24 ଆର୍ଥିକ ବର୍ଷରେ 1.22 କୋଟି ଆକାଉଣ୍ଟ ଖୋଲାଯାଇଛି ।

ଅର୍ଥମନ୍ତ୍ରୀ ନିର୍ମଳା ସୀତାରମଣ ନିକଟରେ ସୋସିଆଲ ମିଡିଆରେ କହିଥିଲେ ଯେ, ଅଟଳ ପେନ୍ସନ୍ ଯୋଜନା ନିଶ୍ଚିତ ପେନ୍ସନ୍ ରାଶି ସହିତ ଏକ ସୁଲଭ ଯୋଜନା ଭାବରେ ଡିଜାଇନ୍ କରାଯାଇଛି। ଏହି ଯୋଜନା 9.1 ପ୍ରତିଶତ ରିଟର୍ଣ୍ଣ ଦେଇଛି । ଅନ୍ୟ ସଞ୍ଚୟ ଯୋଜନା ଅପେକ୍ଷା ଏହା ଉତ୍ତମ । ବର୍ତ୍ତମାନ ସରକାର ଅଟଳ ପେନ୍ସନ୍ ଯୋଜନା ଅଧୀନରେ ମାସକୁ 1000 ରୁ 5000 ଟଙ୍କା ପର୍ଯ୍ୟନ୍ତ ସର୍ବନିମ୍ନ ପେନ୍ସନ୍ ଗ୍ୟାରେଣ୍ଟି ପ୍ରଦାନ କରୁଛନ୍ତି।

English summary

Budget 2024: Govt may double minimum guaranteed amount under Atal Pension Yojana.